KISIMNA 22:5 - PATHIEN LEKHABU THIENGTHO (BSI)

⁵ Khutichun Moab leng Balak chun, amau gama luipi panga cheng, Pethor mun a Beor chapa Balaam sam ding chuh mi a sawl ta a. “Ngaitie, nam lientak Aigupta gam apat a hung pawt a um u a, leichung a dâp suok u a, ka gam na tieng uh lak din ei vau uh ahi.

KISIMNA 22:5 ပူးပေါင်းရင်းမြစ်များ

DAN NIHNA 23:4

Aigupta gam apat na hung pawt lai u a an leh tui a hun piek nawp loh ziekun leh Mesopotamia gama Pethor khuo a um, Beor chapa, Balaam chuh nang u hun gausap dinga a gawih ziek u khan.

MIKA 6:5

Aw ka mite haw, Lalpa hukdamna na het theihna ding u a Moab leng Balak thupun leh Beor chapa Balaam a dâwn dân, Shittim apat a Gilgal tienga thil umzie haw kha hezing un!”

JOSHUA 24:9

Chun, Moab leng Zippor chapa Balak khah a hung kipan a; Israel te a hun do a; chun, Beor chapa Balaam khah hansie hun buokkhum sak dingin a sap sak a;

JUDA 1:11

A chunguh a gik hi! Kain lampi chuh a hawh uh a. Dangkasum duhchakna ziekin, thil diklo, Balaam in a sukkhelhna mah ah khan, amau leh amau a kibun lut uh a. Korah helna bawl bang khan a hel uh a, amah bang mah khan, sukmangthai in a um tau hi.

THUPHUON 2:14

Himahlele, neukhat demna ka hun nei hi, na lak uh a Balaam sinsakna zui, mi khenkhat na umpih ziekun, amau chun, Israel chate chuh milim hona sa a nekna dingun leh, kideihchakna thanghuoia gilo dinga a puih theihna dingin, Balak chuh a sinsak sek uh a.

JOSHUA 13:22

Beor chapa Balaam, phunsan thiem chuh Israel chate’n midang a thahteu lak achun chemzâm in a that khawm u a,

KISIMNA 23:7

Zie hilhlawk na hi Balaam chun a gen ta a. “Suria apat, suohlam tâng apat in, Moab leng Balak chun ei pui a. Hung inla, Israel mipite chung achun hansie ei hung lawh sak in,” a ti a.

SAM LEHKHABU THE PSALMS 105:24

A mihaw chuh nasa takin a hih pung a, Amau haw dote sangin a hih hât zaw a.

THILSIEMBUL 13:16

Chun, na suonte chuh leia leivui bang mai in siem ing ka ting; min leia leivui hi a simsen u chun, na suonte le simsen hi’n au.

PAWTDAWKNA 10:15

Lei chung chengcheng chuh a dâp suok a, tichun gam chuh a thim mepmup mai ta a; giel seh siet mâwk, zie gama thaichi tincheng leh, thai gah chengcheng chuh a ne zo u a; tichun, Aigupta gamsung cheng achun lo a thilhing himhim, thing leh thaichi haw chuh a bei vek ta a.

KISIMNA 31:8

A mi thahteu lak achun Midian te leng nga, Evi, Rekem, Zur, Hur leh Reba te a tel u a midang dang a thah teu bân achun Beor chapa Balaam chuh le chemzâm in a that u a.

DAN NIHNA 23:5

Ahih ziekin, Lalpa na Pathien un Balaam thu chuh a limsak puoh a, Lalpa na Pathien u chun a hun hehpih ziekin gâusapna chuh nang u dinga vangsakna Lalpa na Pathien u chun a chansak zaw ta ahi kha.