JOSHUA 8:8 - PATHIEN LEKHABU THIENGTHO (BSI)

⁸ Chun, hiti hi hi’n tin, khawpi chuh na lak tieng u leh, khawpi chuh hâl un; Lalpa’n thu a hun piek bang zelin na hih dinguh ahi. Ngaiun, thu ka hun piek na hiu hi,” ti’n thu a pie a.

JOSHUA 8:8 ပူးပေါင်းရင်းမြစ်များ

2 SAMUEL 13:28

Chun, Absalom chun a suokte chu, “Ngaitiem u, Amnon chu uain dawna a lunggil a tai lai leh na kawm u ah, ‘Amnon chu that un,’ ka hun tih chun, that zieng unla, lau kiu in, thu ka hun piek uh hita lo ahim? Kihih hangsan unla, kipasalphat sak un,” ti’n thu a pie a.

JOSHUA 1:16

Chun, amau chun Joshua kawmah, “Hih dinga thu nei piek chengcheng chuh hih zel ing ka tingun, chun, nei sawlna cheng ale chieh zel ung kau.

JOSHUA 1:9

Thu ka hun pie hilo maw? Hattak leh hangsan takin um in; lau ki’n la, lungkie diek ki’n: Lalpa na Pathien chuh na chiehna tak ah na kawma um zel ding ahi,” ti’n a gen a.

VAIHAWMTE 4:6

Chun, Kadesh-naphtali gama Abinoam chapa Barak chuh a vak thuthak a, a kawmah, “Lalpa Israel Pathien in, ‘Tabor tângah va chieh inla, Naphtali suonte leh Zebulun suonte singkhat puikhawm in.

JOSHUA 8:28

Khutichun Joshua’n Ai khuo chuh a hâl a, kumlekhuo a dingin a sumang ta a. Tuni tiengin zie guol mah chun a um den tai.

JOSHUA 6:24

Tichun, khawpi chuh a sunga thil um chengcheng pum in mei in a hâltum u a; dangkaguo haw, sana haw, sumeng haw leh thik bel haw mai chuh Lalpa sumbawm ah a kawih tau hi.

DAN NIHNA 20:16

“Ahih ziekin, Lalpa na Pathien un luoh dinga a hun piek gama namte khawpi sunga hinna nei taphawt chuh, Lalpa na Pathien un thu a hun piek guolin, bangmah na hinhawih loh dinguh ahi.

JOSHUA 8:2

Jerikoh leh a lengpau chunga na hih bang khan Ai khuo leh a lengpau chung ah le na hih ding ahi; gâllâk leh ganchate mai chuh nanguh haw chan hi’n tin; khawpi chânggu ding a nung lam ah kawih in,” a ti a.

JOSHUA 8:7

Chun, na chân guknau apat hung pawt un na tin, khawpi chuh la ding na hiu hi; Lalpa na Pathien un na khut u ah hun pie ding ahi.

JOSHUA 8:9

Khutichun Joshua’n a sawldawk ta a, a chân gukna ding mun achun a chieh u a, Ai khuo tumlamah Bethel leh Ai khuo kikal achun a ngak tau a, Joshua chu vang zie zan chun mipite lak achun a giek hi.

JOSHUA 8:22

Chun, khawpi sunga Israel chate um haw chuh a hung pawt u a, a hung do pih tau a. Khutichun Ai mite chuh a lai tak ah ûmchintuoh in a um tau a, abang a langkhat ah a um u a, abang a lehlam ah; tichun a that tau a, khat chale sit leh thahdawk mawngmawng a nei puou hi.

JOSHUA 8:13

Khutichun khawpi mâllam panga sepaihte panmun leh khawpi tumlam panga a chânggute panmun chuh a guo tûp a; chun, Joshua chuh zie zan chun guom achun a giek a.