KISIMNA 1:53 - PATHIEN LEKHABU THIENGTHO (BSI)

⁵³ Levi te vang chun, Israel chate chunga lungnatna a um lohna dingin, puon-In kimvela a zak dinguh ahi a, puon-In chuh a venbit dinguh ahi” ti’n ana gen ta ngâla.

KISIMNA 1:53 ပူးပေါင်းရင်းမြစ်များ

KISIMNA 16:46

Chun, Mosi’n Aron kawmah, “Na mei lâkna chawi inla, maichâm a pata mei a sung ah kawih inla; mei-âm chungah kawih in. Mipite kawmah chiehpih vak in, a mau a dingin sukthienthona siem in: Lalpa kawm a pat in lungnatna a hung pawt ahi; hi a lengpan ahi tai,” a ti a.

1 KHANGTHUBU 23:32

Lalpa umna puon-In etkawlte, Ho-In etkawlte, leh a unauteu Aron suonte hih dinga a guot takphawt uh hih dingte tawh ahi.

THIEMPUDANTE 10:6

Chun, Mosi chun Aron leh a chapate, Eleazar leh Ithamar te kawm achun, “Mithi sûn na hiu ui tih hetna dingin, na sam u chuh subuoh kiu unla, na puonteu le bawtthêk diek kiu in. Khutia chuh na hih u chun, thi ding na hiu a, Lalpa lungnat chuh mipite chunga hin um kha’na. Himahlele, Lalpa kawm apat a mei hung zieka thihna um hi, na suohpih uh Israel inkuon teu sûn vang chuh phal ahi.

KISIMNA 31:47

gancha sawmnga zel ah khat a la a, Lalpa thupiek bangin Lalpa puon-In enkawl Levi te a pie a.

KISIMNA 31:30

A kimkhat Israel chate chan lak apat chuh sawmnga lak a khat zel kawihchuom zel unla mihing lak apat, bâwng lak apat, sabiltung lak apat, belam guol lak apat, gan guol lak apat, ziehaw chuh Lalpa puon-In enkawl Levi te pie’n,” a ti a.

KISIMNA 8:19

Tia chuh, Israel chate thasanga kihona puon-In a na sem ding leh, Israel chate’n Mun thiengtho a hun naih uh lele a lak u a hipi alen lohna dingin, a vengbit dingin Israel chate lak apat in Levi te haw hi Aron leh a chapa te ka piek ahi,” ti’n.

2 TIMOTHE 4:2

Thu chuh gen ah, a hun inle, a hun lo in le, bawl zel ah; lungnem taka sinsak kawmin a mawhnau hetsak inla, gai inla, tîlkhoh ah.

JEREMIA 23:15

“Zieziekchun, thiemgaute chungchâng thu achun, Lalpa sepaihte Lalpa chun hiti hin a tii: Ngaitiem u! gamsai in hun vak ing ka ting, tui kha hun dâwn sak ding ka hi; Jerusalem thiemgaute kawm apat chun, gamsung pumpi ah Pathien khawksak lohna chuh a pawt ta ngâl a!”

JEREMIA 5:31

Thiemgaute chun lepchieh thu ngen a genlawk u a; thiempute chun la a thu thuu in vai a hawm u a; ka mite chun khutibang hih chuh a nawp lam uh ahi. Himahleh, a tâwp a hung tun tieng bangti’n na hih ta ding u le?

2 KHANGTHUBU 13:10

“Himahleh kei hawn vang, Lalpa ka Pathien uh na ka sem u a, amah chu ka nungngatsan puou hi, Aron suon a thiempute chun na a sem u a, Levi te chun a panpih uh ahi.

1 SAMUEL 6:19

Chun, Pathien bawm sung a et ziekun Bethsemesh khuo a mite chu a gawt lum a, alak uh a mi singnga leh sawmsagih hiel a gawt lum hi: Lalpa’n mipite chu a hah gawt bêk ziekin mite chu a kap u a.

KISIMNA 3:38

Chun, hobuk suoh lampang achun Mosi leh Aron leh a chapate chun puon-In zak untin, mun thiengtho a Israel chate dingin a mamawh taphawt uh sem un au. Pawlam mi a va naih taphawt chuh suklup ding ahi.

KISIMNA 1:50

Levi haw chuh ka umna puon-In a na sem ding leh, a matchâk chengcheng leh, zie a thil um chengcheng chuh enkawl dinga na guot zawk ding ahi; puon-In leh a matchâk chengcheng chuh zawn sek un tin, na sem untin, puon-In kimvel ah cheng un au.

KISIMNA 1:54

Khutibang chun, Israel chate’n a hih u a; Lalpa’n Mosi thu a piek guol chun a hih tau hi.

KISIMNA 2:17

Chun, kihona puon-In tawh Levi te giehbuk chuh a lailung apat hung kipandawk untin, Levi te chuh alai ah um un tin uh, a umna mun chiet u apat in, a lawi lawi in kipan dawk un au;

KISIMNA 3:23

Gershon suonte chun a puon-In u chuh hobuk tumlam pang achun a zak dinguh ahi.

KISIMNA 3:29

Kohath chapate haw chun hobuk simlam pang ah a puon-In uh a zak dinguh ahi.

KISIMNA 3:35

Merari suona inkuon lawiupa chuh Abihail chapa Zuriel ahi a; hobuk mâllam pang ah a puon-In uh a zak dinguh ahi.

KISIMNA 17:7

Khutichun, Mosi chun tiengkhut cheng chuh puon-In a Lalpa Thuthun kawihna bawm masang achun a kawih ta a.

KISIMNA 16:9

Lalpa hobuk a nasema, mipite masanga nasem dinga Israel chate, Pathien in amah naih dinga Israel mipite lak apat a a hun kawihchuom leh;

2 KHANGTHUBU 13:11

Amau chun zingkal leh nitâk cheng in Lalpa dingin hâlmang thilpiekte, gimlim te a hâl sek u a; dawhkân thiengtho chungah chângthâk thiengtho a kawih zel u a. Chuleh, sana thaumei kawihna a thaumei te nitâk lam chenga hâl dingin: Kei haw’n vang Lalpa ka Pathien uh thupiek chu ka zawp zing u a, himahleh, nang hawn vang amah chu na nungngatsan ui.