JOSHUA 9:1 - PATHIEN LEKHABU THIENGTHO (BSI)

¹ Chun, hiti hi ahi a, Israel chate guolzawhna thu chuh Jordan gala leng haw chengcheng tâng gama te, phai gama te, Tuisuohgiet lien tak dung a chêng a Lebanon tienga um chengcheng te: Hit mite, Amor mite, Kanaan mite, Periz mite, Hiv mite, Jebus mite hawn a hun het u chun,

JOSHUA 9:1 ပူးပေါင်းရင်းမြစ်များ

KISIMNA 34:6

A tumlam pang achun Tuisuohgiet lien chuh a gamgi din chang un na tin, ziehi tumlam a na gamgiu hi’n a.

PAWTDAWKNA 3:17

Aigupta gama sukgimtheihna lak apat chun hun puidawk ing ka ting, Kanaan mite, Hit mite, Amor mite, Periz mite, Hiv mite, Jebus mite gam, bâwngnawi leh khuoizu a luong gam achun hun puilut ing ka,” tih ka tiem ta ngâl a.

JOSHUA 3:10

Pathien hing chuh na lak u ah a um hi tih na hetna dingun, na masang u ahin Kanaan mite, Hit mite, Girgash mite, Amor mite, leh Jebus mite hi nawhdawk teitei ding ahi tih he’n lau.

PAWTDAWKNA 23:23

Ka vânsâwlchâk chun na mau pui zel intin, Amor te, Hit te, Periz te, Kanaan te, Hiv te, Jebus te umna achun hun pui intin; amau haw chuh sumang kêi ing ka.

JOSHUA 24:11

Chun, Jordan lui na galkai u a, Jerikoh khuo na va tung u a; Jerikoh khuo a mite chun a hun na do u a. Amor te, Periz te, Kanaan te, Hit te, Girgash te, Hiv te, Jebus te kha tawh, tichun amau haw chuh na khut u ah ka pie ta a.

JOSHUA 23:4

Ngaitiem u, zie nam um nalaite hih, zie nam ka hihmang tâk haw chengcheng gam haw hi tawh, Jordan apat a ni tumna lam tuisuohgiet lien tieng hielin na chiteu gochan dingin ka hun hawp sak na hiu hi.

JOSHUA 22:7

Chun, Manasseh nam kimkhatte khah Mosi’n Bashan gam ah chanvo a pie a; a kimkhat dangte vang chuh Joshua’n tumlam pang Jordan gal ah a suohpih teu lak ah chanvo a pie zaw a. Chun, Joshua’n a in lam uh a a chiehsak ding lai khan a vangsak a,

JOSHUA 22:4

Lalpa na Pathien un a kawmuh a a na gen tâk bang khan, na suohpih teu hi chawlhdamna a na pie ta a; zieziekchun, Lalpa suok Mosi’n Jordan gal suohlam a na chanvo ding u a gam a hun piek nau, na In lam hawu achun chieh kit tau in.

JOSHUA 15:12

Chun, tumlam pang gamgi chuh Tuisuohgiet lien tak leh a phai cheng chuh ahi a. Zie gamgi tieng chuh ahi Juda suonte dinga a inkuon dungzui zel a a piek chuh.

JOSHUA 13:5

Chun, Gebal mite gam leh nisuohna lam Lebanon gam chengcheng, Hermon tâng nuoi Baal-gad apat a Hamath khuo lutna tiengin.

JOSHUA 11:17

Seir tâng hun sun Halak tâng apat a Hermon tâng nuoi a Lebanon guom a Baal-gad tiengin; a lengteu chengcheng chuh a man a, a that suok ta a.

JOSHUA 10:23

Khutichun kawlpûk kawt chuh a hawng u a, leng ngate, Jerusalem leng, Hebron leng, Jarmuth leng, Lakish leng leh Eglon leng haw chuh kawlpûk apat chun a hun puidawk u a.

