KISIMNA 20:2 - PATHIEN LEKHABU THIENGTHO (BSI)

² Tichun, a giehmun u achun tui a um ta puoh a, khutichun, Mosi leh Aron kilanpih dingin a kipunkhawm tau a.

KISIMNA 20:2 ပူးပေါင်းရင်းမြစ်များ

KISIMNA 16:19

Kora chun mipi chengcheng chuh a samkhawm a, puon-In lutna kawtkhak maia Mosi masang achun a va ding tau a. Thakhat in mipite kawm achun Lalpa lopi na vak chuh ahung kilang ta a,

KISIMNA 16:42

Mosi leh Aron chung thu a mipi a kipunkhawm lai u chun puon-In lam chuh a ngau a; meipi’n ahun khuh a, Lalpa lopina hung kilang chuh a muu a.

KISIMNA 21:5

Mipite chun Pathien leh Mosi kalh in, “Gamthip a thi dinga bang a ti a Aigupta apat a nei puih dawk uh a? Chângthâk la umlo, tui la um lo; zie an mantheihlo hile ka kihdak ui,” a tiu a.

KISIMNA 16:3

Mosi leh Aron masang achun a kikhawm tau a, a kawm u ah, “Na chiehkhiel taluo tau ui! mipite chengcheng hi a thiengtho u a, Lalpa a ahiu a, Ka bawn u a kawmah Lalpa a um ngâl a. Bang zieka Lalpa mipite chung ahi kiletsak chuom na him?” a tiu a.

PAWTDAWKNA 16:12

“Israel chate phunchiekna haw kha ka na za a; a kawm u ah, ‘Nitâk lam leh sa ne’n na tin uh, chun, zingkal lam leh chângthâk vah set in ne ta’n lau,’ a tii hun tih,” a ti a.

PAWTDAWKNA 16:7

Tichun, zing leh Lalpa lopina chuh mu’n lau; a chunga na phunchieknau kha a na za tai; kei u hi bang ka hiu a ka chung u a phunchiek na hiu hi?” a tiu a.

PAWTDAWKNA 16:2

Thalek achun Israel chate chengcheng chuh Mosi leh Aron chung achun a phunchiek tau a.

SAM LEHKHABU THE PSALMS 106:32

Meribah tui a chun le a sulungnau a, Tichun amau haw ziekin Mosi chungah thil phalo a hung tung ta a:

KISIMNA 14:2

Chun, Mosi leh Aron kawm achun a phun tau a, Pathien in Aigupta gam akhan ei na sulum zaw mai leh aw, a hihloh leh, thalek akhan Pathien in ei na sulum zaw mai leh phazaw ding a,

KISIMNA 14:9

Lalpa chung ah kiphin kiu unla, zie gam mi haw chuh le kih cha diek kiu, I an ding chauh uh ahi ngâl u a; a kivenbit nau chuh lâkdawk ahi ta a, Lalpa chuh I kawm u ah a um a, amau chuh lau hiel kiu in” a tiu a.