Chun, Joab chun mihing zah chu leng a pie a; chun, Israel gam achun chemzâm chawi thei chiet, mi hangsan nuoigiet a um a, Juda mi chu nuoinga a um u a.
Ziehaw bana achun, leng Amazia’n Juda te a samkhawm a, Juda leh Benjamin mi chengcheng, a inkuon uh bang zelin sang chunga lawiupate, za chunga lawiupate haw a siem a: chun, kum sawmnih apat achunglam cheng, tiengcha leh phaw mang thei, galdo thei teldawk mi nuoithum a ting u a.
Chun, chângthâk chawl sawhloh guolvak ni chuh na nit ding uh ahi, zie ni ngêi chun Aigupta gam apat in mipi haw chuh ka puidawk ngâla; zieziekchun na suonteu chan a kumkhuo thugawlh a um zing dingin zie ni chuh na nit ding uh ahi.
Kum sawmnih apat a chunglam kisimna laka tel dinga chieh, nuoigup leh sangthum leh zanga leh sawmnga te chuh mun thiengtho a sekel kipie sek tawbanga sim chun beka khat chiet (zie chuh sekel kimkhat ahi) pie tawbang ahiu hi.
“Israel chate kikhawm khawm haw cheng chuh kum sawmnih apat a chunglam, a pa inkuon bang zel in Israel gama galdo thei tieng cheng chuh sim suok un,” ti’n.
‘Aigupta gam apat a hung pawt, kum sawmnih apat a chunglam mi himhim chun Abraham te, Isak te, Jakob te kawm a kipautiema ka piek gam chuh kuoma’n mu puo’n au; ei zuih takloh ziek un:
Chun, zielai chun, “Lalpa na Pathien un zie gam hi na chan dingun a hun pie a, tuhin, na galkap miteu chengcheng chun kigalvan in na unauteu Israel te masanga chieh in a makai un pang u hen.