JOSHUA 8:1 - PATHIEN LEKHABU THIENGTHO (BSI)

¹ Chun, Lalpa’n Joshua kawmah, “Lau ki’n la, lungkie diek ki’n, galdo mi chengcheng na kawmah pui inla, kipan inla, Ai khuo ah chieh ah; Ai khuo lengpa leh a mite leh a khuo leh a gam chuh na khut ah ka hun pie tai.

JOSHUA 8:1 ပူးပေါင်းရင်းမြစ်များ

SAM LEHKHABU THE PSALMS 27:1

Lalpa chuh ka vak leh ka hukdamna ahi; kuo ahi ka kihchak ding? Lalpa chuh ka hinna insang ahi; kuo ahi ka lauh ding?

SAM LEHKHABU THE PSALMS 44:3

Gam hi amauhawn chemzâma a zawh uh ahi puoh a, Amau haw khuta guolzo ahi diek puou: himahleh, a chung u a na kipâk ziekin na khut changlam leh, na bân leh, na melvak in ahi zawi.

SAM LEHKHABU THE PSALMS 46:11

Sepaihte Lalpa chuh ka kawmah a um a; Jakob Pathien chuh I kulh insang uh ahi. Selah

ISAI 12:2

Ngaitie, Pathien chuh ka hukdamna ahi a, Amah taksang ing ka ting, lau puo’ng ka. Jehovah chuh ka hatna leh ka thilhih theihna ahi a, amah chuh ka hukdamna ahung hi tai, ti’n ahi.

ISAI 43:2

Tuite na palkaih tieng u leh, kei na kawm u ah um ing ka ting; luipite na palkaih tieng uh lele, na buoinau chun hun chup puo’n a. Mei a na chiehpai tieng u lele, hun katum puo’n tin, meikuong in hun ka diek puo’n a.

JEREMIA 46:27

“Aw ka suok Jakob, lau ki’n la, lung le lungthuoi diek ki’n; Aw Israel, Ngaiin, gamla tak apat in hun hukdam ding ka hi ngâla, Na suonte chule a saltannau apat chun; Jakob chuh hung vaikit intin, muong takin um hiet hiet intin; Kuoma’n sulau kit ta puo’n au.

JEREMIA 49:3

Aw Heshbon, hahpi’n kap inla, Ai chuh a susie zo ta ngâl u a; Rabbah chate haw kap un, saidippuon silh unla, kap unla, a dai sung haw achun taiviel un. Milkom chuh sala puih a um ding ahi ngâla, a thiempute leh a miliente tawh.

DANIEL 2:21

Hunte leh hunbite a hih lamdang a; lengte a chawnmanga, lengte a tungding a: Miching kawmah chitna leh hetthiemna a pie a.

DANIEL 4:25

Chungnung pên pa chun mihingte lalna gam ah thu a nei a, a deihsak taphawtte a pie sek hi tih na het ma chengin, mihingte lak apat nawhdawkin um in na tin, gamsate lak ah um inla. Tichun, kum sagih sung bâwngchal banga hampa peh sak in um na tin, van daitui in hun chap chek ding ahi.

DANIEL 4:35

Chun, leichung luoh cheng chengte hi bangmahlo a ngaih ahiu a; Vana vânsâwlchâkte leh lei chunga mi chengcheng hi, a thuneihna nuoia um vek ahi ngâl a. A thilhihte kuoma’n a nang thei puoh a, bangmah a gen thei diek puou hi.

MATTHAI 8:26

Isu’n a kawm u ah, “Taksan tawm te haw, bang dinga lau na hiu hi?” a ti a. Zie nung chun a tho a, huih leh dîl chuh a gai a; tichun a hai kêi zieng ta a.

DAN NIHNA 1:21

Ngaitiem u, Lalpa na Pathien un gam chuh a hun pie chienkei ta a; chieh to unla, Lalpa na pileputeu Pathien in a na gen tâk guol khan va luoh un; lau kiu inla, lungkie hiel kiu in,” ka ti a.

DAN NIHNA 31:8

Chun, nanguh hun puipa chuh Lalpa ahi a, hun umpih zing intin, hun nusieh ngei puo’n tin, hun thahtham ngei puo’n a; lau ki’n la, lungkie hiel ki’n,” a ti a.

DAN NIHNA 7:18

Amau chuh lau kiu inla; Lalpa na Pathien un Pharaoh leh Aigupta mite chengcheng chunga a thilhih haw kha heu in,

DAN NIHNA 7:21

Amau chuh na lauh dinguh ahi puoi; Lalpa na Pathien uh, Pathien lauh-um tak leh thupi tak chuh na laku ah a um ngâla.

JOSHUA 1:9

Thu ka hun pie hilo maw? Hattak leh hangsan takin um in; lau ki’n la, lungkie diek ki’n: Lalpa na Pathien chuh na chiehna tak ah na kawma um zel ding ahi,” ti’n a gen a.

JOSHUA 10:7

Khutichun Joshua leh a kawma galdo mi chengcheng te leh mihat hangsan haw chengcheng chuh Gilgal apan chun a va chieh to tau a.

JOSHUA 10:8

Chun, Lalpa’n Joshua kawmah, “Amau chuh kihcha hiel ki’n, na khut ah ka pie tai; a lak uh a mi kuomah na ma a ding thei um hiel puo’n au,” a ti a.

JOSHUA 2:24

Chun, Joshua kawm achun, “Lalpa’n a gam pumpi chuh I khut u ah a pie kêi nai; zie mai chuh ahi puoh a, zie gam a chêngte chengcheng chun ei lau in I masang u ah a tuitha zo tau hi,” a tiu a.

JOSHUA 6:2

Chun, Lalpa’n Joshua kawmah, “Entie, Jerikoh leh a lengpau leh a mihat hangsante hi na khut ah ka hun pie tai.

JOSHUA 7:9

Kanaan te leh zie gama um chengcheng te hin heu untin, ei hun ûm untin, lei apat hin ka min uh hihmang kei ding ahiu hi; na min lopi tak hi bangti’n na hih ta die?” a ti a.