KISIMNA 10:10 - PATHIEN LEKHABU THIENGTHO (BSI)

¹⁰ Na kipah niu haw ah, na kut hun bithieh niu haw ah, na tha thak kipat niu haw ah, na hâlmang kithawihnau thillat leh, kichamna thillat kithawihna ni te achun, pengkun chuh na mût dinguh ahi. Khutichun hun panpih ding ka hi, kei hi, Lalpa na Pathien uh ka hi,” ti’n.

KISIMNA 10:10 ပူးပေါင်းရင်းမြစ်များ

SAM LEHKHABU THE PSALMS 81:3

Tha thak tieng leh pengkun mût unla, Thalik a ka kut niteu tawh.

1 THESSALONIKA 4:16

Lalpa mawng chuh kiko thawm tawh, vânsâwlchâk chungnung pên aw tawh. Pathien pengkun gi tawh, van a kipata hung kum ding ahi ngâl a. Tichun, Krista gingcha a na thisate chuh hinna ah tho masa’n tin uh;

NEHEMIA 12:35

Thiempu chi laka pengkun chawi khenkhat tawh, Asaph chapa Zakur chapa, Mikaiah chapa, Mattaniah chapa, Shemaiah chapa, Jonathan chapa Zekaria chuh tawh.

EZRA 3:10

Chun, insate chun Lalpa Ho-In suongphum a phum lai u chun thiempute chun pengkun chawiin, thiempu van a kivan in, Asaph chate Levi chite chuh dakkhutbet tawh, Israel leng David in a guot banga Lalpa pakcha dingin a dinsak u a.

2 KHANGTHUBU 29:28

Taka mipi umte chun Pathien a ho u a, lasa te chun la a sau a, pengkun mûtte chun pengkun a mût u a, hâlmang thillat lat zawh masieh chu khutibang chun a hih zing u a.

2 KHANGTHUBU 29:26

Chun, Levi te chu David siem thil tumgit haw tawh a ding u a, thiempu te pengkun tawh.

KISIMNA 10:9

Na gam u a melma hun nuoisieh haw do dinga na chieh tak u leh, kido ding mût a pengkun haw chuh na mût dinguh ahi; tichun Lalpa na Pathien u masang achun hetzing hi’n na tin uh, na melma teu laka pat in hukbit hi’n lau.

NASEPTE 10:4

Kornelias chun amah chuh lau takin a en a, “Lalpa, bang ahi?” a ti a. Amah chun a kawmah, “Na pauchamna haw leh na thilpiek thu haw khah, hetzing dingin Pathien ma ah a tung to ta a.

MATTHAI 11:28

“Nang haw, semgim leh puokgik puo chengcheng te haw, ka kawmah hung un la, kei man hun chawlh sak ing ka.

SAM LEHKHABU THE PSALMS 89:15

Husa kipâk-um he sek nam chuh a hamphau hi; Aw Lalpa, amau haw chuh na melvak ah a um sek ui.

2 KHANGTHUBU 7:6

Chun, thiempu te chu a mau mun chiet achun a ding u a, chun Levi te le Lalpa kawma kipah thu genna dinga David in a phuok, “A lungsiet na chu kumkhuo’n um ding ahi,” ti a Lalpa pahchakna a David in a mat sek, thil githei tawh Lalpa la sa’n a ding u a; chun, alangkhat achun thiempute’n pengkun a mût u a, Israel te chengcheng chu a ding u a.

1 KHANGTHUBU 16:42

Heman leh Jeduthun chun la thiengtho sak na a matchâk, pengkun leh khuongcha a nei u a; kawtpi veng dingin Jeduthun chate chu a guot u a.

1 KHANGTHUBU 15:28

Khutichun, Israel mi chengcheng te chun, kiko zuoh zuoh kawm leh, pengkun binei leh, belam kite mût hâm chuoi chuoi kawmin, dakkhutbet te, tumgit te, kingkangte tawh gi vengvung in, Thugawlh Bawm chu Jerusalem ah a zawn lut tau a.

