KISIMNA 8:12 - PATHIEN LEKHABU THIENGTHO (BSI)

¹² Chuleh, Levi te haw chun bâwngchal lu chung haw achun a khut uh ngau un tin uh; khat chuh gitloh thawihna ding in, khat chuh hâlmang thillat in, Levi te sukthienthona kithawihna a hih ding ahi.

KISIMNA 8:12 ပူးပေါင်းရင်းမြစ်များ

PAWTDAWKNA 29:10

“Chuleh, kihona puon-In mai achun bâwngchal na hun kaih ding ahi: Aron leh a chapate chuh bâwngchal lu chunga a khut u ngau in tin.

HEBRAI 9:22

Tichun, Dan thu vangin, thil chengcheng chuh thisana sukthien in a um sek a, thisan mang lo in, gitloh ngaihdamna himhim a um puoh ngâl a.

THIEMPUDANTE 8:14

Chun, Mosi chun gitloh thawihna ding bâwngchal chuh a hun kai a, Aron leh a chapate chun a lu chung achun a khut uh a ngau a,

THIEMPUDANTE 1:4

Hâlmang thillat lu chung achun a khut nga’n tin, tichun, amah gitloh lâkmangna dingin pawm sak hi’n a.

KISIMNA 8:8

Chun, bâwngchal tuoi khat tawh changbuong thillat, sathau tawh kihel, changbuong nêl tak tawh lâksak inla, gitloh thawihna dingin bâwngchal tuoi dang khat le na kaih ding ahi.

KISIMNA 6:16

Thiempu’n ziehaw chuh Lalpa masang ah lân intin, gitloh thawihna leh, hâlmang kithawihna chuh lân ina.

KISIMNA 6:14

Chun, Lalpa dinga thillat in belamno achal, kum khata upa, demna bei hâlmang thillat dingin khat, belamnu, kum khat a upa demna bei gitloh thawihna thillat dingin; Lalpa kawma a piek ding ahi.

THIEMPUDANTE 16:21

Aron chun a khut nih chuh kel hing lu chung achun nga’n tin; achung achun Israel chate manlohna chengte, a bawhsietnau haw chuh phuong in, kel lu chunga chun nga’n tin; tichun, a kaimang dinga mi kiguotsa chun thalek lam achun kaimang ina.

THIEMPUDANTE 16:11

Chun, Aron in amah a ding leh a inkawte dinga gitloh thawihna bâwngchal chuh la’n intin, amah leh a inkawte dingin kichamna siem ina, amah chanvo gitloh thawihna bâwngchal chuh that intin.

THIEMPUDANTE 16:6

Chun, Aron chun bâwngchal chuh amah leh a inkawte gitloh thawihna dingin lân intin,

THIEMPUDANTE 14:22

Chun, vakhu tuokkhat ahim, vapal tuokkhat ahim a neih theih zawk zawk hun chawi intin, khat chuh gitloh thawihna ding hi’n tin, khat chuh hâlmang thillat ding hi’n a.

THIEMPUDANTE 9:7

Chun, Aron kawm achun, “Maichâm chuh hun naih inla, na gitlohnate na hâlmang thillat te lân inla, nanga ding leh mipite a ding in kichamna siem in; chun mipite thillat chuh lân inla, amau a dingin kichamna siem in, Lalpa thupiek bangin,” a ti a.

THIEMPUDANTE 8:34

Na gitlohnau sukthienna dinga tunia I hih u hi, Lalpa’n hih dinga ei piek chuh ahi ngâl a.

THIEMPUDANTE 8:18

Zie zawh chun, Mosi chun hâlmang thillat ding belam chuh a kai a, tichun, Aron leh a chapate chun a chungah a khut uh a ngau a.

THIEMPUDANTE 5:7

Belamno a neih zawh loh a ahih leh, Lalpa kawma lat dingin a gitloh man ding chun a bawhsiet thawihna dingin vakhu nih ahim vapalno nih ahim a hun chawih ding ahi; khat chuh gitloh thawihna ding hi’n tin khat chuh hâlmang kithawihna ding hi’n a.

THIEMPUDANTE 4:35

Chun, a thau cheng chuh, belamno thau, chamna thillat kithawihna a lak guol khan ladawk vek intin, Lalpa dinga mei thillat kha tawh a hâl khawm vek ding ahi. Zie tawbang chun thiempu’n kithawihna siem sak intin, a gitlohna chuh ngaihdam hi’n a.

THIEMPUDANTE 4:20

Gitloh thawihna bâwngchal a hih guol mah khan, zie bâwngchal chunga hile ahih ding ahi, zie tawbang hin mipite gitloh thawihna chuh siem sak intin, tichun, ngaihdam hi’nau.

THIEMPUDANTE 4:4

Bâwngchal chuh kikhawp khâwmna puon-In kawtkhak bul achun hun kai intin, bâwngchal lu chung achun a khut nga’n tin, Lalpa masanga bâwngchal chuh a thah ding ahi;

THIEMPUDANTE 4:15

mipi laka upate chun Lalpa ma ah bâwng lu chung achun a khut uh ngau untin, Lalpa ma a chuh a thah dinguh ahi.

KISIMNA 8:13

“Chun, Levi te chuh Aron leh a chapate ma ah um sak in na tin, Lalpa dingin pei thillat a na lat ding ahi.

THIEMPUDANTE 8:15

Mosi chun bâwngchal chuh a that a, a thisan chuh neukhat a laa, sukthientho a hihna dingin maichâm ki achun a khut in a tât viel ta a. A dang cheng chuh maichâm bul achun a sung tha vek ta a. Zie tawbang hin, piekna leh sukthienthona chuh a bawl ta a.