KISIMNA 22:6 - PATHIEN LEKHABU THIENGTHO (BSI)

⁶ Zieziekchun lungsiet takin hung inla, zie mite hi hansie ei va lawh sak in, keia dingin a hât taluou a, ka thah u a, ka zawh u a, ka gam u apat hin nawhdawk thei kha mawh ding u! Aziek chuh mi na vangsak te chuh vangsak in a um zel sek ui tih leh, na hansiet taphawt chuh hansie buokkhum in a um zel sek ui tih ka hêi,” a ti a.

KISIMNA 22:6 ပူးပေါင်းရင်းမြစ်များ

KISIMNA 24:9

Namte chuh sakeibaknei banga hât ahiu a, A ihmut chuh kuoma’n a phawng ngam lo uh ahi. Kuole Israel te vangsak chuh vangsak in um intin, kuole hansie lawh ta chuh hansie lawh in um un au,” a ti a.

NASEPTE 16:16

Chun, tihi ahi a, ni khat chuh, pauchamna muna ka chieh lai un, suok nungak kuo ahim, thitha zawlnei, phunsân thiem khatin ei kituokpih a. Amah chun, a phunsân thiem ziekin a pute chuh sum tamtak a muhsak sek a.

EZEKIEL 13:6

A kilâkna muh hawu chuh adiklo ngên a hiua, a thil genlawk hawu chuh lepchieh ngên ahiu. Amau chuh Lalpa’n a sawl hisâm lo in, ‘Lalpa’n a tii’ a ti sek u a; a thuu chuh hung guitung dingin mite a ginchak sak u a.

NEHEMIA 13:2

Israel chate chângthâk leh tui a muok lo a, amau hansie lawh dinga Balaam a gawih ziekun. Himahlele, ka Pathien un hansie chuh vangsak na chan sak ta a.

1 LENGTE 22:13

Chun, thiemgau Mikaiah va sam dinga a sawlpau chun a kawmah, “Ngaitie, thiemgaute chun lungkiguol takin a phalam in leng kawma hin thu a gen chiet u a; a gen bang bang u chu hun gen inla, a phalam in hun gen in aw,” tin a gen a.

1 LENGTE 22:8

Chun, Israel leng chun Jehoshaphat kawmah, “Lalpa ei uh a dinga ei dawt sak thei ding mi khat Imlah chapa Mikaiah vang a um kha uo. Himahleh, amah hi chu ka mudah chi tak ahi; ka chungchâng thu hi a sie lam chauh lo ngâl, a phalam himhim a gen ngei puoh ngâl a,” a ti a. Chun, Jehoshaphat chun, “Leng in khutibang chun gen kihen,” a ti a.

1 LENGTE 22:6

Khutichun, Ahab chun Thiemgau zali hiel a sam khawm a, a kawm u ah, “Ramoth-gilead do dinga va kuon ding ka him, va kuon lo ding?” a ti a. Amau chun, “Va kuon in, Lalpa’n leng khut ah pie ding ahi,” a tiu a.

1 SAMUEL 17:43

Khutichun Philistia pa chun David kawm achun, “Uicha neisa ahim, mawlh poh tawh nei hun zawt chu?” a ti a. Chun, Philistia pa chun a pathiente min lo in David chu hansie a buok a.

DAN NIHNA 23:4

Aigupta gam apat na hung pawt lai u a an leh tui a hun piek nawp loh ziekun leh Mesopotamia gama Pethor khuo a um, Beor chapa, Balaam chuh nang u hun gausap dinga a gawih ziek u khan.

KISIMNA 22:17

Mi zahum takin hun siem ing ka ting, ka kawma na gen taphawt chuh hih zel ing ka: zieziekchun, hung tei inla, zie mite hi hansie ei va buok sak tie,’ a tii,” a tiu a.

KISIMNA 22:12

Pathien in Balaam kawm achun, “A kawmuh a na chieh ding ahi puoi. Zie mite chuh hansie na lawh ding le ahi puoi. mi hampha ahiu hi,” a ti a.

THILSIEMBUL 27:29

Nam chuom chuomte’n na na sem u henla, Chi chuom chuomte’n chibai hun bûk u hen: Na suohpihte chungah lal in um inla; Na nu chate’n chibai hun bûk u hen: Hansie hun lawh ta chuh hansiet in um u henla, Vang hun pie ta chuh vangsak in um u hen,” a ti a.

THILSIEMBUL 12:3

Nang hun vangsakte chuh vangsak ing ka ting, hansie hun lawh ta chuh hansie lawh ing ka: chun, nang achun lei a nam cheng hi vangsak in um in au,” a ti a.

THUCHINGTE 26:2

Pielpa leng viel viel leh vachawng pem hattak guolin; a ziek um lo a mi hansie lawh chuh a guitung kha puoi.

SAM LEHKHABU THE PSALMS 109:28

Amau in samsieu henla, himahleh, nang vang chun vangsak zaw’n la: Ei dote chuh muolpho u henla, mahleh na sawntawlawi vang chu lawp takin um hen.

JOSHUA 24:9

Chun, Moab leng Zippor chapa Balak khah a hung kipan a; Israel te a hun do a; chun, Beor chapa Balaam khah hansie hun buokkhum sak dingin a sap sak a;

MIKA 6:5

Aw ka mite haw, Lalpa hukdamna na het theihna ding u a Moab leng Balak thupun leh Beor chapa Balaam a dâwn dân, Shittim apat a Gilgal tienga thil umzie haw kha hezing un!”

KISIMNA 23:13

Chun, Balak chun Balaam kawmah, “Mun dangah va chieh kit hi ti, zie apat chun amau mu thei in na tin; a um nau tieng in mu’n na tin, khenkhat chauh mu thei in na tin, abawn un vang mu puo’n la. Zie apat chun hansie ei lawh sak in,” a ti a.

KISIMNA 23:27

Chun, Balak chun Balaam kawmah, “Hung tie, mun dangah hun pui ing ka; zie apat chun hansie nei lawh sak Pathien in a lemsa mawh die,” a ti a.