JOSHUA 8:22 - PATHIEN LEKHABU THIENGTHO (BSI)

²² Chun, khawpi sunga Israel chate um haw chuh a hung pawt u a, a hung do pih tau a. Khutichun Ai mite chuh a lai tak ah ûmchintuoh in a um tau a, abang a langkhat ah a um u a, abang a lehlam ah; tichun a that tau a, khat chale sit leh thahdawk mawngmawng a nei puou hi.

JOSHUA 8:22 ပူးပေါင်းရင်းမြစ်များ

DAN NIHNA 7:2

Lalpa na Pathien un amau chuh na khut u a a hun pieka na zawh tiengu leh na sukmangthai suok kêi dinguh ahi; amau haw chuh tawh thu na thun dinguh ahi puoh a, a chungu ale na zahngaih dinguh ahi puoi;

1 THESSALONIKA 5:3

“Muonna leh bitna” ti a a gen lai tak uh leh, numei nauhanat bangin, phulo-halo in, manthaina a chungu ah hungtung intin; suokcha hiel puo’n au.

JOB LEHKHABU THE BOOK OF JOB 20:5

“Mi nunsiete zawhna chuh a chawm sek a, Pathien helote kipahna chu le mitphetkal mai ahi,” tih hi.

JOSHUA 10:28

Chun, Joshua’n zie ni chun Makedah chuh a la a, a lengpau pum in chemzâm in a that a: zie khuo a um chengcheng te chu tawh a satlum suok kêi a, khat chale sît a nei hiel puoi; tichun Jerikoh khuo leng chunga a hih bang mah khan Makedah khuo leng chung ale a hih ta a.

JOSHUA 6:21

Chun, khawpi sunga mi chengcheng, numei leh pasal, a têk a khang leh bâwngchal haw, belam haw, sabiltung haw tawh chemzâm in a that suok kêi u a.

JOSHUA 8:8

Chun, hiti hi hi’n tin, khawpi chuh na lak tieng u leh, khawpi chuh hâl un; Lalpa’n thu a hun piek bang zelin na hih dinguh ahi. Ngaiun, thu ka hun piek na hiu hi,” ti’n thu a pie a.

JOSHUA 8:21

Joshua leh Israel te chengcheng a chânggute’n khawpi a lâk u a, khawpi a meikhu chieh to vuohvuoh a vak muh u chun a vaikit u a, Ai khuo mite chuh a that tau a.

JOSHUA 8:23

Chun, Ai khuo lengpa chuh a hing in a man u a, Joshua kawmah a pui u a.