JOSHUA 8:2 - PATHIEN LEKHABU THIENGTHO (BSI)

² Jerikoh leh a lengpau chunga na hih bang khan Ai khuo leh a lengpau chung ah le na hih ding ahi; gâllâk leh ganchate mai chuh nanguh haw chan hi’n tin; khawpi chânggu ding a nung lam ah kawih in,” a ti a.

JOSHUA 8:2 ပူးပေါင်းရင်းမြစ်များ

DAN NIHNA 20:14

Ahih ziekin numei leh naupang, gancha leh khaw sunga thil um chengcheng chuh gâllâk thil chengcheng tawh, nang u ding ahi; Lalpa na Pathien un a hun piek gâllâk thil chengcheng chuh na chan dinguh ahi.

THUCHINGTE 13:22

Mi pha chun a tute chana dingin go a nusieh sek a, himahleh, mi gilote hauhsakna vang chuh mi dikte dinga khawlkhawm ahi.

2 KHANGTHUBU 20:22

Chun, la a hun pan u a, pahchakna la a sak phet u chun, Amon suonte, Moab suonte leh Seir tânga mite, Juda te do dinga hung kipante chuh a lambut dingin Lalpa’n ana kawih a, tichun, a that chimit tau hi.

JOSHUA 6:21

Chun, khawpi sunga mi chengcheng, numei leh pasal, a têk a khang leh bâwngchal haw, belam haw, sabiltung haw tawh chemzâm in a that suok kêi u a.

JEREMIA 51:12

Babulon khawpi do na’n puonzak tâk dawk un la, gâlven na hih hat un, gâl veng ding kawih un; lambut na ding siem unla; Babulon chungchâng thu a Lalpa’n a gen kha a ngaihtuoh a, a hih zo ta ngâla.

JEREMIA 17:11

Mi, diklo taka hung hausa chuh, vasie, amah tui hilo awpkêu tawbang a hi a, ziehaw chun a damsung ngêi in amah chuh nusieh intin, a tâwp leh mingawl hung hi mai ina.

THUCHINGTE 28:20

Mi ginum chun vangsakna chang intin; himahleh, kintaka hauhsak guo vang chuh gawt loh in um puo’n a.

SAM LEHKHABU THE PSALMS 39:6

Mitin hi lim tawbang phet ahiu a: Selah. A buoi thâwn mah mah chiet ui; Go a khawlkhawm sek u a, a luoh ding a he puoh ngâl u a.

2 KHANGTHUBU 13:13

Chun, zielai chun, Jeroboam chun a sepaih khenkhat chu Juda sepaih te na lambut ding chun nung lam ah a sawl a, a dangte chun malam ah a do u a.

JOSHUA 10:28

Chun, Joshua’n zie ni chun Makedah chuh a la a, a lengpau pum in chemzâm in a that a: zie khuo a um chengcheng te chu tawh a satlum suok kêi a, khat chale sît a nei hiel puoi; tichun Jerikoh khuo leng chunga a hih bang mah khan Makedah khuo leng chung ale a hih ta a.

JOSHUA 10:1

Chun, hiti hi ahi a, Jerusalem leng Adoni-zedek chun Joshua’n Jerikoh leh a leng uh chunga a hih guolin Ai khuo leh a lengte le zo in a that vek hi tih chuh a na he ta a. Gibeon mite’n le Israel chate tawh kichamna siem in a laku ah a chêng ui tih thu le a he ta a.

JOSHUA 8:24

Chun hiti hi ahi a, Israel te chun Ai khuo mite gamlak a um chengcheng chuh gamthip lama a va delh nau a a thah zawh u a, a bawn u a chemzâm a a thah chimit suok nung u chun, Israel te chengcheng chuh Ai khuo lam ah a vaikit u a, chemzâm in a va do u a.

JOSHUA 8:19

Chun, a chânggute khah a umnau apat chun kintakin a hung pawt u a, a khut uh a hun tung u a, khawpi achun a lut u a, a la tau a; chun khawpi chuh a hâl pai tau hi.

JOSHUA 8:14

Chun, Ai khuo lengpa chun Joshua leh a mite chuh a muh phetin kinlebuong in zingkal matak in a tho a, zie khawpi mite chuh amah leh a lawite chengcheng tawh, a mun guot Arabah zawn achun Israel te do dingin a pawt tau a, himahlele khawpi nung lam achun amah do dingin a chângguu hi tih a he puou a.

JOSHUA 8:12

Chun, mi sangnga vel a pui a, khawpi tumlam pang Bethel leh Ai khuo kikal achun a chân gûk sak a.

JOSHUA 8:9

Khutichun Joshua’n a sawldawk ta a, a chân gukna ding mun achun a chieh u a, Ai khuo tumlamah Bethel leh Ai khuo kikal achun a ngak tau a, Joshua chu vang zie zan chun mipite lak achun a giek hi.

JOSHUA 8:7

Chun, na chân guknau apat hung pawt un na tin, khawpi chuh la ding na hiu hi; Lalpa na Pathien un na khut u ah hun pie ding ahi.

DAN NIHNA 3:2

Chun, Lalpa’n ka kawmah, “Amah chuh lau ki’n, amah leh a mite chengcheng leh a gam chuh na khuta hun pie ding ka hi; Heshbon a um Amor te lengpa Sihon chunga na hih guol khan amah chunga hin le hih in,” a ti a.

JOSHUA 8:3

Khutichun Joshua leh galdo mi chengcheng chuh Ai khuo lama chieh ding chun a kipandawk tau a; Joshua chun, mihat hangsan singthum a teldawk a, zan in a sawldawk ta a.

JOSHUA 8:8

Chun, hiti hi hi’n tin, khawpi chuh na lak tieng u leh, khawpi chuh hâl un; Lalpa’n thu a hun piek bang zelin na hih dinguh ahi. Ngaiun, thu ka hun piek na hiu hi,” ti’n thu a pie a.

DAN NIHNA 2:35

I khuo lâk hawu a I thuomphuo lâk hawu leh I gancha lâk hawu chauh chuh I kilak uh ahi kha.

JOSHUA 9:3

Himahleh, Gibeon khuo a um Hiv mite chun Joshua’n Jerikoh khuo leh Ai khuo a a thilhih dân a hun het u chun;

JOSHUA 11:14

Chun, zie khawpi a a gâllâk hawu chengcheng leh gancha haw chuh Israel chate chun amau haw chanvo dingin a kilak u a; mihiem haw chu vang a thah suok kêi macheng un chemzâm in a that zel u a, khatchale a hing hawih uh a um puoi.