JOSHUA 9:25 - PATHIEN LEKHABU THIENGTHO (BSI)

²⁵ Tuhin ngaitie, na khut a um ka hiu a; na gel dân a pha leh dik a na het bang bang chun ka chunguh ahin hih zel mai in,” a tiu a.

JOSHUA 9:25 ပူးပေါင်းရင်းမြစ်များ

THILSIEMBUL 16:6

Himahleh, Abram chun Sarai kawmah, “Ngaiin, na suoknu chuh na khuta um ahi a puo; pha na sak bang takin a chungah hih in,” a ti a. Tichun, Sarai chun a sugimthei mah mah ta a, zieziekchun a taimang ta a.

JEREMIA 26:14

Kei chun, ngai un, na khut u a um ka hi a, dik leh pha na sak bangun ka chungah hin hih mai un.

VAIHAWMTE 10:15

Chun, Israel chate chun Lalpa kawmah, “Thil ka na hihkhiel tau hi; pha na sak bang in ka chung u ah hih mai in; ahi’n, tuni hin chuh lungsiet tak in kei uh ei hun hukdawk tei in,” a tiu a.

MATTHAI 11:26

A hi, hepa, zie tawbang hih chuh nang ngaih in a phai.

JEREMIA 38:5

Tichun, leng Zedekia chun, “Ngaitiem u, amah chuh na khut u ah a um a puo; leng in nang haw deihloh lam bangmah a hih ding ahi puoi,” a ti a.

ISAI 47:6

Ka mite chungah ka lungna ta a; Keia te hitalo bang khawp hielin ka bawl ta a; Na thuneihna nuoi ah ka hun pie a, nangin lungsietna himhim latsak lo in na um a, teksiete nasan chuh gilo takin namkawl gik tak na puok saka.

2 SAMUEL 24:14

Chun, David chun Gad kawmah, “Dinmun tizat-um tak mah ah ka ding a, ka lung a zing mah mah zieng a; Lalpa khut ah puklut phawt mai leng; a zahngaihna chu a nasa mah mah mai ngâla. Mihing khut achun vang ei puklut sak dah tei tei in,” a ti a.

1 SAMUEL 3:18

Chun, Samuel chun bangkim a hilh suok kêi a, a kawm achun bangmah îm a nei puoh a. Tichun, amah chun, “Lalpa ahi a, pha a sak dân dân in hih hen,” a ti a.

VAIHAWMTE 8:15

Chun Gideon chuh Sukkoth khuo a mite kawm achun a va chieh a, “Zebah leh Zalmuna chuh na man nai ngâl puou a, bang zieka na mite chuh chângthâk pie ding ka hiu em? nei tih khum vang vei u kha, En un zie hin a um tau hila!” a ti a.

JOSHUA 9:26

Khutichun a chungu ah hiti hin a hih ta a, Israel chate lak apan chun a hukdawk a, amau haw chuh a that ta puou a.

2 SAMUEL 15:26

amahvang chuh, ‘Na chungah kipahna him ka nei puoi,’ a tih chun ngaitie hiti mai hi ka hi a, pha a sak bang bangin ka chung ahin hih mai hen,” a ti a.

2 LENGTE 10:5

Tichun, leng insung lawiupa pente, khawpi vaihawmte, upate haw leh, leng suonte a na enkawlte chu tawh Jehu kawmah, “Na suokte ka hiu hi, hih dinga nei hilh takphawt chu hih zel ung kau, kuomah leng in siem puo’ng kau; nangin pha na sak bang bangin hihin,” ti’n mi a sawl u a.