KISIMNA 5:3 - PATHIEN LEKHABU THIENGTHO (BSI)

³ Numei hi henla, pasal hileh a thienglo chengcheng chuh na nawhdawk vek ding ahi; khutia chuh ka mipite laka ka chênna giehbuk chuh sukbuok a a umloh na dingin” a ti a.

KISIMNA 5:3 ပူးပေါင်းရင်းမြစ်များ

DAN NIHNA 23:14

Lalpa na Pathien u chun nang u hun vengbit ding leh na melmateu na khut u a hun pie dingin na giehmun vel uh achun a vakviel sek ngâla; zieziekchun, na giehmun chuh a thientho ding ahi; khutilochun, na lak u ah thil buok mu’n tin, hun kiheimangsan kha’n a.

THUPHUON 21:27

Himahlele, thil buok himhim khawpi achun lut puo’n tin, thil muhdahum hihte leh, lepchieh gente le lut diek puo’n au. Belamno Hinna Lehkhabu a min a zikteu maicha lut un au.

THUPHUON 21:3

Lalchutphah apat chun aw ngeih tak in, “Ngaitie! Pathien bâwkcha chuh mihiem lak ah a hung um tai, Amah chuh a kawm u ah um intin, Amau haw chuh a mite hiu intin uh; Pathien mawng chuh a kawm u ah um intin, A Pathien uh le hi’n a.

TITA 3:10

Kibungkhenna siem mi chuh, khatvei nihvei ko nung in deih ta ki’n;

2 THESSALONIKA 3:6

Chun, suohpihte, ka kawmuh apat thu a muh bang u a um lo a, hindan thadah taka um, suohpih tincheng lak apat kikiengkawih dingin, I Lalpau Isu Krista min in thu ka hun piek na hiu hi.

ISAI 12:6

Zion a umte haw chuh ngeih tak in kiko u henla, Israel Pathien Thiengtho, a mite laka cheng chuh a lopi ngâl a,” ti’n.

SAM LEHKHABU THE PSALMS 68:18

Nang chuh tâng chunglam ah na kalto ta a, sala matte chu na pui a; Mihiem te apat chun thilpiek le na changa, Ahi, Lalpa Pathien kalh a helte chu a kawm u ah a um ui.

1 LENGTE 7:3

Chun, guol khat achun sawmlenga zel ahi a, khuom sawmli leh nga chunga kinga inkamte chung achun sidar thing a khuh ahi.

KISIMNA 35:34

Na chênnau gam hi na sukbuok dinguh ahi puoi, a sung achun keile ka chêng a; kei Lalpa chuh Israel chate lak ahin ka chêng ngâla, ti’n,” a ti a.

KISIMNA 19:22

Bang hitaleh, mi thienglo sukha taphawt chuh thienglo hi’n tin, kuole a sukha taphawt chuh nitâk lam geia thienglo hi ding ahi.

PAWTDAWKNA 25:8

Chun, Munthiengtho ei siem sak u hen, a lak u a ka chên theihna dingin.

PAWTDAWKNA 29:45

“Tichun, Israel chate lak achun chêng ing ka ting, chun, a Pathien uh hi’ng ka.

THIEMPUDANTE 14:8

Chun, a kithiensak ding chun a puonhaw sawp intin, a kisil ding ahi a, a sam haw a met muih ding ahi, zie zawh chuleh thieng ta’n a. Giehbuk sung achun lut thei intin, hilele, ni sagih sung chuh puon-In pawlama a um ding ahi.

KISIMNA 5:4

Tichun Israel chate chun khutibang chun ahih u a, amau haw chuh giehbuk pawlam ah a kawihdawk vek tau a,

KISIMNA 16:3

Mosi leh Aron masang achun a kikhawm tau a, a kawm u ah, “Na chiehkhiel taluo tau ui! mipite chengcheng hi a thiengtho u a, Lalpa a ahiu a, Ka bawn u a kawmah Lalpa a um ngâl a. Bang zieka Lalpa mipite chung ahi kiletsak chuom na him?” a tiu a.

THIEMPUDANTE 15:31

Israel mipite a thien loh lai u a, a hih dân dingun, Lalpa’n Mosi kawmah zie dante hi a pie a, khutia chuh, a umnau puon-In, giehbuk haw lailung lai taka um chuh a sukbuok lohna dingun. Kuole, a hihbuok ta chuh thi tei ding ahi ngâl u a.

DAN NIHNA 23:15

“Mi suok a um, a pu hun taihsana nang u hung bel a um chun, a pu na piek kit dinguh ahi puoi: