KISIMNA 18:7 - PATHIEN LEKHABU THIENGTHO (BSI)

⁷ Himahleh, nang leh na chapa te hin maichâm leh puonzak sunga na thiempu nasep u chuh tihtakzet a nasep dinguh ahi; thiempu nasepna hi thilpiek a ka hun piek ahi a; gamdang mi a hung kigawlh khak chun suklup ding ahi” a ti a.

KISIMNA 18:7 ပူးပေါင်းရင်းမြစ်များ

JOHAN 3:27

Johan in a dâwng a, “Mihiem in bangmah a nei thei puou, Pathien in a piek a hih loh ngâl chun.

KISIMNA 3:10

Himahleh, Aron leh a chapate chuh thiempu na sem dingin ziklut in na tin, amau chuh thiempu hihna chang zing un tin, midang hung kigawlh kha a um u chun suklup hin au,” ti’n.

KISIMNA 18:20

Lalpa’n Aron kawmah, “A gam u achun go chan nei puo’n na tin uh, a lak u a le chanvo nei diek puo’n lau: Israel chate laka na chanvo leh na go chan chuh keimah hi ka hi,” a ti a.

KISIMNA 16:40

Israel chate dinga hetzing na dingin, Aron suon hilo, nam dang himhim in Lalpa ma a gimlim hâl dinga ahung naih loh dinguh ahi; Kora leh a lawite banga a umloh na ding un, ti a Lalpa’n Mosi kawma a gen bang khan.

HEBRAI 5:4

Kuoma’n thiempu Lien hihna zieka limbawlna chuh amau in a kilak kha puou hi. Pathien sapna ziek chauh in mi chuh Thiempu Lien in a pang sek ui, Aron a hih mah bang in.

EPHESI 3:8

Jentel te kawma Krista neihzawhna hawldawk zawh loh haw chanchin gen ding leh,

1 SAMUEL 2:28

Chun, Israel phung chengcheng lak apat ka maichâm a va chieh a, gimlim hâla, ka ma a thiempu puonâk âk ding leh ka thiempu dingin amah chuh ka guot hilo ahim? chun, nanguh hun suonpa chu Israel te hâlmang thilpiek chengcheng ka pie hilo maw?

KISIMNA 3:38

Chun, hobuk suoh lampang achun Mosi leh Aron leh a chapate chun puon-In zak untin, mun thiengtho a Israel chate dingin a mamawh taphawt uh sem un au. Pawlam mi a va naih taphawt chuh suklup ding ahi.

KISIMNA 1:51

Puon-In chuh a kichawn ding cheng leh Levi te chun phel un tin, zak kit ding cheng leh Levi te mah chun zak sek un au; midang a vanaih ta chuh suklup ding hi’n a.

THIEMPUDANTE 16:2

Lalpa’n Mosi kawmah, “Na suohpihpa Aron hopih in la, puonzak sunga mun thiengtho a Pathien bawm chunga zahngaihna chutphah ma achun hun dang guolin mawk lut hiel kihen, khutilochun, thi kha’na; zahngaihna chutphah chung achun meipi a hung kilak ding ka hi ngâla.

PAWTDAWKNA 29:9

Chun, Aron leh a chapate chuh kâwnggak a gâk in, diel na kawpsak ding ahi; chun, thiempu hihna chuh kumkhuo a dingin namdetna chang tan au; tichun, Aron leh a chapate chun kumkhuo’n thiempu na chuh sem ta’n au.

MATTHAI 10:8

Damlote sudam unla, mithite kaitho unla, phâkte suthieng unla, thitha haw delh dawk unla. Man beia na san u chuh man beiin pieu in.

1 PETER 5:2

Na lak uh a Pathien belam hawn um chuh enkawl un; hih ding mawng a hih ziek hilo in, Pathien phasak lam dungzuia ut kawm zaw’n, lepna diklo deih ziek le hi diek lo in, sep utna lunggil nei kawm takin,

1 PETER 5:3

Pathien gochan haw chungah kilalsak lo in, belam hawn ettawn dingin kisiem zaw’n, lawi un.

PAWTDAWKNA 28:1

“Chun, na suohpihpa Aron leh a chapate, Nadab leh Abihu, Eleazar leh Ithamar te chu pui in la, Israel chate laka ka thiempu na a sep theih na dingun kawih chuom in.

KISIMNA 18:3

Na sep hun kithuohpih untin, puon-In sakna na chengcheng chang untin, amahvang chuh Mun thiengtho a belhaw leh maichâm chuh khawih kha kiu hen. A khawih khâk u chun nang leh a mau haw chuh thi ding na hiu hi.

DAN NIHNA 18:2

A unauteu lak ah gochan a neih dinguh ahi puoi; a kawm uh a a tiem guol khan, Lalpa chuh a gochan uh ahi ngâla.

JOSHUA 18:7

Levi te hin vang na lak uh ahin chanvo a nei puou a; Lalpa thiempu hihna hi a chanvo uh ahi ngâl a: chun, Gad te, Reuben te leh Manasseh nam kimkhatte khan vang Jordan gal suohlam akhan a chanvo u chuh Lalpa suok Mosi’n a na piek khah a na chang tau a,” a ti a.

EZEKIEL 44:8

Chun, ka thil thiengthote chuh na enkawl puou a, zie gamdang mite hi ka mun thiengtho ah nanguh sik in na etkawl sak zaw tau hi!

EZEKIEL 44:15

Bangakai chunga Lalpa chun, “Israel chate, kei apat a a vakmang lai un le, Levi phung a thiempu, Zadok suonte chun Ho-In ah ginum takin ka na a na sem zel u a. Zieziekchun, tuhin le, amau haw hi ka na sem ding leh, ka umna a hung a, thau leh kithawihna thisan te lân ding ahiu ui.

EZEKIEL 44:16

Amau haw chauh hi, Ho-In sung ah lut un tin, Ka maichâm ah tawiviel untin, Ho-In a Pathien hona ma kai un au.

THIEMPUDANTE 7:35

Zie hi Lalpa a dinga thiempu na sem ding Aron leh a chapate thau nuh ahih niu akipat Lalpa a dinga mei thillat apat a chanvo dinguh chuh ahi.

SAM LEHKHABU THE PSALMS 115:10

Aw Aron inkawte haw, Lalpa chuh gingchau un: Amah chuh amau haw panpihpa leh a phawu ahi.