KISIMNA 9:12 - PATHIEN LEKHABU THIENGTHO (BSI)

¹² A zing tienga dingin bangmah a sit dinguh ahi puoh a, a guh khat chale a sukbawt ding uh ahi puoi: Chiehkân Kut a hih dingdan kiguot dungzuia ahih ding uh ahi.

KISIMNA 9:12 ပူးပေါင်းရင်းမြစ်များ

JOHAN 19:36

Pathien Lehkha Thu a: “A guh khat chale sukbawt hi puo’n a,” tih tunna dingin zie thil haw chuh hung um ahi.

PAWTDAWKNA 12:46

Insung a nek ding ahi; pawlam ah a sa himhim chawihdawk loh ding ahi a; a guh le na sukbawt loh hiel ding uh ahi.

PAWTDAWKNA 12:10

Chun, a zing a ding chun bangmah na kawih ding uh ahi puoh a; nek mâwk um chuh mei a na hâlmang ding uh ahi.

PAWTDAWKNA 12:43

Chun, Lalpa’n Mosi leh Aron kawmah, “Ziehi Chiehkân Kut thupiek na mat dân ding chuh ahi: gamdang mi chun a nêk loh dinguh ahi:

KISIMNA 9:3

A hunbi dungzui in, tu tha ni sawmleli ni, khawmiel zula na mat pat dinguh ahi: zie a hih dinga kiguot guol chengcheng leh dân guol zel chun na neih dinguh ahi,” ti’n.

PAWTDAWKNA 12:8

Chun, belam no sa chuh zie zan ngêi achu a nek dinguh ahi a; em min un tin, chângthâk chawl sawhloh tawh hampa kha tawh a meh dinguh ahi.

PAWTDAWKNA 40:38

Tichun, Lalpa umpihna meipi chuh sun leh hobuk chungah a uma, zan leh meikuong in a hung um zel seka; Israel chate chengcheng chun a khuolzin sung cheng u chun zie chuh a mu zel sek ui.