KISIMNA 12:2 - PATHIEN LEKHABU THIENGTHO (BSI)

² Amau chun, “Mosi kawm mai ahin ahim Lalpa’n thu a gen chuom? eihaw kawm ahin le a gen tho hilo ahim,” a tiu a. Zie chuh Lalpa’n a na he ta a.

KISIMNA 12:2 ပူးပေါင်းရင်းမြစ်များ

KISIMNA 16:3

Mosi leh Aron masang achun a kikhawm tau a, a kawm u ah, “Na chiehkhiel taluo tau ui! mipite chengcheng hi a thiengtho u a, Lalpa a ahiu a, Ka bawn u a kawmah Lalpa a um ngâl a. Bang zieka Lalpa mipite chung ahi kiletsak chuom na him?” a tiu a.

PHILIPPI 2:14

Zie khawvel sietna laka cheng leh mi gilote laka hih, Pathien cha, sietna bei leh thiengtho na hung hih theihna ding un,

PHILIPPI 2:3

Nangmau a ding mai ngaihtuoh a kiletsak zieka bangmah hih lo in. mi tinin kingainiem takin, amah sanga mi dang phazaw’n ngai chiet he’n;

MIKA 6:4

Aigupta gam apat chun ka hun puidawk a, suok apat in ka hun tandawk a; na mau ah Mosi te, Aron te leh Miriam te, a hun pui dingin ka sawl kha!

ISAI 37:4

Asuria Leng chun a milien Rabshakeh chuh Pathien hing gensie dingin a hun sawl a. Lalpa Pathien in a gensietnau chuh a za ta a; a thugen dungzui chun gawt tei hen. Zieziekchun, nutsieh a um mipite ding hin Pathien kawmah paucham sak in,” a ti a.

ROME 12:10

Suohpihte, kihehpihna lam achun, kihehpih takin kilainat tuoh chiet un; kilimbawlna lam achun, kideihsak tuoh chiet un.

2 LENGTE 19:4

Asuria leng in Pathien hing gensie dingin Rabshakeh a hun sawl a. Lalpa na Pathien chun zie ho sietna thu leh gensietna thu chu hun za’n, zie tawbanga gente chu gawt hen. Zieziekchun, Pathien kawmah, ka mipite hinhawih a umsunte ding chun paucham in,’ a tii,” a tiu a.

KISIMNA 11:1

Chun, mipite chuh Lalpa chungah a phunchiek tau a, zie chun Lalpa a sukipak hiel puoh a; Lalpa’n zie chuh a het phet in a lungnatna chuh a kuong dawk ta a, a lak u chuh a kâng ta a, giehbuk mawng lam chuh a kângtum vek tai.

1 PETER 5:5

Khutibang mah in, nanguh tanglak deuhte haw; upate kawmah kitulut un. A hii, na bawn uh a kizen tuoh chiet dingin, nuoilutchuhna’n kivan un; Pathien in mi husiete a do a, kingainiemte vang chuh lungsietna a pie sek hi.

2 SAMUEL 11:27

Chun, a sûnna hunbi a beih phet chun David chun a In lam ah a pui a, a zi dingin a nei ta a, chapa a hin sak a. Himahlele David thilhih chun Lalpa a sukipak puoi.

KISIMNA 11:29

Mosi’n a dâwng a, “Ka lunglut na hi nei ngaihtuoh pih em? Lalpa’n a thagau chuh mipite chengcheng chung ahin sung tha he’n la, thiemgau guolin thu gen vek leu ut ka hi,” a ti a.

ROME 12:3

Pathien in ei piek lungsietna vang hin, na bawn u a kawmah ka gen ahi: Na lak u a kuomah, na kingaihlul ding val u a kingailul lo in, Pathien in mitin kawma taksanna kilawm a piek guol zelin, chil taka ngaihtuoh zaw dingin ka tih chiet na hiu hi.

THUCHINGTE 13:10

Chapona chun kinakna a tun a, himahleh, thuhilhna phatak a zawp vang chuh pilna ahi.

PAWTDAWKNA 7:10

Chun, Mosi leh Aron chuh Pharaoh kawmah a va lut u a, chun, Lalpa thupiek bang chun a vak hih u a; Aron chun a tiengkhut chuh Pharaoh leh a miliente masang achun a vak septha a, chun, gûl a hungsuok ta a.

PAWTDAWKNA 5:1

Zie nung chun Mosi leh Aron chuh lengpa kawmah a va chieh u a, a kawmah, “Lalpa Israel te Pathien in hiti hin a tii, ‘Ka mite hi thalek a ka kawma hung kut dingin hun sawl in,’ a tii,” ti’n a gen u a.

THILSIEMBUL 29:33

Chun, nau a vawp kita, chapa a nei kit a; “Muhdah in ka um hi tih Lalpa’n a het ziekin ziehi le ei piek ahi hi,” a ti a. Tichun a min dingin Simeon a sa a.

PAWTDAWKNA 4:30

Lalpa’n Mosi kawma a gen chengcheng chuh Aron chun a gensawn kit a, Mosi chun mipite mitmuh in thilmak haw chuh a hih a.

KISIMNA 12:3

Mosi chuh lei chunga mihing cheng lak a mi kingainiem pên ahi a.

PAWTDAWKNA 4:14

Tichun Lalpa chuh Mosi chungah a lungna ta a, a kawmah, “Na suohpihpa Aron, Levi suon a mi chuh a um hilo ahim? Amah chun thu a gen thiem hi tih ka hêi, Ngaitie, nang hun tuok dingin a hunga, a hun muh tieng leh a lunggil kipâk mah mah in a,” a ti a.