KISIMNA 18:9 - PATHIEN LEKHABU THIENGTHO (BSI)

⁹ Thillat thiengtho maichâm a kihal tello, ziehaw hi nanguh chanvo ahi. Changbuong thillat te, gitloh thawihna thillat te, leh chamna thillat haw hi. Kei kawma thillat thiengtho taphawt chuh nang leh na chapate chanvo hi zel in a.

KISIMNA 18:9 ပူးပေါင်းရင်းမြစ်များ

THIEMPUDANTE 7:7

Chun, bawhsiet thawihna chuh gitloh kithawihna tawbang mah ahi a, a dân khat ahi; zie a kichamna siem thiempu chuh zie chuh a chan ding ahi.

THIEMPUDANTE 14:13

Gitloh thawihna leh hâlmang thillat a thah seknau mun, mun thiengtho achun thah ding ahi: gitloh thawihna chuh thiempu chanvo a hih bang khan, zie bawhsiet kithawihna hile thiempu chanvo ahi a, a thiengtho ahi.

THIEMPUDANTE 4:27

Chun, mi vantâng laka khatin, tup loh hiela Lalpa’n hih loh ding ti a thupiek a bawhsiet a, mawh a chan tâk chun,

THIEMPUDANTE 4:22

Lawiupa khat chun, Lalpa a Pathien in hih loh ding a thu a piek haw laka khawipen hile a bawhsiet a, mawhchansak a hih thu hetsak ahih a;

THIEMPUDANTE 10:17

“Bang zieka gitloh thawihna sa chuh mun thiengtho a na nek loh u a? Thil thiengtho pên hi a, mipite gitlohna pawding a Lalpa ma a chamna siem sak na dinga a hun piek ahi ngâl a.

THIEMPUDANTE 7:1

Chun, ziehaw hi, gitloh thawihna thillat dân ding chuh ahi: thil thiengtho pên ahi.

THIEMPUDANTE 5:6

Gitloh thawihna dingin belam guol laka anu, belamno ahim kel ahim a thilhihkhelh man ding chun Lalpa kawma lân dingin a gitloh thawihna chuh hun chawiin tin; thiempu’n kichamna siem sak ina.

THIEMPUDANTE 5:1

Ziehaw ziek hin gitloh kithawihna lat ding ahi: Kuole, a thil muh leh hette gen dinga vaihawmna In a sapa a um a, a muh dân leh a hetdante gen dawk lo a a um chun, a gitlohna mawh chuh puo’n a.

THIEMPUDANTE 6:17

Zie chuh chawl tello ding ahi, mei a ka thillat amau chanvo dinga ka piek ahi, zie chuh gitloh thawihna leh bawhsiet thawihna banga thil thiengtho tak ahi.

THIEMPUDANTE 6:30

Himahleh, gitloh thawihna thisan chuh kichamna dinga kihona puon-In a chawihlut ahih chun, a sa chuh nek loh ding ahi a, mei a hâltum ding ahi.

THIEMPUDANTE 7:6

Thiempu suona pasal taphawt in zie chuh ne thei untin, amahvang chuh, thil thiengtho a hih ziekin, mun thiengtho a a nek dinguh ahi.

KISIMNA 18:10

Ziehaw hi mun thiengtho a na nek dinguh ahi a, pasal haw chauh in a nek dinguh ahi a, nanguh a dinga thil thiengtho hiding ahi.

EZEKIEL 42:13

Tichun, amah chun ka kawmah, “Simlam leh mâllam a huongcha lehlam a mun âwng hi indan thiengtho ahi a. Zie mun chuh Lalpa umna muna chieh sek thiempute’n thil thiengtho a nêknau mun ahi. Thil thiengthote a kawihkhawm u a, nek ding latna te. gitloh zieka kithawihnate, bawhsiet kithawihnate a lat dinguh a hi: a mun chuh Mun Thiengtho ahi ngâl a.

EZEKIEL 44:29

Amau chun an thillat te, gitloh thillat te, sukkhelh thillat te chuh a nek dinguh ahi; Chuleh, Israel gama thil thieng tin cheng chuh amau chan ding ahi.

THIEMPUDANTE 2:10

Chun, changbuong thillat kilân mawk te chuh Aron leh a chapate a ding hi’n a, zie chuh Lalpa a dinga mei a thillat, thil thiengtho pên ahi.

THIEMPUDANTE 6:19

Chun, Lalpa’n Mosi a hopih a,

THIEMPUDANTE 22:7

Nisa a tum phat leh thieng hi’n tin; zie tieng chuleh, thil thiengtho haw chuh ne thei ina, a an dinguh a hih ziekin.

THIEMPUDANTE 22:11

Amahvang chuh, thiempu’n dangka suma a châwk suok ahim, a In a pieng den ahim chun, thiempu chanvo an chuh ne thei ina.

DAN NIHNA 18:1

“Thiempu chi Levi te, Levi phung chengcheng chun, Israel te laka gam chan leh luoh a neih dinguh ahi puoh a; Lalpa kawma thillat meia hâl haw chuh a nek dinguh ahi zawi, zie chuh amau gochan diktak ahi ngâla.

2 LENGTE 12:17

Zielai chun, Suria leng Hazael chun Gath-khuo a do a, a zo ta a; tichun, Jerusalem do zawm zel a guo ta a.

NEHEMIA 10:36

Dan bu a kizik banga, ka chapateu laka pieng masapen leh ka ganchateu laka pieng masapen, ka bâwngguol u leh ka belam hawn lak u a pieng masapen chuh ka Pathien In u a nasem thiempu te kawma hun chawi dingin.