KISIMNA 15:3 - PATHIEN LEKHABU THIENGTHO (BSI)

³ Lalpa kawmah thillat ahim, hâlmang thillat ahim, thutiem subuting dinga kithawihna ahim, nawp thu a thil lat ahim, na kut hunbi u ah ahim, ganguol lak ah ahim, belam guol lak ah ahim Lalpa dinga gimlim ding ahim a na piek tiengu chuleh:

KISIMNA 15:3 ပူးပေါင်းရင်းမြစ်များ

PAWTDAWKNA 29:18

Chun, belamchal chuh a pum in maichâm achun an thilpiek banga na hâl ding ahi. Lalpa a ding a mei a thillat gimlim chuh ahi.

THILSIEMBUL 8:21

Chun, Lalpa’n zie gimlim chuh a he a; Lalpa chun a lunggil in, “Lei hi mihiem ziekin hansie lawh kit ta puo’ng ka, mihiem lunggil ngaihtuohna haw chuh a naupan lai apat in a gilo ngâl a; tu a ka gawt bang hin thilhing tincheng le gawt kit ta puo’ng ka,

KISIMNA 28:27

Hâlmang thilpiek Lalpa dinga gimlim chuh na lat ding uh ahi a; bâwngchal tuoi nih, belamchal khat, belamno chal demna bei kum khat a upa sagih hi ding ahi.

PHILIPPI 4:18

Himahleh, thil bangkim ka nei a, ka nei tai, nei hun thilpiekteu gimlim, kithawihna deihum, Pathien pawm tâk leh kipahlam tak chuh, Epaphrodita khut apat in ka na mu ta a, ka kiningting tai.

THIEMPUDANTE 27:2

Israel chate hopih in la, a kawm u ah, Mi khat in bang ahim thilkhawk diek chunga Lalpa a dinga thu a tiem chun, a mihing tawh kigûn a na guot bang chuh Lalpa a ding hi’n tin.

EPHESI 5:2

Chun, Krista’n, a hun hehpih a, gimlim a dingin, Pathien kawma thillat leh kithawihna a I sik uh a a kipiek guol khan, hehpihna ah um un.

MATTHAI 3:17

Chun, ngaitie, van apat a aw khatin, “Ziehi ka chapa deihtak, ka lungkimna mah mah chuh ahi,” a ti a.

DAN NIHNA 12:17

Na buh u leh na grep tui u leh olive thau sawma-khat hawu leh na bâwngno u leh na belamno u pieng masapen haw leh na thutiem thilpiek hawu leh na ngamtawk thilpiek hawu leh na khutpei thilpiek hawu chengcheng chuh na khuou ah ne thei puo’n na tin un;

DAN NIHNA 12:11

Lalpa na Pathien un a Min umna dinga a guot ding muna na hun chawih dinguh ka tih chengcheng chuh zie a chuh na hun chawih dinguh ahi, na hâlmang thilpiekteu, na kithawihnateu, na sawma-khatteu, na pei thilpiekteu, na neih lak u a phapen Lalpa dinga na tiem hawu chuh;

DAN NIHNA 12:6

Na hâlmang thilpiekteu, na kithawihnateu, na sawma-khatteu, na pei thillat teu, na thutiem thilpiekteu, na ngamtawk thilpiekteu leh na bâwng hawn u leh na belam hawn lak u a pieng masapen haw chuh zie a chuh na hun chawih dinguh ahi;

KISIMNA 29:8

Hâlmang thillat te, Lalpa dinga gimlim chuh lân unla: bâwngchal khat, belamchal leh belamno chal demna bei kum khata upa sagih na lat dinguh ahi.

THIEMPUDANTE 10:13

Chun, Lalpa kawma mei thillat lak apat a nang leh na chapate dinga piek dawk a hih ziekin, mun thiengtho a na nek dinguh ahi. Zie chuh ahi, Lalpa’n thu ei piek chuh,

THIEMPUDANTE 7:16

Amahvang chuh, a thillat kithawihna chuh thutiem ahim, mah utthu a thillat ahim ahih chun, a kithawihna a kilân chuh ani mah mah a nek zawh ding ahi a;

PAWTDAWKNA 29:41

Belamno khat chuh nitâk lama na lat ding ahi a, zie a chu zing lama nek ding thillat dân bang leh dâwn ding thillat dân bangin, gimlim, Lalpa dinga meia thillat dinga na lat ding ahi.

PAWTDAWKNA 29:25

Chun, zie chuh a khut u apat la’n na tin, Lalpa dinga gimlim dingin maichâm a hâlmang thillat behlapna a na hâl ding ahi; zie chuh Lalpa dinga mei a thillat ahi.

2 KORINTH 2:15

Hukdam a um laite ding chun, Pathien kawma Krista gimlim lat tawbang I hiu a, mangthai a um te ding chun, thihna gu gim I na hiu a.

2 KORINTH 2:16

Beimang dingte chun, thihna gu gim I na hiu a, hukdam dingte chun, hinna gimnam I hiu hi. Zie tawbang hi ding chun kuo a ting zo ding?

SAM LEHKHABU THE PSALMS 54:6

Keimah deihlam a thillat in na kawmah kithawi ing ka ting, Aw Lalpa, na min chuh pakcha’ng ka, a pha ngâla.

KISIMNA 6:15

Chawl sawhloh chângthâk leh changbuong nêl tak, sathau tawh kihel, chângthâk kan puok leh sathau tawh kihel, chângthâk pan bawm khat chuh, a an thillat ding u leh dâwn ding thillat bana a hih dinguh ahi.

EZRA 7:17

“Bâwngchalte, belam chalte, belam note leh nek ding leh dâwn ding thillat te Jerusalem a na Pathien In u a maichâm a na lat theih na dingun.