KISIMNA 10:9 - PATHIEN LEKHABU THIENGTHO (BSI)

⁹ Na gam u a melma hun nuoisieh haw do dinga na chieh tak u leh, kido ding mût a pengkun haw chuh na mût dinguh ahi; tichun Lalpa na Pathien u masang achun hetzing hi’n na tin uh, na melma teu laka pat in hukbit hi’n lau.

KISIMNA 10:9 ပူးပေါင်းရင်းမြစ်များ

1 SAMUEL 10:18

Israel mipite kawm achun, “Lalpa Israel te Pathien chun hiti hin a tii, ‘Israel te chu Aigupta apat in ka puidawk a, Aigupta mite khut apat leh ahun nuoisieh gam chengcheng apat in ka hun hukdawk a:

VAIHAWMTE 2:18

Chun, Lalpa’n amau puihuoi ding a siem saka, Lalpa chuh zie a vaihawmte kawm achun a um a, a damsung cheng u chun a melma teu khut apat in a hukdawk zela; hih gimtheih leh suklungkham a a um ziekun Lalpa’n amau chuh a lungsiet ta a.

THILSIEMBUL 8:1

Chun, Pathien in Noah leh a kawma thilhing tincheng leh, gancha um haw chengcheng chuh a hezing a; chun, Pathien in lei chung achun huih a nun sak a, tichun tui chuh a hung kiem pan ta a;

SAM LEHKHABU THE PSALMS 106:42

A melmate chun a sugimthei u a, A khutnuoi u a chun nemsieh in a um tau a.

SAM LEHKHABU THE PSALMS 106:4

Aw Lalpa, na mite na deihchuomna’n nei hezing inla, Aw na hukdamna chun ei vehtha’n la:

2 KHANGTHUBU 13:14

Juda te chu a vak kilehhei u leh, gâl in a nung lam u leh a malam u ah a na um u a. Lalpa chuh a sam tau a, thiempu te chun pengkun a mût tau a.

VAIHAWMTE 10:12

Zidon te, Amalek te, Maon te’n le a hun sugimthei u a, chun, nei sam u a, tichun, a khut u apat a ka hukdawk na hiu hi.

VAIHAWMTE 10:8

Chun, zie kum chun Israel chate a sulungkham un, a sugimthei mah mah tau a; Jordan gâl Gilead gama um Amor te gama cheng Israel suonte chuh kum sawm leh kum giet hiel a sugimthei tau a.

JOSHUA 6:5

Chun, hiti hi hi’n tin, belamchal ki a mût git phat u a, pengkun gi na zak tieng u leh, mipi chengcheng ngeih tak in kiko u hen; tichun khawpi kulh chuh chim gui gui intin, mipite chuh amau mazawn chiet ah chun lut to un au,” a ti a.

KISIMNA 31:6

Tichun Mosi’n nam khat zel sangkhat chiet leh, thiempu Eleazar chapa Phinehas chuh mun thiengtho a matchâk leh thu pie viel dingin, pengkun haw chawiin kido na ah a sawl a.

1 KORINTH 14:8

Pêngkun le, mumal nei taka a mût loh u chun, kuo a galkap dinga kisakhawl thei ding?

AMOS 3:6

Khawpi a mite sulau lo hielin pengkun a gi ngei em? Lalpa’n a sawl loh chun khawpi ah sietna a tung dinga ahim?

JEREMIA 6:17

Chun, nanguh a dingin gâlvengte ka kawih a, “Pêngkun gi chuh ngaithau in,” ti’n. Amau chun la, “Ngaitha puo’ng kau,” a tiu a.

JEREMIA 4:21

Bang chan ahi die kidona puonzak ka muh a, kidona pengkun gi ka zak ding?

JEREMIA 4:19

Ka lung a gim hi, ka lung a gim hi, ka lungchang tieng in a na a, ka sung ah ka lungthim a buoi zo ta a; ka um hiet hiet thei puoi. Aziek chuh, aw ka hinna, pengkun gi leh kidona heizam na zak ziekin.