JOSHUA 5:1

Chun, hiti hi ahi a, Jordan lui gal tumlam a um Amor lengte chengcheng leh tuipi panga um Kanaan te lengte chengcheng chun a kaih macheng u chun Lalpa’n Jordan tui haw chuh Israel chate masang achun a hihkang hi tih a na het un, Israel chate ziek chun a lunggilteu a tui zo ta a, lungkie lo himhim a um ta puou hi.

JOSHUA 3:17

Chun, Israel te chengcheng chun lei hul chung a hawh u a, mipite chengcheng chuh Jordan lui a kaih suok macheng u chun, Lalpa thugawlh bawm zawn thiempute chuh Jordan lui lailung tak a chun a ding zing tau a.

JOSHUA 1:15

Lalpa’n na suohpih teu chuh nangmau haw bang mah a chawlhna a piek a, Lalpa na Pathien un gam a piek chuh a mau inle a luoh macheng un; tichun Lalpa suok Mosi’n Jordan lui gâl, ni suohna gam lam na chanvo u a a hun na pieknau lam achun vaikit un na tin, na luoh dinguh hi’n a,” ti’n a gen a.

JOSHUA 1:4

Gamthip apat leh Lebanon tâng apat a Euphrates luipi tiengin, Hit te gam chengcheng, ni tumna lam tuisuohgiet lien tak tiengin na gamgiu hi’n a.

DAN NIHNA 7:1

“Lalpa na Pathien un va luoh dinga na chiehnau gam chuh a hun puih tunga, nam tamtak, Hit te, Girgash te, Amor te, Kanaan te, Periz te, Hiv te leh Jebus te, nang u sanga thupi zaw leh thilhih thei zaw nam sagihte chuh na masang u a a nawhdawk tieng leh;

DAN NIHNA 4:49

Chun, Jordan gâl suohlam panga Arabah chengcheng leh simlam Tuipi Thi chanin, chun, suohlam a Pisgah tâng kên kai chan ahi.

DAN NIHNA 3:25

Ei galkaih sak ngâl ngâl inla Jordan khel lama gam phatak leh, zie tâng hawihtak leh Lebanon ngêi chuh ei muhsak teitei uo,” ti’n.

PAWTDAWKNA 34:11

Tuni a ka hun thupiek ding hi pawm in, na masang achun Amor te, Kanaan te, Hit te, Periz te, Hiv te, Jebus te nawhdawk ing ka.

PAWTDAWKNA 23:31

Na gamgiu chuh Tuipi San apat a Philistia tuipi chanin, chun gamgaw apat a Euphrates lui chanin hun zam sak ing ka: zie gam a um haw chuh na khut u a hun pie ding ka hi ngâl a; tichun amau haw chuh na nawhdawk ding uh ahi.

KISIMNA 13:29

A simlam achun Amalek te a cheng u a, thingtâng gam achun Hit mite, Jebus mite, Amor te haw chuh a cheng u a; chun, Kanaan mite chuh tuisuohgiet pang leh Jordan luidung ah a cheng ui,” ti’n a hilh u a.

JOSHUA 6:27

Khutichun Lalpa chuh Joshua kawmah a um a; chun, a gam pumpi achun a min a hung thang ta a.

JOSHUA 9:7

Himahleh Israel te chun Hiv mite kawm achun, “Kei uh haw laka chêng a na hi khatto unlau; bangti’n na kawm u ah thugawlh ka siem thei ding um?” a tiu a.

DAN NIHNA 1:7

Kisau inla, kichawn unla, Amor te tâng gam leh a kimvela gam um chengcheng, Arabah ah, tâng gam haw leh phaigam haw ah, simlam gam haw leh Kanaan mite umna Mediterranean Tuipi pang haw leh Lebanon ah, lui lien tak, Euphrates luipi chanin, chieh zel un.

2 SAMUEL 24:7

Chun, simlam a Tura khawpi kulh nei haw achun a chieh uh a, Hiv te khawpi haw leh Kanaan te khawpi haw a chieh pek in, a tâwp chun Juda simlam panga Beerseba chu a tung tau hi.