KISIMNA 16:5 - PATHIEN LEKHABU THIENGTHO (BSI)

⁵ Kora leh a lawite chengcheng kawm achun, “Zing leh Lalpa’n a mah a te chuh sulang intin, Amah va naih dingin hun gen intin, a tel te ngêi chuh maichâm va naih dingin gen in a.

KISIMNA 16:5 ပူးပေါင်းရင်းမြစ်များ

SAM LEHKHABU THE PSALMS 65:4

Na Ho-In huongsung kawtlaia um thei dinga Na tel a, na kieng na zawt sakte chuh mi hampha ahiu: Na in phatna chun tai ung kau, Na Ho-In mun thiengtho phatna chun.

KISIMNA 17:5

Tichun, ka mi tel pên pa tiengkhut chuh hung sel intin: tichun Israel chate phunchiekna, nang chunga a phunchieknau hih ka suk hai ding ahi,” ti’n.

THIEMPUDANTE 10:3

Ziephet chun, Mosi’n Aron kawmah, “Ziehi Lalpa’n ana gen kha ahi, ‘Kuole, ei naih taphawt te kawm achun thiengtho in kilang ing ka ting, tichun, mipite masang achun limbawl a um ding ka hi,’” a ti a. Himahleh, Aron chuh thipkêi in a um a.

2 TIMOTHE 2:19

Himahlele, Pathien suongphum dettak chuh suk tawih ding guol ahi puoh a; a chung achun zie thu haw hi zik ahi: “Lalpa chun amah a haw chuh a he a,” tih leh, “Lalpa min lo taphawtte chun gitloh taihsan hen,” tih hi.

KISIMNA 16:3

Mosi leh Aron masang achun a kikhawm tau a, a kawm u ah, “Na chiehkhiel taluo tau ui! mipite chengcheng hi a thiengtho u a, Lalpa a ahiu a, Ka bawn u a kawmah Lalpa a um ngâl a. Bang zieka Lalpa mipite chung ahi kiletsak chuom na him?” a tiu a.

THUPHUON 1:6

tichun, a Pathien leh Pa lenggam thiempu nasem dingin ei siem ta a. A hii, Isu Krista kawm mawng achun, lopina leh vaihawmna chuh kumkhawtuong in um hen. Amen.

NASEPTE 22:14

Chun, amah chun, ‘Ei uh ei suonte Pathien in, amah deihlam he ding leh, a Suok Diktat chuh mu ding leh, amah kam ngeia a thugen za dingin a hun tel na hi.

NASEPTE 13:2

Lalpa a zenviel u a, an a ngawlh lai un, Thagau Thiengtho in, “Barnabas leh Saul hi, ka sap lawh pên hih dingin ei guot chuom sak un,” a ti a.

NASEPTE 1:24

Chun, a paucham u a, “Nang Lalpa, mihiem chengcheng lungthim he pa,

NASEPTE 1:2

Thagau Thiengtho thilhih theihna a, a sawlchak telte kawma thu a pieka, van a puih toh a a um ni geia thu khah.

JOHAN 15:16

Nangun nei tel puou a, ken ka hun tel zawk na hiu ui; chieh a, sawttak a um zing dinga tamtak a va gah dingin ka hun guot na hi ngâl u a. Khutichun, ka min a Pa kawma na nget tak uh hun pie zel ina.

MALAKI 3:18

Tichun, mi dik leh mi nunsie, Pathien nasem leh ana sem lote kibatloh dân chuh hun mu ta’n lau,” ti’n.

EZEKIEL 40:46

Indan mâllam nga hi, maichâm enkawl thiempute umna ahi. Ziehaw hi Zadok chate, Levi chate laka zenviel nasem dinga Lalpa umna mun naih thei dingte chuh ahiu hi,” a ti a.

SAM LEHKHABU THE PSALMS 105:26

A suok Mosi tawh a mi tel Aron chuh a sawl a.

1 SAMUEL 2:28

Chun, Israel phung chengcheng lak apat ka maichâm a va chieh a, gimlim hâla, ka ma a thiempu puonâk âk ding leh ka thiempu dingin amah chuh ka guot hilo ahim? chun, nanguh hun suonpa chu Israel te hâlmang thilpiek chengcheng ka pie hilo maw?

