KISIMNA 15:4 - PATHIEN LEKHABU THIENGTHO (BSI)

⁴ Lalpa kawma thillat pie taphawt chun, an thillat changbuong nelzat, ephah hawp sawma khena hawp khat sathau, hin mun li a khen a mun khat lat ding ahi. Zie kithawih na chuh Lalpa kipah lam ahi.

KISIMNA 15:4 ပူးပေါင်းရင်းမြစ်များ

PAWTDAWKNA 29:40

Belamno khat lat na ding achun changbuong nêl tak epha mun sawma khena mun khat olive thau kithawk hin mun li a khena mun khat tawh kichawkhel na tel sak ding ahi; dâwn ding thillat dingin uain hin mun li a khena mun khat tawh.

THIEMPUDANTE 23:13

Chun, zie a changbuong thillat chuh, changbuong nêl chi ephah mun sawma khena mun nih thau a kimek Lalpa dinga gimlim tak meia thillat ahih ding ahi; chun zie a dâwn ding thillat chuh uain hin mun li a khen mun khat ahih ding ahi.

THIEMPUDANTE 6:14

Chun, ziehi changbuong thillat dân ding chuh ahi: Aron chapate chun maichâm bul a Lalpa masanga a lat dinguh ahi.

THIEMPUDANTE 2:1

Chun, Mi kuo’nle, Lalpa kawma an thillat a lat chun, a thillat chuh changbuong nêl tak hiding ahi a, olive thau sunkhum intin, a chungah gimlim tawh hel ina.

THIEMPUDANTE 14:10

Chun, a ni giet ni chuleh, belamno chal dem umlo nih leh, belamno a nu khat dem umlo, kum khata upa leh changbuongnel ephah mun sawma khena mun thum, olive thau tawh kihel leh, sathau bûk khat a hun chawih ding ahi.

HEBRAI 13:16

Himahlele, thilpha hih leh, kipanpih tuoh ding hi hengilh kiu in, zie chuh Pathien kipahlam, kithawihna chuh ahi ngâl a.

ROME 15:16

Nanguh hun hetsak kitna dingin, thu khenkhat khat chuh hangsan taka ka hun zik ahi. Jentel te chuh Pathien kawma sukthientho, Thagau thiengtho zâla amah a kipumpiek mi a hih theihna dingun, thiempu nasep guolin, Pathien Chanchin Pha chuh a kawm u ah ka gen ahi.

MALAKI 1:11

Ni suohna apat ni tumna tiengin Jentel te lak achun ka min chuh a lopi ngâla. Mun tin a a umnau chengah gimlimte ka kawma hâl in, kithawihna pawmtâkte a lân u a!

EZEKIEL 46:14

Chun, zingkal cheng leh An thillat te guonggalh in na tin, ephah mun gup a khena mun khat leh thau hin khat mah, hawp thuma khena hawp khat chuh changbuong nêl sunawm dinga na hel ding ahi. Zie hi kumlekhuo a Lalpa kawma hâlmang thillat ding dân chuh ahi.

ISAI 66:20

Tichun, Israel chate’n a thillat uh bel thiengtho a Lalpa masanga ahun chawihlut sek bangun, Lalpa kawma thillat dingin namtin apat in na suohpihteu chengcheng chuh sakawl kangtalaite leh kizawnna te, chun, sabiltung chung leh sangawngsau chung haw ah ka tâng Thiengtho Jerusalem achun hun pui un au, Lalpa’n a tii.

VAIHAWMTE 9:9

Himahlele, olive thing chun a kawm u ah, ‘pathien leh mihing te’n ei zahna pên uh thau ka piekdawk hi haihsan in, thing dangte pahchak mai a um ding ka him?’ a ti a.

THIEMPUDANTE 2:15

Chun, thau sunkhum in na tin, a chunga begaw na kawih ding ahi; zie chuh changbuong thillat ahi.

THIEMPUDANTE 1:13

chun, a sung leh a kênghaw chuh tui in sawp intin, chun, thiempu chun sa chuh a pum in la’n intin, maichâm ah hâl intin meikhu’n zam mang ina; hâlmang thilpiek ahi a, Lalpa a dinga mei a thilpiek gimlim ahi.

THIEMPUDANTE 3:7

A thillat chuh, belamno a hih chun, Lalpa ma ah hun chawi intin,

KISIMNA 28:4

Belamno khat chuh zinglam in pieu in na tin, khat chuh nitâk lama na piek ding uh ahi.

KISIMNA 28:12

Chun, an thillat dingin changbuong nêl hawih tak sathau tawh kihel, ephah hawp sawma khena hawp thum; chun, bâwngchal khat a ding in sathau tawh kihel chun, an thillat dingin changbuong nêl hawih tak hawp sawm a khen hawp nih belamchal khat tawh hel ding ahi.

EZRA 7:17

“Bâwngchalte, belam chalte, belam note leh nek ding leh dâwn ding thillat te Jerusalem a na Pathien In u a maichâm a na lat theih na dingun.

KISIMNA 7:13

A thillat ding chuh dangka thik kuong khat, a giklam sekel za leh sawmthum, mun thiengtho a sekel sawm sagih tuka gik dangka thik belhbu khat, changbuong thillat dingin thau tawh mekhel changbuong nêl tak a dim gêl gêl;

KISIMNA 29:6

Ziehaw hi tha thak ni a hâlmang thillat na piek zing sekteu bana changbuong thillat leh ni chenga hâlmang thillat tawh changbuong thillat leh dâwn ding thillat, Lalpa a ding a gimlim ahih theihna dinga dân dungzui a mei thillat kibawl zingte bana na bawl sek dinguh ahi.