KISIMNA 17:5 - PATHIEN LEKHABU THIENGTHO (BSI)

⁵ Tichun, ka mi tel pên pa tiengkhut chuh hung sel intin: tichun Israel chate phunchiekna, nang chunga a phunchieknau hih ka suk hai ding ahi,” ti’n.

KISIMNA 17:5 ပူးပေါင်းရင်းမြစ်များ

KISIMNA 16:5

Kora leh a lawite chengcheng kawm achun, “Zing leh Lalpa’n a mah a te chuh sulang intin, Amah va naih dingin hun gen intin, a tel te ngêi chuh maichâm va naih dingin gen in a.

HOSEA 14:5

Israel a ding chun van dâichîm tawbang hi’ng ka ting, lili bangin vul un tin, Lebanon tânga thing bangin det takin zung khawh un tin;

EZEKIEL 16:41

Na In haw chuh mei in hâl intin un, numei tamtak muhna ah na chungah vaihawm intin un; na nawhchizuok hi suhai ing ka ting, na kingaihpihte bangmah pie ta puo’n la.

KISIMNA 17:8

Chun, a zing chun Mosi chuh puon-In achun a va chieh a; Levi inkuon a dinga Aron tiengkhut chuh a na sel a, a mûm a, a pak a, almond min a na gah a.

KISIMNA 16:11

Zieziekchun nang leh na lawi te chengcheng hi Lalpa dodal in na kikhawm khawm uh ahi. Aron hin bang a hih a, a chunga na phunchiek uh ahim?” a ti a.

EZEKIEL 23:27

Aigupta gama na na pat na hûkna leh na nawhchizawkna chuh haihsak ing ka ting, milim haw mitkat kit ta puo’n na tin, Aigupta te hezing ngei ta puon la.

ISAI 27:6

Hun hungtung ding achun, Jakob chun zung kai untin; Israel chuh hung mûm in, a pak hung um un au. Tichun, lei chung hi gah in sudim un au.

ISAI 13:11

Tichun, khawvel hi a gitlohnau ziekin gawt ing ka ting minunsiete chuh a manlohnau ziekin gawt ing ka; mi chapote pau uong chuh suhai ing ka ting, mi lauh-um uonna chule hihniem ing ka.

ISAI 11:1

Jessai bulsum chuh hung seldawk in tin, a zung apat in a bâk khat hung seldawk ina.

ISAI 5:24

Zieziekchun, meikuong in buhpawl a kâktum duok duok sek bang leh, hampa gaw chuh meikuong a a tum zungzung sek bangin, a zung haw chuh muot intin, a pak haw chuh leivui bangin lengto lak lak ina; sepaihte Lalpa dân chuh a deihloh u a, Israel Mi thiengtho thu chuh a ngaihdau ziekun.

KISIMNA 17:10

Chun, Lalpa’n Mosi kawmah, “Aron tiengkhut chuh Thuthun kawihna bawm masang achun kawih kit ah; Israel chate kei chunga a phunchiek nau na suktawp theih na ding in, a khutih loh chun, thi ding ahiu hi” a ti a.

1 KORINTH 10:10

A lak uh a khenkhat a phunchiek u a sumangthaipa, sukmangthai a a um lawh guol u khan, phunchiek puoi tiu.

PAWTDAWKNA 16:7

Tichun, zing leh Lalpa lopina chuh mu’n lau; a chunga na phunchieknau kha a na za tai; kei u hi bang ka hiu a ka chung u a phunchiek na hiu hi?” a tiu a.

KISIMNA 11:1

Chun, mipite chuh Lalpa chungah a phunchiek tau a, zie chun Lalpa a sukipak hiel puoh a; Lalpa’n zie chuh a het phet in a lungnatna chuh a kuong dawk ta a, a lak u chuh a kâng ta a, giehbuk mawng lam chuh a kângtum vek tai.

KISIMNA 17:6

Khutichun Mosi chun Israel chate chuh a hopih a, a inkuon lawiupa chengcheng chun a inkuon chiet uh lawiupa ding in tiengkhut khat zel, tiengkhut sawmlenih a pieu a: Aron tiengkhut chule a tiengkhut hawu lak achun a tel a.

SAM LEHKHABU THE PSALMS 105:26

A suok Mosi tawh a mi tel Aron chuh a sawl a.

KISIMNA 1:51

Puon-In chuh a kichawn ding cheng leh Levi te chun phel un tin, zak kit ding cheng leh Levi te mah chun zak sek un au; midang a vanaih ta chuh suklup ding hi’n a.

JOSHUA 4:7

nangun a kawm u ah, ‘Lalpa thugawlh bawm masangah Jordan tui haw chuh a hung kang ta a; Jordan a kân lai in, Jordan lui tui haw chuh a hung kang a; tichun zie suonghaw hi Israel chate’n kumlekhuo a hetzingna ding ahi,’ na hun tih dinguh ahi,” a ti a.

2 KHANGTHUBU 26:16

Himahleh leng Uzziah chu a hung hât phet chun a hung chapo ta a. zie chun puksietna ah a pui ta a. Lalpa a Pathien musit in Ho-In a maichâm achun gimlim hâl dingin a chieh ta a.

EZRA 2:62

Zie te chun khanggui sutna ah a min uh a hawl u a, himahleh a mu zo puou hi. Zieziekchun, a thienglo a ngaih in a um u a; thiempu a hih nau apat chun haihsak ahi tau hi.