KISIMNA 5:9 - PATHIEN LEKHABU THIENGTHO (BSI)

⁹ Chun, Israel chate thil thiengtho, pei thillat chengcheng, lat sak dinga thiempu kawma a hun chawih taphawt u chuh thiempu chanvo ding ahi,

KISIMNA 5:9 ပူးပေါင်းရင်းမြစ်များ

KISIMNA 18:19

“Israel chate’n thilpiek thiengtho Lalpa kawma a piek cheng u chuh nang leh na chapate leh na chanute kumkhuo a a chanvo dinguh a ka hun piek ahi. Zie hi nang leh na suonte chana Lalpa ma a kumkhuo chi thugawlh chuh ahi,” a ti a.

PAWTDAWKNA 29:28

Zie chuh Israel suonte apat a kumkhuo a Aron leh a chapate chanvo dinga guot hi’n a; zie chuh khaihkang thillat ahi ngâla; chamna thillat a a kithawihna teu laka Israel suonte’n a khaihkang thillat ding u chuh hi’n a, Lalpa dinga khaih thillat ngêi u chuh a malpi thiempute dinga a piek ding uh hi ka dân kithenglo ding chuh ahi. Ziehi kei Lalpa kawma mipite thilpiek chuh ahi.

THIEMPUDANTE 10:13

Chun, Lalpa kawma mei thillat lak apat a nang leh na chapate dinga piek dawk a hih ziekin, mun thiengtho a na nek dinguh ahi. Zie chuh ahi, Lalpa’n thu ei piek chuh,

THIEMPUDANTE 6:26

Gitloh thawihna siem thiempu chun zie sa chuh a nek ding ahi a, kihona puon-In huongsung a mun thiengtho a chuh a nek ding ahi.

THIEMPUDANTE 7:32

Amal changlam chuh kichamna thillat kithawihna a pei thillat dingin thiempu na piek dinguh ahi.

THIEMPUDANTE 7:34

A âwm leh a mal a pei sek u chuh, thilpiek chuom mawngmawng ahi a, a mal changlam vang chuh Israel mipite lak apat a thiempu chanvo ding a Lalpa’n a phut chuh ahi. Hun hung tung zel ding ale Israel chate’n thiempute kawma a piek zel dinguh ahi.

THIEMPUDANTE 10:14

Chun, a âwm pei leh a mal changlam pei chuh mun thiengtho a na nek dinguh ahi; nang leh na chapate leh na chanute tawh; Israel suonte chamna thillat kithawihna a na chanvo ding leh na chapate chanvo ding dinga guot ahi ngâla.

THIEMPUDANTE 10:15

Chun, amal leh a âwm chuh Lalpa kawma pei thillat a lat dingin, mei a thillat thau tawh ahun chawih dinguh ahi a; zie chuh, nang leh na chapate tawh kumkhuo a na chanvo dinguh hi’n a, Lalpa thupiek bang khan,” a ti a.

KISIMNA 5:8

Amahvang chuh, gitloh man ne ding pa chuh a thih a, inkuon kinaihpih a neih loh chun, Thiempute chanvo dinga Lalpa kawma piek ding ahi. Zie chuh thil gilo hih pa gitlohna thawihna dinga belamchal kimang tihloh a, a chuonga a piek ding ahi.

KISIMNA 31:41

Lalpa’n Mosi thu a piek bang in sieh, Lalpa deihchuom a piek chuh Mosi’n thiempu Eleazar a pie a.

DAN NIHNA 12:26

Na thil kawih thientho hawu leh piek dinga na tiemsa cheng u chuh chawiin, Lalpa’n a teldawk ding mun achun chieh un;