KISIMNA 27:2 - PATHIEN LEKHABU THIENGTHO (BSI)

² Chun, ziete chuh Lalpa umna puon-In kawtkhak ah, Mosi leh thiempu Eleazar leh phung tina milien haw leh, ki khawm khawmte chengcheng masang achun a va ding u a.

KISIMNA 27:2 ပူးပေါင်းရင်းမြစ်များ

KISIMNA 9:6

Himahleh, kuote ahim, mithi luong khawih zieka thienglo a na um u a, Chiehkân Kut ah a tel thei ta puou hi; zie ni mah chun Mosi leh Aron kawm achun a chieh uh a;

KISIMNA 27:1

Tichun, Zelophehad chanute chuh a hung kipan u a; Zelophehad chuh Herper chapa ahi a, Herper chuh Gilead chapa ahi a; Gilead chuh Makir chapa ahi a Makir chuh Manasseh chapa ahi: tichun, Zelophehad chuh Joseph chapa Manasseh phung a mi ahi.A chanute min chuh Malah, Noah, Hoglah, Milkah leh Tirzah ahiu hi.

KISIMNA 27:3

“Gamthip a khan ka pau a thi a, Lalpa do dinga kikhawm lawi, Korah lawi lak a khan a tel puoh a; himahlele amah gitloh ziekin a thi a, chapa a nei puoh a.

KISIMNA 27:21

Tichun, amah chuh thiempu Eleazar masangah ding intin, ama’n Lalpa masangah Urim leh Thumim mang in vaihawm sak intin: a thu’n pawt untin, a thu’n lut un au. Amah leh Israel suon chengcheng te, kikhawm khawm haw chengcheng tawh,” a ti a.

KISIMNA 36:1

Joseph suonte laka, Manasseh cha, Makir chapa Gilead inkuon lawiupa te laka mihaw chuh Mosi leh lawiupa, Israel suon lawiupa te kawm achun a chieh uh a; a kawm u ah,

EZRA 7:5

Zie pa chuh Abishua chapa ahi a, zie pa chuh Phinehas chapa ahi a, zie pa chuh Eleazar chapa ahi a, zie pa chuh thiempu lien Aron chapa ahi.