KISIMNA 24:9 - PATHIEN LEKHABU THIENGTHO (BSI)

⁹ Namte chuh sakeibaknei banga hât ahiu a, A ihmut chuh kuoma’n a phawng ngam lo uh ahi. Kuole Israel te vangsak chuh vangsak in um intin, kuole hansie lawh ta chuh hansie lawh in um un au,” a ti a.

KISIMNA 24:9 ပူးပေါင်းရင်းမြစ်များ

THILSIEMBUL 12:3

Nang hun vangsakte chuh vangsak ing ka ting, hansie hun lawh ta chuh hansie lawh ing ka: chun, nang achun lei a nam cheng hi vangsak in um in au,” a ti a.

THILSIEMBUL 27:29

Nam chuom chuomte’n na na sem u henla, Chi chuom chuomte’n chibai hun bûk u hen: Na suohpihte chungah lal in um inla; Na nu chate’n chibai hun bûk u hen: Hansie hun lawh ta chuh hansiet in um u henla, Vang hun pie ta chuh vangsak in um u hen,” a ti a.

THILSIEMBUL 49:9

Juda chuh sakeibaknei bang ahi a, A sa nek ding that a, a kul lama vai kit a, Kizeh a, kuol tawbang ahi, Kuoma’n a subuoi ngam puou hi.

KISIMNA 23:24

Israel namte chuh sakeibaknei hât tak bang ahiu a, a nek zawh masang u leh a suksiet zawh kêi masang u chun châwl puo’n au, a thah teu thisan a dâwn zawh masang cheng u chuh a hai puou hi,” a ti a.

MATTHAI 25:45

Tichun, Lalpen chun a kawm u ah, ‘Tihtakzet a ka hilh na hiu hi, zie mi neupen te laka khat chunga na hih loh u chuh kei chunga hih lo na hiu hi,’ ti’n a na dâwng ina.

MATTHAI 25:40

Zie tieng chuleh Lalpen chun a kawm u ah, ‘Tihtakzet a ka hilh na hiu hi, Zie ka suohpih neupen te laka khat chunga na hih u chuh, kei chunga hih na hiu hi,’ ti’n hun dâwng ina.

NASEPTE 9:5

Chun, amah chun “Lalpa, kuo na hi?” a ti a. Chun, Lalpa chun, “Isu, na sukgimtheih hi ka hii; Sutna thikzum pêk chuh nanga dingin a na ie,” a ti a.

SAM LEHKHABU THE PSALMS 122:6

Jerusalem thamuonna ding ngetsak unla: Nang hun ngainate chu lawhting u hen.

SAM LEHKHABU THE PSALMS 2:12

Chapa chuh châwp u uo, khutilochun lungna kha’n tin, lamkal ah beimang kha’n lau; kintaka lungna phut ding ahi ngâla A mah a ginna nga chengcheng chuh a hamphau hi.

JOB LEHKHABU THE BOOK OF JOB 41:10

Amah chawktho ding khawp in kuomah mi hangsan a um puou hi, kuo ahi a masanga ding thei ding?

PAWTDAWKNA 23:22

Amahvang chuh a thugen na zawp takzet u a, ka gen takphawt na hih zel u chun, na melmateu hun do sak zel ing ka, na kilanpihteu chuh ka kilanpih ding ahi.

KISIMNA 22:6

Zieziekchun lungsiet takin hung inla, zie mite hi hansie ei va lawh sak in, keia dingin a hât taluou a, ka thah u a, ka zawh u a, ka gam u apat hin nawhdawk thei kha mawh ding u! Aziek chuh mi na vangsak te chuh vangsak in a um zel sek ui tih leh, na hansiet taphawt chuh hansie buokkhum in a um zel sek ui tih ka hêi,” a ti a.

KISIMNA 22:12

Pathien in Balaam kawm achun, “A kawmuh a na chieh ding ahi puoi. Zie mite chuh hansie na lawh ding le ahi puoi. mi hampha ahiu hi,” a ti a.

KISIMNA 24:10

Tichun, Balak chuh a lungna ta a, a khut a nuoituoh a, Balaam kawmah, “Ka melma te hansie lawh dingin ka hun sama, thumvei hiel na vangsak ta a.

ISAI 31:4

Lalpa chun hiti hin a tii, “Sakeibaknei ahim, sakeibaknei vanglai in a sa nek lai a humham khuma, belamchingte tamtak amah suol dingin sap dawkin um mahleh, a kiko u chuh lau lo a, a thawm ziek u a a kitim diek loh bang in, Sepaihte Lalpa chuh Zion tâng hukbit dingin hungsuk ding ahi.

MIKA 5:8

Jakob te laka a suokchate chu vang, gammânga sate laka sakeibaknei in tawbang leh belam hawn laka sakeibaknei vanglai bangin um ina: amah chun a chieh pai phawt chuh a tawh den a, a bawtthêk a, a panpih ding kuomah a um puou hi.

DAN NIHNA 30:7

Chun, Lalpa na Pathien un zie gâusapna haw cheng hi nang u hun hawa hun sugimthei na melmateu chungah tunsak ina.

1 LENGTE 10:20

Chun, kalbi gup chung achun a siktuok ah sakeibaknei sawmlenih a ding a, zie tawbang chuh khawimah gam ah a siem ngei puou hi.

2 KHANGTHUBU 9:18

Lalchutphah a kaltohna kalbi gup te, lalchutphah tawh kimat sana keng ngakna te, chutphah sik tuoka bân ngakna te, bân ngakna kawma ding sakeibaknei lim nih a um a.

ESTHER 6:13

Tichun, Haman chun a zi Zeresh leh a guolte cheng kawm achun a chunga thil hung um dante cheng chuh a hilh ta a. Tichun a miching te leh a zi Zeresh chun a kawmah, “Na thil hihtheihna chuh Mordekai a chang pan a hi ta chuh, Juda mi a hi a, zo thei lo ding na hi. A mah chun hun zo ngêi ngêi ding a hi” a tiu a.