KISIMNA 14:2 - PATHIEN LEKHABU THIENGTHO (BSI)

² Chun, Mosi leh Aron kawm achun a phun tau a, Pathien in Aigupta gam akhan ei na sulum zaw mai leh aw, a hihloh leh, thalek akhan Pathien in ei na sulum zaw mai leh phazaw ding a,

KISIMNA 14:2 ပူးပေါင်းရင်းမြစ်များ

PAWTDAWKNA 15:24

Tichun mipite chun, “Bang ahim ka dâwn ding uh?” ti’n Mosi chungah a phunchiek tau a.

KISIMNA 16:41

Himahleh, a zing chun, “Lalpa mite na thah uh ahi,” ti’n Israel suon mipi chengcheng chuh Mosi leh Aron chung achun a phun tau a.

PAWTDAWKNA 17:3

Zie tak achun mipite dangchâk in a um u a; tichun mipite chuh Mosi chungah a phunchiek u a, “Bang zieka ka chateu leh ka ganchateu tawh dangchâk a thi dinga Aigupta gam apat nei puihdawk a?” a tiu a.

JUDA 1:16

Ziete haw chuh phunchiekte leh, mi awihmawh hatte ahiu a, amau utna bang zelin a um uh a, a kam sung un kiletsakna thu thanghuoi tak tak a gen uh a, amau phatchuomna ding deihna ziekin, mi Pahchak lim a thawh sek ui.

1 KORINTH 10:10

A lak uh a khenkhat a phunchiek u a sumangthaipa, sukmangthai a a um lawh guol u khan, phunchiek puoi tiu.

JONA 4:8

Ni a hung suok phet chun, Pathien in suohlam huih lum a hun nun sak a; tichun, nisa chun Jona luchang chuh a hailum ta a, a thidang a, amah dingin thih a ngên ta a, “Keia dingin hin sangin thih a phazawi,” a ti a.

JONA 4:3

Zieziekchun Aw Lalpa, tuhin ka hinna hi ei lâksak dingin ka hun ngên hi. Kei dingin hin sangin thih a phazaw ngâl a,” a ti a.

SAM LEHKHABU THE PSALMS 106:24

Ahi, gam nuom tak chuh a musit u a, A thutiem chuh a gingcha nuom puou a.

DAN NIHNA 1:27

na puon-In hawu achun na phun na chiek u a, “Lalpa’n ei uh ei hawt zieka Amor te thah chimit dinga a khut u a piek dinga Aigupta gam apat ei puih dawk ahi.

KISIMNA 11:15

Khutibanga hi nei bawl ding chun, ei lungsiet inla, na khut apat in ei that mai in, ti a chuh zie tawbang bawl gimtheihna hi ka thawk sawt loh na dingin” a ti a.

KISIMNA 11:1

Chun, mipite chuh Lalpa chungah a phunchiek tau a, zie chun Lalpa a sukipak hiel puoh a; Lalpa’n zie chuh a het phet in a lungnatna chuh a kuong dawk ta a, a lak u chuh a kâng ta a, giehbuk mawng lam chuh a kângtum vek tai.

SAM LEHKHABU THE PSALMS 106:45

Amau haw ziekin a thuthun chu a hezing a, A zahngaih dân bang zelin a lungthim a kilehhei ta a.

JOB LEHKHABU THE BOOK OF JOB 3:11

Bangati a sûla ana thi lo ka him? Bangati a gilpi apat a ka pawt a ka hat a na tâwp loh?

1 LENGTE 19:4

Himahleh, amah chu gamthip lam ah ni khat lam hiela gamla achun a chieh a, Juniper thing nuoi ahin a chu a; thih a ngên ta a, “Aw Lalpa, a hun tai; tuhin ka hinna hi la mai ta’n, ka pulepate sangin ka phazaw diek puoh ngâl a,” a ti a.

HEBRAI 3:16

Himahleh, mi khenkhat chun za zing ngâl in a sulungna sek uh a, zie te chuh Aigupta apat a Mosi puih dawk ahi vek puou hi.

KISIMNA 11:5

Nawpdan dana Aigupta gama nga I nek sek u haw kha I hezing u a, changmai haw, dawnkhawh haw, lothul siel nek zat, lothul bulbâl nei haw, lothul vam haw le;

KISIMNA 14:1

Tichun, mipite chuh ngeih tak in a kiko u a, zie zan chun mipite chuh zan khuo’n a kap tau hi.

KISIMNA 14:22

Zie mipite lak ahin ka lopina leh Aigupta gama melchikna haw mu ngâla ei ginchak loh u a sawm vei hiel ei patep a, ka thu awilote lak ahin,

KISIMNA 16:13

thalek a ei sulum dinga Aigupta gam bâwngnawi leh khuoizu luonna gam apat nei puihdawk u hile hun salo na him? Ka chung u ah na kiletsak na laiset a.

KISIMNA 20:3

“Lalpa masanga I suohpih teu a thih lai u khan ei u le ana thi zaw mai kha hita leuhing aw!

KISIMNA 20:4

Bang zieka Lalpa mipite hi ka gan guolteu tawh thalek gamgaw a thi dinga nei puih lut ahi?

KISIMNA 21:5

Mipite chun Pathien leh Mosi kalh in, “Gamthip a thi dinga bang a ti a Aigupta apat a nei puih dawk uh a? Chângthâk la umlo, tui la um lo; zie an mantheihlo hile ka kihdak ui,” a tiu a.

SAM LEHKHABU THE PSALMS 106:25

A puon-In hawu achun a phunchiek zaw tau a, Lalpa aw chuh a ngaitha nuom puou a.

PAWTDAWKNA 14:11

Mosi kawmah, “Aigupta gam akhan thân a umloh ziek ahim gamthip ahi thi dinga keihaw nei puihdawk? Bang zieka hitibang ahi bawl dinga Aigupta gam apat a nei puihdawk ahi?

KISIMNA 17:6

Khutichun Mosi chun Israel chate chuh a hopih a, a inkuon lawiupa chengcheng chun a inkuon chiet uh lawiupa ding in tiengkhut khat zel, tiengkhut sawmlenih a pieu a: Aron tiengkhut chule a tiengkhut hawu lak achun a tel a.

KISIMNA 20:2

Tichun, a giehmun u achun tui a um ta puoh a, khutichun, Mosi leh Aron kilanpih dingin a kipunkhawm tau a.

DAN NIHNA 9:23

Chun, Lalpa’n, ‘Gam ka hun piek chuh va luoh un,’ ti a Kadesh-barnea apat a a hun sawl lai khan le Lalpa na Pathien u thupiek chuh na helsan u a, amah chuh na taksang puou a, a aw chule na ngaitha puou a.