JOSHUA 8:31 - PATHIEN LEKHABU THIENGTHO (BSI)

³¹ Mosi dân lehkhabu a zik bangin Lalpa suok Mosi’n Israel chate thu a na pieksa bangin, suong sêk loh, kuomah in thik ale a sukkhak ngeiloh mang in maichâm a siem a; zie tak achun Lalpa a dingin hâlmang thillat haw a lân a, chamna kithawihna’n a kithawi u a.

JOSHUA 8:31 ပူးပေါင်းရင်းမြစ်များ

2 KHANGTHUBU 35:12

Mosi lehkhabu a kizik banga, a inkuon uh kikhen dân bang zel a Lalpa kawm a a lat theihna ding un, hâlmang thillat ding chu a lân u a.

JOSHUA 1:8

Zie Dan bu hin na kam chuh pawtsan hiel kihen; zie thu kizik chengcheng chuh na zawp theihna dingin sun leh zan a na ngaihtuoh zawk ding ahi; tichun na lampi haw chuh hih zang zel in na tin, hung lawhting zel ding na hi.

PAWTDAWKNA 24:5

Zie chun, Israel chate laka tangval haw chuh a sawl a, ziehaw chun Lalpa dingin hâlmang thilpiek haw a pieu a, chamna thillat dingin bâwngchal haw chun a kithawi u a.

PAWTDAWKNA 18:12

Chun, Mosi puzawn Jethro chun hâlmang thilpiek leh Pathien dinga kithawihna ding a va la a; Aron leh Israel upate chengcheng chuh Mosi puzawnpa kawm achun Pathien hona chângthâk thiengtho ne dingin a chieh u a.

MATTHAI 12:26

Zieziekchun, Setan in Setan mah a delh dawk chun amah leh amah kido ahi a, a gam chuh bangti’n a a dindawk ding?

NEHEMIA 13:1

Chun, zie ni chun mipite zak in Mosi lehkhabu chuh ngeih takin a sim u a, zie chun Amon te leh Moab te chuh Pathien mite kikhawpna achun bangtik lai inle a tel loh dinguh ahi, tih a kizik a.

EZRA 6:18

Khutichun, Mosi lehkhabu a kizik bangin Jerusalem a Pathien nasem ding chun thiempute leh Levi te chuh a pawl pawl in a kawih u a.

2 KHANGTHUBU 25:4

Himahleh a chateu chu a that puoh a, Mosi dân a kizik, “Chate ziekin pate a thih ding uh a hi puoh a, pate ziekin chate le a thih ding uh a hi diek puoi, mitin amah gitloh ziekin a thih dinguh ahi,” ti a Lalpa’n thu a piek bang khan a hih a.

2 LENGTE 22:8

Chun, thiempu lalpen Hilkiah chun lehkhazikpa Shaphan kawmah, “Lalpa In ah Dan lehkhabu chu ka mudawk tai,” a ti a. Chun, Hilkiah chun lehkhabu chu Shaphan a pie a, amah chun a sim ta a.

2 LENGTE 14:6

Himahleh, a chateu vang chuh a that puoi. Mosi dân lehkhabu a Lalpa thupiek: “Chate thil sukkhelh zieka nu leh pate chu thah ding ahi puoh a, chate chu, nu leh pate thil sukkhelh ziekin thah ding ahi diek puoi; mitin, amau thil sukkhelh zieka thi ding ahiu ui,” tih chu a zawp ziekin.

DAN NIHNA 27:2

Lalpa na Pathien un gam a hun pieka chuh chieh dinga Jordan lui na kaih niu chuleh hiti hi hi’n tin, suong lien taktak phut in na tin un, suong rawng a na zut nâm dinguh ahi a;

DAN NIHNA 27:8

Chun, suonghaw chung achun zie dân thu chengcheng hi kichien taka na zik dinguh ahi,” ti’n thu a pieu a.