Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




KISIMNA 18:5 - PATHIEN LEKHABU THIENGTHO (BSI)

5 Nang leh na chapa te chun mun thiengtho leh maichâm na chuh sem unla, Israel chate chunga ka lungnat a puonzak kit lohna ding in.

အခန်းကိုကြည့်ပါ။ ကော်ပီ




KISIMNA 18:5
25 ပူးပေါင်းရင်းမြစ်များ  

Aron leh a chapate chun, ka umna puon-In sung a thugawlh umna bawm kawihna puonzak pawlam achun a det sek ding uh ahi. Zie taka ka umna chuh nitâk apat in zingkal chanin a det sek dinguh ahi. Zie thupiek hi Israel chate leh a suonteu in kumkhuo a dettaka a zuih dinguh ahi.


Chun, Mosi’n Aron kawmah, “Na mei lâkna chawi inla, maichâm a pata mei a sung ah kawih inla; mei-âm chungah kawih in. Mipite kawmah chiehpih vak in, a mau a dingin sukthienthona siem in: Lalpa kawm a pat in lungnatna a hung pawt ahi; hi a lengpan ahi tai,” a ti a.


Thugawlh kawihna thingkuong masanga, puonzak pawlama Lalpa umna puon-In a chun, nitâk cheng leh, zingkal tiengin Aron chun thaumei chuh a det ding ahi. Zie dân hi na suon zel teu chana kumkhuo dân ding ahi.


Aw Timothe, na kawma vawpsaka um chuh ching pha ta’n. Holimna thanghuoi leh, kinielna ngawlhuoi, mi khenkhat in, “Hetna” ti a diklo taka kikalhna chuh nungngat ah.


Zie thu haw hi langneih chuom na nei leh, uohchuom nei a bangmah hih lo in, Pathien leh Isu Krista leh vânsâwlchâkte mitmuh in, zawp dinga phachuomngai taka ka hun hetsak na hi.


Himahlele, ka hung hak khakpalh leh, Pathien inkawte laka mi chuh, bangtia um ding ahim tih, na het theihna dingin ka hun zik ahi; ziehaw chuh Pathien hing sapchuom, thutak khuom leh kingakna chuh ahiu hi.


Ka cha Timothe, masang a na chanchin a hilhlawk bang u khan, zie thupiek hi ka hun vawpsak na hi. Zie thu haw chuh phataka na do theihna dingin gâlthuom bangin mang inla;


Belampute chung achun ka lungna mah mah a, amau haw chuh gawt ding ka hi, Sepaihte Lalpa chun a gan guol Juda insung chuh a hung entha a. Kidona sakawl hattak tak guolin siem ding ahi ngâl a.


“Zieziekchun, thiemgaute chungchâng thu achun, Lalpa sepaihte Lalpa chun hiti hin a tii: Ngaitiem u! gamsai in hun vak ing ka ting, tui kha hun dâwn sak ding ka hi; Jerusalem thiemgaute kawm apat chun, gamsung pumpi ah Pathien khawksak lohna chuh a pawt ta ngâl a!”


Eliezer leh Ithamar suonte lak achun Ho-In nasem miliente leh Thagau lama puitu a um gel ziekun, a nasep ding u chu phunsân in a hawm u a.


Chun, Levi inkuon khenkhatte chu, Ho-In a gihawih lama mawhpuo ahiu a. Zie inkuon lawiupate chu, Ho-In a indan khenkhat achun a cheng u a, sun le zan a sap lawn viel a hih ziekun, nasep dang chu piek ahi puou ui.


Khutichun, amau haw leh a chateu chun, Ho-In kawtkhak etkawlna na chu a sem zawm zing tau hi.


Chun, Kora chapa chu Shallum a hi a, zie pa chu Ebiasaph tupa a hi a, zie pa chu Korah inkuon laka a unauteu inkawte Korah te haw tawh, Lalpa umna puon-In kawtkhak ngakte ahiu a; a puteu chu Lalpa giehbuk nasem leh, a lutna te veng a hih sek mah bang un,


Tia chuh, Israel chate thasanga kihona puon-In a na sem ding leh, Israel chate’n Mun thiengtho a hun naih uh lele a lak u a hipi alen lohna dingin, a vengbit dingin Israel chate lak apat in Levi te haw hi Aron leh a chapa te ka piek ahi,” ti’n.


“Aron hopih inla a kawmah, Thaumei haw na hâl tak leh thaumei sagih te chun khuoilu thaumei kawihna malam chuh a salh ding ahi, ti’n,” a ti a.


Chun, Mosi chun Aron leh a chapate, Eleazar leh Ithamar te kawm achun, “Mithi sûn na hiu ui tih hetna dingin, na sam u chuh subuoh kiu unla, na puonteu le bawtthêk diek kiu in. Khutia chuh na hih u chun, thi ding na hiu a, Lalpa lungnat chuh mipite chunga hin um kha’na. Himahlele, Lalpa kawm apat a mei hung zieka thihna um hi, na suohpih uh Israel inkuon teu sûn vang chuh phal ahi.


Levi te vang chun, Israel chate chunga lungnatna a um lohna dingin, puon-In kimvela a zak dinguh ahi a, puon-In chuh a venbit dinguh ahi” ti’n ana gen ta ngâla.


Na hun seppih un tin, puon-In nasep na mawh cheng chuh puou untin, himahleh, midang ten vang a sep loh dinguh ahi.


Amau haw chauh hi, Ho-In sung ah lut un tin, Ka maichâm ah tawiviel untin, Ho-In a Pathien hona ma kai un au.


Levi haw chuh ka umna puon-In a na sem ding leh, a matchâk chengcheng leh, zie a thil um chengcheng chuh enkawl dinga na guot zawk ding ahi; puon-In leh a matchâk chengcheng chuh zawn sek un tin, na sem untin, puon-In kimvel ah cheng un au.


“Kohath suonte inkuon chun thil thiengtho haw khawih mahleu thi lo a a um theihna dinguh hiti bang hin hih un:


Ziehaw hi Levi suon, a inkuon uh bang zela min zika, a simteu inkuon lawiupa, Lalpa In sakna a sem, kum sawmnih apat chunglam mi, a sim chengcheng teu chu ahiu hi.


Lalpa umna puon-In etkawlte, Ho-In etkawlte, leh a unauteu Aron suonte hih dinga a guot takphawt uh hih dingte tawh ahi.


Bangakai chunga Lalpa chun, “Israel chate, kei apat a a vakmang lai un le, Levi phung a thiempu, Zadok suonte chun Ho-In ah ginum takin ka na a na sem zel u a. Zieziekchun, tuhin le, amau haw hi ka na sem ding leh, ka umna a hung a, thau leh kithawihna thisan te lân ding ahiu ui.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