Himahleh, nang leh na chapa te hin maichâm leh puonzak sunga na thiempu nasep u chuh tihtakzet a nasep dinguh ahi; thiempu nasepna hi thilpiek a ka hun piek ahi a; gamdang mi a hung kigawlh khak chun suklup ding ahi” a ti a.
Chun, Lalpa’n Aron kawmah a gena, “Nang leh na chapate leh Levi te hin munthiengtho a gitlohna mawh chuh puou un na tin uh: chun, nang leh na chapa te hin na thiempu hihnau lam thila gitlohna mawh chuh puo’n lau.
Chun, ziete hi a suonteu bang zel in Levi chapate min chuh ahi: Gershon, Kohath leh Merari te ahiu hi; a pileputeu suonte minpu pente chuh a hiua, Levi damsung chuh kum za leh sawmthum leh sagih ahi.
“Israel chate hopih inla, a inkuon tin u a dingin tiengkhut khat chiet in, a inkuon tam dân bang zela a inkuon lawiupateu zah, mawlh sawmlenih la’n la; chun, a tiengkhut u achun a min chiet uh zik in.
“Nang, mihing chapa, mawlh khat la’n la, a chung achun, ‘Juda leh a kipapvaipih Israel chate a,’ tih zik inla: mawlh dang le la’n la, a chung achun, ‘Ephraim mawlh, Joseph leh a kipapvaipih Israel inkuon chengcheng te a,’ tih zikin.
lei a hung khi a a mau haw a valh tum a, Kora leh a nungzuite cheng a thiu a, mi zanih leh sawmnga mei in a ka lum a, mipite a dinga vaulawkna a hi tau hi.
Na hinnau chan lawh ding chauh a kitiem na hiu hi. Lalpa na Pathien kieng u achun nei sawl u a, ‘Lalpa ka Pathien kieng u achun ei paucham sak inla; Lalpa ka Pathien un a gen taphawt chuh ei hilh unla, hih zel ung kau,’ ti’n na gen ngâl u a.