JOSHUA 8:20 - PATHIEN LEKHABU THIENGTHO (BSI)

²⁰ Chun, Ai khuo mite’n a nung lam u chuh a vak et u leh, ngaitie khawpi chuh meikhu van lama khu to vuohvuoh in a mu tau a, a khawilam lam ale taih theihna a nei ta puou a;

JOSHUA 8:20 ပူးပေါင်းရင်းမြစ်များ

THUPHUON 19:3

Chun, “Halleluia! Zie khawpi lopi tak kangtum, meikuong apat meikhu chuh kumkhuo’n chieh to ina!” ti’n a kiko kit uh a.

THUPHUON 18:9

Chun, leia lengte, a kideihchakpih sekte leh, a nuomsak bawlpih sekte chun, a kang khu chuh a muh tiengu le chuh,

ISAI 34:10

A sun a zan in mit ni um ta puo’n tin, a meikhu chuh kumlekhuo’n chieh to vutvut ina, A kum a kum in a gam chuh sie deuh deuh intin, kumlekhuo’n, kuoma’n, a gam chuh hawh ta puo’n au.

SAM LEHKHABU THE PSALMS 76:5

Pasalpha haw chuh buluh in a um u a, a ih u chu a ip den tau hi; Mihat haw le kuomah khuttha thei a um ta puou hi.

JOB LEHKHABU THE BOOK OF JOB 11:20

Mahleh, mi dukdaklo mit chuh lawhsam intin, Taihdawk na lampi himhim nei puo’n au, A kinepnau tawppen chuh thihna hungtung ding chuh ahi.

THILSIEMBUL 19:28

Tichun, Sodom leh Gomorra leh phaicham lam cheng chuh a thîl a, a en zinga; ngaiin, zie gama meikhu chuh hâltuina meikhu bang mai in a khuto vuohvuoh maia.

JOSHUA 8:19

Chun, a chânggute khah a umnau apat chun kintakin a hung pawt u a, a khut uh a hun tung u a, khawpi achun a lut u a, a la tau a; chun khawpi chuh a hâl pai tau hi.

JOSHUA 8:21

Joshua leh Israel te chengcheng a chânggute’n khawpi a lâk u a, khawpi a meikhu chieh to vuohvuoh a vak muh u chun a vaikit u a, Ai khuo mite chuh a that tau a.

VAIHAWMTE 20:38

Israel chate a gûka châng pang haw chun a kitiem bangun khawpi chung zawna meikhu a muh tieng u leh kido dinga taihdawk ding tih ahi.

VAIHAWMTE 20:40

Himahlele, khawpi sung apat a mei a hung khut dawk vuohvuoh phet chun Benjamin suonte chuh a kinunghêi u a; tichun, khawpi chung zawna chun meikhu chuh van lam ah a kitung to nguohnguoh mai ta a.

VAIHAWMTE 20:41

Tichun; Israel chate chuh a hung kihei phet u chun, Benjamin suonte chun lamdang a sau a; a chung u a thil phalo hung tung ding ahi tih a he tau a.