JOSHUA 8:28 - PATHIEN LEKHABU THIENGTHO (BSI)

²⁸ Khutichun Joshua’n Ai khuo chuh a hâl a, kumlekhuo a dingin a sumang ta a. Tuni tiengin zie guol mah chun a um den tai.

JOSHUA 8:28 ပူးပေါင်းရင်းမြစ်များ

DAN NIHNA 13:16

Chun, gâllâk thil chengcheng chuh khawlai mun âwng ah lakhawm unla, khawpi leh gâllâk thil chengcheng chuh Lalpa na Pathien u a dingin hâlmang thilpiek in mei in hâltum un; kumkhuo’n thilsie’n um intin, tundin kit hita puo’n a.

MIKA 3:12

Zieziekchun, nang haw ziekin Zion chuh lo lei guola kalh hi’n tin; Jerusalem chuh thilsie kawihkhâwm guolin um ina. Chun, Ho-In umna tâng chuh gammâng hungsuok ina.

JEREMIA 50:26

Gam gi ning tin apat chun hun do unla, a go kawihkhawmna in haw chuh hawng vek unla, susie vek unla, bangmah sit kiu in.

JEREMIA 49:2

Zieziekchun, ngaitiem u, nite chuh a hung tung hi tih hi Lalpa kamsuok ahi. Kido thawm zak sak ing ka ting, Amon chate Rabbah chung achun, khutichun, thil sie umkhawm bang mai hung hi ding ahi, a khuo teu chuh mei in ka’n tin; tichun Israel chun amah neitu chuh nei thuk ina, Lalpa’n a tii.

JEREMIA 9:11

“Chun, Jerusalem chuh thilsie kawihkhâwm bang mai in siem ing ka ting; si-âlte chênna mun hi’n a. Juda khawpite chuh luoh loh in suhawm ing ka,” a ti a.

ISAI 25:2

Khawpite chuh leisai kawih vum maimai na suoh saka; kulhpi nei khuo le khuo sie nung na suok sak veka; gamdang mite leng In le bangmah lo na suok saka, bangmah tika sakkit hita puo’n a.

ISAI 17:1

Ngaitiem u, Damaska chuh khawpi hitalo dingin lâkmang ahi tai, tichun, thilsie umkhawm lemlum bang mai hi ta’n a.

2 LENGTE 19:25

“Ziehaw chengcheng chu, malai pek a ka phuh ei tai tih, helo na him? Tuhin, ka kiko dawk ta ahi! Khawpi kulh neite chu, suongchang kisiekhawm bang hiela susie thei dingin thilhih theihna ka hun pie a.

JOSHUA 4:9

Chun, thugawlh bawm zawn thiempute dinna lai tak, Jordan lui lai achun Joshua’n suong sawmlenih a phut a; ziehaw chuh tuni tiengin a um zing nalai hi.

JOSHUA 8:29

Chun, a lengpa chuh nitâk tiengin thinglek ah a khâi a. Ni tum ding kuon in Joshua’n thu a pie a, tichun a luong chuh thinglek apat a lathau a, khawpi kulh kawtkhak lutna ah a paih u a. A chung achun suong a sieh vum u chuh tuni tieng in a um nalai hi.

DAN NIHNA 13:17

Zie hansie lawh sa thil haw chuh khat le na khawih loh dinguh ahi; Lalpa chun a lungnatna nasatak chuh haihsan intin, zahngaihna hun muhsak intin, hun lungsiet intin,