KISIMNA 3:10 - PATHIEN LEKHABU THIENGTHO (BSI)

¹⁰ Himahleh, Aron leh a chapate chuh thiempu na sem dingin ziklut in na tin, amau chuh thiempu hihna chang zing un tin, midang hung kigawlh kha a um u chun suklup hin au,” ti’n.

KISIMNA 3:10 ပူးပေါင်းရင်းမြစ်များ

KISIMNA 1:51

Puon-In chuh a kichawn ding cheng leh Levi te chun phel un tin, zak kit ding cheng leh Levi te mah chun zak sek un au; midang a vanaih ta chuh suklup ding hi’n a.

KISIMNA 3:38

Chun, hobuk suoh lampang achun Mosi leh Aron leh a chapate chun puon-In zak untin, mun thiengtho a Israel chate dingin a mamawh taphawt uh sem un au. Pawlam mi a va naih taphawt chuh suklup ding ahi.

ROME 12:7

Sinsakna lam a hih chun, sinsak hiting un; mi hilhna lam a hih chun, mi hilh hitiu.

KISIMNA 18:7

Himahleh, nang leh na chapa te hin maichâm leh puonzak sunga na thiempu nasep u chuh tihtakzet a nasep dinguh ahi; thiempu nasepna hi thilpiek a ka hun piek ahi a; gamdang mi a hung kigawlh khak chun suklup ding ahi” a ti a.

HEBRAI 8:4

Leia hi ana um hile chuh, Thiempu hilo hiel ding ahi, Dan dungzuia thilpiek lânte a na umsa a um ziekun.

EPHESI 2:19

Khutichun, tuhin, malzin leh khawpem mai na hi ta puou a; mi thiengthote chu tawh tuolkhat leh, Pathien inkawte na hung hi zaw tau hi.

EZEKIEL 44:8

Chun, ka thil thiengthote chuh na enkawl puou a, zie gamdang mite hi ka mun thiengtho ah nanguh sik in na etkawl sak zaw tau hi!

KISIMNA 18:3

Na sep hun kithuohpih untin, puon-In sakna na chengcheng chang untin, amahvang chuh Mun thiengtho a belhaw leh maichâm chuh khawih kha kiu hen. A khawih khâk u chun nang leh a mau haw chuh thi ding na hiu hi.

KISIMNA 16:40

Israel chate dinga hetzing na dingin, Aron suon hilo, nam dang himhim in Lalpa ma a gimlim hâl dinga ahung naih loh dinguh ahi; Kora leh a lawite banga a umloh na ding un, ti a Lalpa’n Mosi kawma a gen bang khan.

KISIMNA 16:35

Zie chun Lalpa’n mei a sawl a a kuong zak a, gimlim hâlte mi zanih leh sawmnga te chuh a kang lum ta a.

PAWTDAWKNA 29:9

Chun, Aron leh a chapate chuh kâwnggak a gâk in, diel na kawpsak ding ahi; chun, thiempu hihna chuh kumkhuo a dingin namdetna chang tan au; tichun, Aron leh a chapate chun kumkhuo’n thiempu na chuh sem ta’n au.

1 KHANGTHUBU 6:32

Leng Solomon in, Ho-In a sak ma apat in, Lalpa umna puon-In achun, amau pan hun dungzui zelin na a sem u a.

2 SAMUEL 6:7

Tichun Lalpa lung chu Uzzah chung achun a na phut ta a, a thilhih dikloh ziek chun Pathien in zie tak achun a that ta a, Pathien bawm kawm achun a thi ta a.

1 SAMUEL 6:19

Chun, Pathien bawm sung a et ziekun Bethsemesh khuo a mite chu a gawt lum a, alak uh a mi singnga leh sawmsagih hiel a gawt lum hi: Lalpa’n mipite chu a hah gawt bêk ziekin mite chu a kap u a.

THIEMPUDANTE 22:10

“Gamdang mite chun thil thiengtho chuh a nek dinguh ahi puoi; thiempute kawma khawsa ahim, mi kithalawh ahim chun le thil thiengtho chuh a nek ding ahi puoi.

KISIMNA 3:11

Chun, Lalpa’n Mosi kawmah a gena,

KISIMNA 16:10

Levi chapa na unaute chengcheng thiempu na sem dinga a hun umsak hi thil neuthem a na ngaih uh ahi maw, thiempu hihna na hawl naklai uh?

VAIHAWMTE 17:5

Chun, Mika chun pathien In haw a nei a, Ephod leh teraphim a siem a, thiempu dingin a chapa khat chuh a kawihchuom ta a.

DAN NIHNA 18:5

Lalpa na Pathien un na phung chengcheng lak u a Lalpa min a nasem a um kumkhuo dingin amau leh a suonteu chuh a tel ahi ngâl u a.

1 LENGTE 12:31

Chun, amah chun munsangte ah chun In a sa a, Levi chite hilo, vantâng laka mi thiempu dingin a siem ta a.

NEHEMIA 6:11

Chun, ken, “Kei u lawi hi taisie ding chi ka hiu em? A hinna hukbit na dinga Ho-In a tailut ding kuo a? Tailut hiel puo’ng ka,” ka ti a.