KISIMNA 11:23 - PATHIEN LEKHABU THIENGTHO (BSI)

²³ Chun, Lalpa’n Mosi kawmah, “Lalpa khut chuh sukchawm ahim? Ka gen chuh a guitung em, a guitung puo’m, hun mun la,” a ti a.

KISIMNA 11:23 ပူးပေါင်းရင်းမြစ်များ

ISAI 59:1

Ngaitiem u, Lalpa khut chuh hukdam theilo dingin hih chawm in a um puoh a; a bil chule za theilo dingin a ngawng diek puoi!

ISAI 50:2

“Ka mite hukdawk dinga ka chieh laia kha bang zieka ei ngaihsak loh uh a? Ka sap laia kha bang zieka ei dâwnglo ahiu u? Amau haw hukdawk theilo dingin ka bân hi sukchawm in a um a ahim? Ahihloh leh, hukbit dingin hihtheihna ka nei puoh a ahim? Ngaitie, thupiek chauh in tuipite ka sukang a, tuipite thalek ka suok saka, khutichun, tui um loh ziekin a sunga nga chengcheng chuh dangchâk in a thiu a; a uih zo vek tau hi.

EZEKIEL 12:25

Lalpa chuh ka hi ngâla, gen ing ka ting, chun ka thugen chuh sukpitin ngâl hi’n tin, sukvaigeih in um puo’n a. Aw helchîng inkawte haw, na damlai ngêi u hin thu gen ing ka ting, supiting ding ka hi ngâl a, tih hi Lalpa Pathien gen ahi ngâla,” a ti a.

KISIMNA 23:19

Pathien chuh mite guola lepchieh ahi puoh a; mihing guola lungthim kisang hethut ei puoi. A thutiem chuh a hih zel a, a gentak chuh hih in a um zel ahi.

THILSIEMBUL 18:14

Lalpa a dingin thil bangkim a haksa taluo a um a ahim? Hun tiem ahung tun phat chuleh na kawmah hungkit ing ka ting, chun Sara’n chapa nei ina” a ti a.

LUKE 1:37

Pathien kamsuok. himhim thilhih theilo in um puo’n a,” a ti a.

MATTHAI 19:26

Chun, Isu’n amau haw chuh a en a, a kawm u ah, “Zie chuh mihiem dingin hih guol ahi puoi; Pathien dingin chuh bangakai hih theih ahii” a ti a.

EZEKIEL 24:14

‘Kei, Lalpa hin ka gen ta a, hung tung ngêi ina, ken hih ding ka hi ngâla, kinungzuk puo’ng ka ting, hun diem puo’ng ka ting, kisik puo’ng ka ting; na umdan haw leh na thilhih haw dungzui zelin na chunga thu tan hi’n a, Lalpa Pathien chun a tii,’ ti’n,” a ti a.

MATTHAI 24:35

Lei leh van bei in tin, ka thu vang chuh bei puo’n a.

MIKA 2:7

Aw Jakob inkawte haw, zie hih gena um ding ahim? Lalpa thagau chuh a thuokhat puoh a ahim? Zie tawbang chun thil a hih taktak em? Thil dik hihte kawma chun nunnem takin thu a gen puoh a ahim?” ti’n.

SAM LEHKHABU THE PSALMS 78:41

A vel velin Pathien a patep u a, Israel mithiengtho chuh a sunuok sek ui.

2 LENGTE 7:2

Chun, sepaih lawiupa leng kithuohpih pên pa chun Pathien mi chu a dâwng a, “Ngaitie, Lalpa’n van ah tukvan hawng ding ahi chu uo; zie bang thil chu ahi thei maizen dinga ahim?” a ti a. “Ngaitie, na mit in vang mu ngêi in na tin, a nek chu vang nelo ding na hi,” ti’n, Elisha chun a dâwng a.

KISIMNA 11:22

Belam guol leh ganguol thah sak mah leng, a vah kham na ding um? Tuipi a nga chengcheng pie lengle a ne kham na ding um?” a ti a.

JEREMIA 14:9

Bangati a mi lungkie tak a um bang leh, pasalpha hukdam theilo tawbang mai a um na him? Mahleh, Aw Lalpa nang chuh ka lak uh ah na um a, na min pu ka hiu a, ei taihsan ki’n.

DANIEL 6:20

Chun, Daniel umna kul a tun phet chun kahpau kawmin a vak sama, “Aw Daniel, Pathien hing suokpa, na Pathien a na nasep zing chun sakeibaknei kul apat chun a hun hukdawk thei nam?” a ti a.

PAWTDAWKNA 6:1

Chun, Lalpa chun Mosi kawmah, “Tu’n vang lengpa chunga ka hih ding chuh mu ta ding na hi, khut hattak ziekin ka mite chuh pawtsak intin, chun, khut hât tak ziek chun amau haw chuh a gam apat chun nawhdawk ina,” a ti a.

2 LENGTE 4:43

Chun, suokpa chun, “Ziehi, mi zakhat nek ding hin a kiting dinga mawh?” a ti a. Elisha chun, “Zie mite haw nek ding hin pie’n; Lalpa’n hiti hin a tii: ‘Neu in tin, nek le ne seng puo’n au,’ a tih ahi,” a ti a.

JEREMIA 32:17

“Aw Lalpa Pathien, ngaitie, na thilhih theih na nasa tak leh na khut zak in lei leh van na siem ta a; nanga dingin thil haksa taluo a um puoi.

JEREMIA 32:27

“Ngaiin. kei Lalpa Pathien hi taksa nei chengcheng te Pathien ka hi, kei a ding thil haksa taluo a um em?” ti’n.