JEREMIA 4:5

Juda gam ah phuong unla, Jerusalem ah genzak un. Gamsung pumpi achun pengkun mût unla, ngeih tak in kiko un. Hung khawm unla khawpi kulh nei haw ah lut hitiu, tiu un.

ISAI 58:1

Ngeihtak in kiko inla, kilen ki’n, pengkun guolin na aw suoh vuohvuoh inla, ka mite kawmah a bawhsietnau chuh hilh inla, Jakob insung mite kawm achun a gitlohnau chuh hilh in!

ISAI 18:3

Khawvela um chengcheng leh, lei chung luohte haw, tâng hawa melchikna a takdawk tieng u leh en un; pengkun a mût tieng u leh ngaithau un.

SAM LEHKHABU THE PSALMS 136:23

Amah chun I nam uh nuoisieha a umlai khan ei hezing a: A zahngaihna chuh kumlekhuo a um ding ahi ngâl a.

VAIHAWMTE 6:34

Himahleh, Lalpa thagau chuh Gideon chungah a hung tunga, tichun pengkun a mût a, Abiezer te chuh hung pungkhawm in a zui tau a.

VAIHAWMTE 6:9

Aigupta mite khuta kipat leh, a hun sugimthei te cheng khut apat in ka hun hukdawk a, na masang u ah amau haw chuh ka hun nawhdawk saka, a gam u chuh ka hun pie a.

VAIHAWMTE 3:27

Chun, hiti hi ahi a, zie gam chuh a tun phetin Ephraim tânggam achun pengkun a mût a, Israel chate tânggam apat in a kawmah a chieh suk u a; amah chun ma a pui ta a.

ZEPHANIA 1:16

Kulh a ki-um khawpite chunghaw leh, gâlven kulh sangte chunga kidona pengkun leh galdo kiko thawm a dimna ni hi’n a.

HOSEA 5:8

Gibeah khuo achun kidona pengkun mût unla, Ramah khuo achun kigalginna chuh mût un: Bethel achun lauhna aw suoh unla. Kidona achun lut in aw Benjamin te haw!

EZEKIEL 7:14

Pêngkun chuh mût u henla, thil cheng chengah kisazo ta mahleu, kuomah galdo dingin chieh puo’n au; ka lungnatna chuh a bawn u a chungah a um ngâla.

JEREMIA 6:1

Benjamin chate haw, na bitna dingun Jerusalem apat, in taimang unla, Tekoa ah pengkun mût unla, Bethhakkeram ah melchikna tâk dawk un. Mâllam apat in sietna huoisie tak a hung kitawl hi; siet na huoisie tak mai chuh!

THIEMPUDANTE 23:24

melchikna pengkun mût a, pengkun Kut na mat dinguh ahi a, zie ni chuh khawmpi thiengtho ahi.

2 KHANGTHUBU 13:12

Pathien chun ka mau pui in ka kawm u ah a um a, chun, Thiempute chu nang haw hun do dinga pengkun mût dinga kisazo san tak ahin aum ui. Aw Israel suonte, Lalpa na pileputeu Pathien chu do hiel kiu; zo lo hiel ding na hi ngâl u a,” a ti a.

JEREMIA 49:2

Zieziekchun, ngaitiem u, nite chuh a hung tung hi tih hi Lalpa kamsuok ahi. Kido thawm zak sak ing ka ting, Amon chate Rabbah chung achun, khutichun, thil sie umkhawm bang mai hung hi ding ahi, a khuo teu chuh mei in ka’n tin; tichun Israel chun amah neitu chuh nei thuk ina, Lalpa’n a tii.

DAN NIHNA 20:1

“Na melmateu do dinga na kuon u a, sakawl haw, kidona kangtalai haw leh nang u sanga tamzaw sepaih na muh tieng u leh amau chuh na lauh dinguh ahi puoi; Aigupta gam apat hun puidawk Lalpa na Pathien u chuh na kawm u ah a um ngâla.