KOLOSSA 1:4 - PATHIEN LEKHABU THIENGTHO (BSI)

⁴ Krista Isu na taksan zieu leh, mithiengtho cheng chengte chunga hehpihna na neih zieu ka na zak uh apat, nang haw dinga paucham zingin, Pathien, I Lalpau Isu Krista Pa kawm achun kipahthu ka gen zing sek ui.

KOLOSSA 1:4 ပူးပေါင်းရင်းမြစ်များ

EPHESI 1:15

Zieziekchun, ken le Lalpa Isu na taksanna thuu leh, Pathien mi thiengthote na lungsietna thuu ka zak akipat,

2 THESSALONIKA 1:3

Suohpihte haw, nangmau haw chungchâng thu ahin, Pathien kawmah kipahthu gen zing ding him ka hiu hi. Zie chuh kei uh dingin hih ding kilawm mawng a hi a; na taksannau chuh nasa taka a hung khanlet tâk ziekin leh mi dangte chunga nangmau haw chietin hehpihna na neih uh chuh a hung pun zawksem tâk ziekin.

1 THESSALONIKA 1:3

ka pauchamnau haw achun na min uh lo in, nangmau haw, na bawnchau a dingin Pathien kawmah kipahthu ka gen zing sek ui.

HEBRAI 6:10

Na nasep u leh, a min zieka hehpihna na latsak sek uh, mithiengthote na zenvielnau, tu tieng a le na hih zing uh chuh hengilh dingin Pathien chuh mi diktatlo a hi puoh ngâl a.

1 JOHAN 4:16

Pathien in hehpihna eihaw a dinga a neih chuh I heu a, gin le I ginchak uh ahi. Pathien chuh hehpihna ahi a, hehpihna a um zing chuh, Pathien ah a um zing a, Pathien le amah a um zing ahi.

PHILIMON 1:5

ka pauchamna achun na min lo zingin, ka Pathien kawm achun kipahthu ka gen sek hi.

1 JOHAN 3:14

Suohpihte I hehpih ziekun, thihna apat I suokchau a, hinna ah I lut tau hi, tih I heu ie. Kuole, hehpihna nei lo taphawt chuh thihna a um zing nalai ahi.

GALATI 5:6

Krista Isu achun, zektan bangmah a phachuom puoh a, zektan loh le bangmah a phachuom diek puoi; taksanna a, hehpihna nasep vang chuh a phachuom ahi.

1 JOHAN 3:23

Chun, a thupiek chuh ziehi ahi, a Chapa Isu Krista ginchak a, Krista thu ei piek banga kihehpih tuoh hih.

1 THESSALONIKA 3:6

Tuhin, Timothe chuh na kawm u apat hung kitin, na taksan zieu leh na lungsietnau, thu kipah-um tak chuh ei hun puok sak kit ta a. Amah chun, nei hetzing danteu leh, nang haw hun muh ka nawp guol mah un, muh nei nuom mah mah ui tih ei hilh a.

KOLOSSA 1:9

Zieziekchun, na chanchin uh ka zak uh apat, nang haw dinga paucham leh hun nget sak ka hai puou hi. Pathien kawm achun, a Thagau in a piek, amah deihlam hetna leh, chitna tin cheng leh hetna bukima na hung dim theihna dingun ka hun nget sak sek ui.

2 KORINTH 7:7

A hungna zieka ei sukthathawh mai chuh hilo in. himahlele, amah na tîlkhoh danteu a gen chun le, ei hihhalh ahi. Muh nei nawpdan teu, na lungkham danteu, ei panpih dinga na kiguotkhawl zawh danteu, ei hilh uh a, khutichun, tuhin chuh, nasatak in ka kipâk zaw tai.

GALATI 3:26

Krista Isu tawh pumkhata um in, taksanna ziekin Pathien chate na hi vek ngâl u a.

GALATI 3:28

Khutichun, Juda leh Grik kal a kilamdanna a um ta puoh a, suok leh suok lo kal a le, numei leh pasal kal a le a um diek ta puoi; na bawn u chun Krista achun pumkhat na hung hi tau hi.

EPHESI 6:18

ziehaw chuh, bang hun ale, Pathien kawmah paucham in ngên zawu in. Hun tin ah, thagau in a hun puih bang zelin paucham un. Zie ziek tak hin, kivêng phau inla, Pathien mite dingin paucham zingun.