1 KHANGTHUBU 15:24

Thiempute, Shebahia te, Joshaphat te, Nethanel te, Amasai te, Zekaria te; Benai te, Eliezer te chu, Pathien Thugawlh kawihna thingkuong masanga pengkun mût dinga guot ahiu ui. Obed-edom leh Jehiah chuh Thugawlh Bawm kawihna kawtkhak veng ahiu hi.

JOSHUA 4:7

nangun a kawm u ah, ‘Lalpa thugawlh bawm masangah Jordan tui haw chuh a hung kang ta a; Jordan a kân lai in, Jordan lui tui haw chuh a hung kang a; tichun zie suonghaw hi Israel chate’n kumlekhuo a hetzingna ding ahi,’ na hun tih dinguh ahi,” a ti a.

KISIMNA 29:1

Chun, tha sagihna, a ni khat ni chun, kikhawpna thiengtho na neih dinguh a hi, bangmah na sep dinguh a hi puoi; zie ni a chuh pengkun na mût dinguh ahi.

THIEMPUDANTE 23:24

melchikna pengkun mût a, pengkun Kut na mat dinguh ahi a, zie ni chuh khawmpi thiengtho ahi.

PAWTDAWKNA 28:29

“Khutichun, Aron chuh munthiengtho a a lut tak leh, Lalpa masanga a hetzing theihna dingin a lungchang zawn tak ah vaihawmna awmphaw achun Israel namte min chuh a puok zing ding ahi.

THUPHUON 22:17

Thagau leh mo chun, “Hung ah,” a tiu a. Kuole, a za ta cheng chun, “Hung ah,” tiu hen. Dangchâk ta cheng hung uh hen; a nuom ta chengin Hinna tui hi a thawn in hung kilak u hen.

1 THESSALONIKA 4:18

Zieziekchun, zie thu haw hin kitîlkhoh tuoh zing un.

1 KORINTH 15:52

mitphetkal lo in, sukdanglam in um vek tai tiu. Pêngkun a hung git tieng chuleh, mithite chuh, muot theilo a kaihthawh in um un tin uh; ei uh le sukdanglam in um vek tai tiu.

ISAI 27:13

Zie ni chuleh, Asuria leh Aigupta gama nawhdawka umte sap khawm kitna dingin, pengkun lopi tak chuh mût untin, tichun, hung khawm un tin, Jerusalem a Tang Thiengtho achun Lalpa chuh ho ta’n au.

SAM LEHKHABU THE PSALMS 150:3

Pêngkun gi’n amah chuh pakchau unla: Pêkgitkhuong leh kingkang in amah chuh pakchau un.

PAWTDAWKNA 30:16

Israel chate tatna man dangka chuh la’n na tin, kihona puon-In etkawlna dinga na mat ding ahi. Na hinnau tatna ding a Lalpa ma a Israel chate chuh hetzing ahih theihna ding un nanga dinga tatna chuh hi’n a,” ti’n a gen a.

KISIMNA 28:11

Na tha thak cheng leh Lalpa kawma hâlmang thilpiek na piek dinguh ahi. chun, bâwngchal tuoi nih, belamchal khat, belamnu sagih kum khata upa, demna bei na piek ding ahi.

1 SAMUEL 20:5

Chun, David chun Jonathan kawmah, “Ngaitie, zing hi tha thak hiding ahi a, lengpa kawma ankuong um tei ding ka hi a; ahih ziekin a ni thum ni nitâk lam chan gama kisel dingin chieh zaw’ng ka.

2 LENGTE 4:23

A pasal chun, “Bangati a, tuni khela a kawma chieh guo na hi? Tha thak la ahi nai puoh a, chawlhni Kut le ahi nai diek puoh ngâl a,” a ti a. Amahnu chun, “A khawk puoi,” a ti a.

JOSHUA 6:4

Chun, thiempu sagih in Thugawlh bawm masang lam ah belamchal ki pengkun sagih chawi untin, chun, a ni sagih ni chun khawpi chuh sagih vei kimvel suok un na tin uh, chun, thiempute’n pengkun chuh mût un au.

SAM LEHKHABU THE PSALMS 81:4

Israel a dingin dân ahi ngâl a, Jakob Pathien thuguot ahi.