KISIMNA 22:8 - PATHIEN LEKHABU THIENGTHO (BSI)

⁸ Balaam chun a kawm u ah, “Tu zan chuh zie hin giek unla, zing leh Lalpa’n ei hilh bang bang in na kawm u ah thu hun tun ing ka,” a ti a: tichun Moab milien te chuh Balaam kawm achun a giek tau hi.

KISIMNA 22:8 ပူးပေါင်းရင်းမြစ်များ

EZEKIEL 33:31

Chun, ahawn in na kawmah hung intin un, ka mite bang mai in na ma ah chu’n tin un, na thu chuh ngaitha’n tin un, ahihziekin hih taktak diek puo’n au: a kam un hehpihna nasatak nei guolin kilang intin un, ahihziekin, a lunggil un amau lawkna ding chauh delh zaw chiet in au.

JEREMIA 12:2

Nang in amau chuh na phut a; zung a hun thau a; a hung khang u a, gah le a hung gah ta a; a kam u apat chun na gamla puoh a, ahi’n, a lunggil u apat chun na gamla a.

KISIMNA 23:12

Amah chun a dâwng a, “Lalpa’n ka kama a kawih chuh ka gen ngêi ding hilo ahim?” a ti a.

KISIMNA 12:6

Lalpa’n a kawm u ah, “Ka thu hi ngaiun, na lak u ahin thiemgau na um u chun, amah kawm achun kei Lalpa hi kilak na’n kihetsak ing ka ting, mang lam in hopih ing ka.

KISIMNA 22:7

Moab upate leh Midian upate chuh phunsân man ding chawi in a pawt tau a; Balaam kawm chuh a va tung u a; Balak thu vaithak chuh a hilh u a.

KISIMNA 22:9

Chun, Balaam kawmah Pathien a hunga, “Na kawma mite hi kuote ahiu hi?” a ti a.

KISIMNA 22:18

Balaam chun Balak mite chuh a dâwng a, a kawm u ah, “Balak chun a In dim dangka leh sana ei pie ding hilele, bangti dân inle Lalpa ka Pathien thu bawhpel in, a tinglo ahim a tamzaw ahim in ka hih thei puoi.

KISIMNA 22:38

Balaam chun Balak kawmah, “Ngaitie, na kawmah ka hung tung ta a; thil chengcheng gen theihna ka nei a ahim? Pathien in ka kama thu a kawih chauh chuh ka gen ding ahi,” a ti a.

KISIMNA 23:3

Balaam chun Balak kawmah, “Na hâlmang thillat bul ahin ding zing in, kei va chieh chuom ing ka ting; Lalpa ei hopih dingin a hung mai thei a, chun ei hilh takphawt chuh hun hilh na’ng ka,” a ti a. Tichun tâng vum velvul chungah a va chieh a.

KISIMNA 24:13

Lalpa gen taphawt chuh gen ing ka, ti’n na mi sawlte kawm a khan le ka gen mawng hilo ahim?” a ti a.

1 LENGTE 13:8

Chun, Pathien mi chun leng kawmah, “Na lalgam kimkhat ei pie ding hileh chinle hung diek puo’ng ka, zie mun ahin ne’n tui dâwn diek puo’ng ka;

1 LENGTE 22:14

Chun, Mikaiah chun, “Lalpa hinna sâlin ka gen hi, Lalpa’n ka kawma a gen mai chuh ahi ka gen ding chuh,” a ti a.