8 Zieziekchun a kawm ahin kimaichangtuoh in thu ka gena, chientak leh het haksa um lo in, Ka lim nasan le a mu ahi! bang zieka ka suok Mosi hi gen sie ngam na hiu em?” a ti a.
Tuhin vang, lim-et a, kimu guolin, I mu giel guol uh ahi, khutih hun le vang chuh, kimaichangtuoh in mu tai tiu. Tuhin vang, a kimlo in ka he a, zie tieng chule vang, Pathien in ei het kim guol hin he kim ta’ng ka.
Tichun, Lalpa’n Mosi chuh kimaituoh in, mihing in a guolpa a hopih bang mai in a hopih seka. Mosi chuh giehmun lam achun a hung vaikit sek a: amah panpih Nun chapa tangval Joshua chun puon-In chuh a nusieh puoi.
Chun, Isu’n a sinsakte kawmah, “Kuole, nang haw thu ngai chuh, kei thu ngai ahi a, kuole, a hun deihlo chuh, kei ei deihlo ahiu hi; chun, kuole, kei ei deihlo chuh ei sawlpa deihlo ahi,” a ti a.
Suok hun tikit ta puo’ng ka; a pu thilhih suok in a he puoh ngâl a; guolte hun ti zaw ta’ng ka; Pa apat a thil ka het cheng na kawm u ah ka phuong ta ngâl a.
Taksa lama utchakna thanghuoi hihte leh, vaihawm sakna musitte vang chuh, Vaihawm Ni a dingin gawt kawma sit dân a he zawsem hi. Zie tawbang sinsaktu diklote chuh, ngawl hân leh amah kiletsakte ahiu a, chunglam lopina changte nasan le zahchâk lo in, a gensie zaw sek ui.
Amah chauh chuh thi thei lo, kuoma’n naih theih loh hiel vak achun a cheng a. Kuoma’n a mah chuh a mu kha puoh a; muh le a mu thei lo ahiu hi. Amah kawm achun kumsawt a limbawlna leh thilhih theihna chuh um hen! Amen.
Khutichun, eihaw vang chuh, mai khuh loh in, I bawn un lim-et banga Lalpa lopina a salhvak a um in; zie lopina mah, Lalpa apat a hung, Thagau mawng chun, lopina apat lopi sawn in, amah kibatpih a suklamdan in I um uh ahi.
Thil kuomah hih khâk loh cheng a kawm u ah hih kileng, gilo a thiemmawh kichanna nei lo ding ahiu a, tu’n vang chuh, amau in kei leh Pa chuh ka nih un ei mu tau a, hawt le ei haw a hi tau hi.
Khutibang mah in, ziete haw chun le, muh lawk thil nei in, a taksa teu chuh gitlohna hih dingin a siem uh a; Pathien thuneihna chuh musit in, chunglama lopitak umte chule a gensie sek ui.
Amah chuh Pathien lopina eng leh, Pathien hihna kibatpih ngêi, a thu thilhih thei taka bangakai vawp det pa chuh ahi. Mi chengcheng dinga gitloh ngaihdamna a siem nung in, van a, Pathien Bangakai hihtheipa khut changlam akhun a va chu ta a.
Ziehaw chuh a hih a, thiemgau in: “Tehkal thu’n ka kam ka’ng ka ting, Lei kisiem tûng apat thil kisêl chuh gen dawk ing ka,” ti a a gen kha a hung guitun theihna dingin.
“Milim siemkawm leh thil a kibatpih himhim, chunglam van a um ahim, nuoi lam leia um ahim, lei nuoi lama tui lak a um ahim, nang dinga na siem ding ahi puoi:
Zie gama chêngte hi hilh ding ahiu hi. Zie mipite hin, Lalpa chuh ka kawm u ah na um a, ka chung u a meipi a na um chuh a muu a, sun a meipi leh zan a meikuong a ka masang u a na chieh sek dante a mu vek ngâl u a.
Chun, Lalpa chun, “Ka lopina chengcheng chuh na masangah latsak ing ka ting, ka min thiengtho chuh na masangah phuong zel ing ka; tichun ka lungsiet tak chuh lungsiet zel ing ka ting, zah ka ngaihna taphawt achun zahngai ing ka,” a ti a.
“ ‘Milim siemkawm, chunglam van a thil um lim ahim, nuoi lam lei chunga thil um lim ahim, lei nuoi lama tui laka thil um lim ahim, a khawipen kibatpih chuh hitaleh na kisiem ding ahi puoi;
Khutichun kihona puon-In a Lalpa hopih dinga Mosi a lut tieng leh, Thuthun bawm chunga zahngaihna chutphah chunglama Cherub te nih kikal apat chun amah hun hopih in aw chuh a za a, a hopih ta a.