KISIMNA 8:8 - PATHIEN LEKHABU THIENGTHO (BSI)

⁸ Chun, bâwngchal tuoi khat tawh changbuong thillat, sathau tawh kihel, changbuong nêl tak tawh lâksak inla, gitloh thawihna dingin bâwngchal tuoi dang khat le na kaih ding ahi.

KISIMNA 8:8 ပူးပေါင်းရင်းမြစ်များ

THIEMPUDANTE 2:1

Chun, Mi kuo’nle, Lalpa kawma an thillat a lat chun, a thillat chuh changbuong nêl tak hiding ahi a, olive thau sunkhum intin, a chungah gimlim tawh hel ina.

2 KORINTH 5:21

Amah a chuh, mi diktat I hung hih theihna dingun, gitloh himhim helo hiel pa chuh, Pathien in eimau haw ziekin, gilo in a siem ta ngâl a.

ROME 8:3

Phehlevo zieka Dan chuh a hatloh a, a hih theih guol loh chuh, Pathien in amah Chapa ngêi, phehlevo gitloh bang pu’n, gitloh thawihna dingin a hun sawl a, phehlevo a gitlohna um chuh mawh a hun chansak ta a:

ISAI 53:10

Himahlele, zêp thidup a a um chuh Lalpa phasak lam ahi a, suknat in a um ta ngeia, a hinna chuh gitloh ngaihdamna dinga kithawihna ahi ngâl a, a mah chite chuh hun mu’n tin; a nite chuh suksau sak in tin, tichun, Lalpa deihlam chuh amah achun sukbukim in um ina.

THIEMPUDANTE 16:3

Gitloh thawihna dinga bâwngchal tuoi khat leh, hâlmang thillat dinga belamchal khat a hun kaih zawh phat chuleh, Mun thiengtho pên chuh lut thei chauh ding ahi,” a ti a.

THIEMPUDANTE 8:2

“Aron leh a chapate chuh ka umna puon-In kawtkhak lutna achun pui inla, chun, thiempu silhlechen leh thau nuh zat leh gitloh thawihna dingin bâwng tuoi, belam nih leh, chângthâk chawl sawhloh bawm chuh chawi inla,

THIEMPUDANTE 4:14

a gitlohnau ahung kihet het chuleh, mipite chun a gitloh uh thawihna dinga chuh, bâwng tuoi khat a hun kaih dinguh ahi. Lalpa umna puon-In achun hun kai untin,

THIEMPUDANTE 4:3

A gilopen chuh, thau nuh thiempu a hih a, mipi thiemloh chansak thei ahih khelh chun a gitloh thawihna ding chun, bâwngchal dem umlo, Lalpa kawma a lat ding ahi.

THIEMPUDANTE 1:3

A thillat chuh, hâlmang thillat a hih chun, bâwng guol laka a chal dem umlo, a lat ding ahi. Amah chuh pawm sak a hih theihna dingin, kikhawp khâwmna puon-In kawtkhak maia chuh a lat ding ahi.

PAWTDAWKNA 29:3

Ziehaw chuh bawm khat a kawih in, a bawm pum in bâwngchal leh belamchal nih chu tawh na hun piek ding ahi.

PAWTDAWKNA 29:1

“Chun, thiempu na sema, kei a dinga zenvielna na a sep theihna ding un amau haw sukthienthona dingin a chung u ah hitibang hin na hih ding ahi: bâwngchal tuoi khat leh belamchal demna bei nih tawh,