PAWTDAWKNA 28:1

“Chun, na suohpihpa Aron leh a chapate, Nadab leh Abihu, Eleazar leh Ithamar te chu pui in la, Israel chate laka ka thiempu na a sep theih na dingun kawih chuom in.

HEBRAI 12:14

Mi chengcheng tawh kichama umna leh thienthona delh un, zie thienthona lo chun kuoma’n Lalpa mu puo’n au.

EPHESI 2:13

Himahlele, tuhin, Krista Isu achun, nanguh gamla taka umte khah, Krista thisan chun hih naih in na hung um tau hi.

NASEPTE 15:7

Chun, hah niel a a kiniel nung un, Peter a kipan a, a kawm u ah; “Suohpihte, Jentel te’n kei kama kipata Chanchin Pha thu a zak u a, a ginchak theihna dingun, Pathien in maa na lak u apat ei guot zie khah na heu hi.

THIEMPUDANTE 8:2

“Aron leh a chapate chuh ka umna puon-In kawtkhak lutna achun pui inla, chun, thiempu silhlechen leh thau nuh zat leh gitloh thawihna dingin bâwng tuoi, belam nih leh, chângthâk chawl sawhloh bawm chuh chawi inla,

PAWTDAWKNA 28:43

Zie chuh Aron leh a chapate ka umna puon-In a a lut tieng u leh, mun thiengtho a thiempu na sem dinga maichâm kawma a chieh tak u leh a âk zel ding uh ahi; khutilochun gilo a ngaih hiu intin, thi kha’n au; zie chun Aron leh a nunga a suonte chanin le kumkhuo a dinga dân det hi’n a.

KISIMNA 16:6

Zing leh zingkal leh, na nungzui te tawh meilakna chawi unla, a chungah mei-âm leh gimlim kawih unla, maichâm ah chawi un.

KISIMNA 17:8

Chun, a zing chun Mosi chuh puon-In achun a va chieh a; Levi inkuon a dinga Aron tiengkhut chuh a na sel a, a mûm a, a pak a, almond min a na gah a.

JEREMIA 30:21

A milienteu chuh amau haw mi ngêi hiu intin, a vaihawm teu chule amau haw laka hung pawt ngêi hi’nau. Amah kawm achun ei hun naih ah ti’ng ka ting; amah chun ei hun naih ina. Amah thu a ei hun naih ngam ding kuo a? tih hi Lalpa kamsuok ahi.

JEREMIA 49:19

Ngaitiem u, Jordan gammâng apat a sakeibaknei, gancha tat na mun haw ah hung to intin; amau haw chuh a lak u apat in delhmang sak ing ka ting; a chung u a thunei dingin ka nawp taphawt guot ing ka; kei tawbang hi kuo a um: Kuo a hunbi ei guot sak ding? Belam pu ka masanga ding ding chuh kuo ahi?

JEREMIA 50:44

“Ngaitiem u, Jordan gammâng apat in sakeibaknei, gancha tat na muna hung to bangin hung to intin, amah apat chun amau haw taihmang sak ing ka ting; a chunga thunei dingin ka deih taphawt guot ing ka. Kei tawbang hi kuo a um em? Kuo a hunbi ei guot sak ding? Belampu kuo ahim ka masang a ding ding chuh?

EZEKIEL 43:19

Levi chi thiempu Zadok suona mi, ei zenviel dinga ka umna muna hung sekte kawm achun, gitloh zieka kithawihna dingin bâwngchal tuoi na piek ding ahi, Lalpa Pathien in a tii.

EZEKIEL 45:4

Zie chuh gama dinga mun thiengtho, thiempute, mun thiengtho a nasem sekte a ana sem dinga Lalpa naih sekte a ding hi’n tin, a Inmun ding u leh mun thiengtho dinga gam thiengtho hiding ahi.

PAWTDAWKNA 28:41

Ziehaw chun na suohpihpa Aron leh a chapate chuh na thuom ding ahi; kei dinga thiempu na sem a, zenvielna a sep theihna ding un, amau haw chuh thau nuh in, kawihchuom in, na hih thientho ding ahi.

SAM LEHKHABU THE PSALMS 115:10

Aw Aron inkawte haw, Lalpa chuh gingchau un: Amah chuh amau haw panpihpa leh a phawu ahi.