JOSHUA 7:26 - PATHIEN LEKHABU THIENGTHO (BSI)

²⁶ Chun, a chung achun suong a tieng vum u a, tuni tiengin a um nalai hi; chun Lalpa’n a lungnatna nasatak chuh a kiheisan ta a, khutichun zie mun min ding chun Akor guom a tiu a, tuni tieng hin Akor guom tih ahi tai.

JOSHUA 7:26 ပူးပေါင်းရင်းမြစ်များ

2 SAMUEL 18:17

Tichun, Absalom luong chu a lau a, gammânga kawkhuk thuk tak achun a paih tau a, a chung achun suong a sevum velvul u a; tichun Israel mite chengcheng chu amau puon-In lam chietah a chieh kit tau a.

2 SAMUEL 21:14

Chun, Saul guhte leh a chapa Jonathan guhte chu Benjamin gama Zeiah khuo achun a pa Kish thân ah a vui u a; chun, leng thupiek bang zel chun a hih u a. Chun, zie nung chun zie gam chunga dinga mite pauchamna chu Pathien in a dâwng ta a.

2 KHANGTHUBU 29:10

“Tuhin, zie lungnatna nasatak chu a beih theihna dingin Lalpa Israel te Pathien kawmah thuthun ka guot ahi.

EZRA 10:14

Tuhin, mipite thasang dingin ka lawiupa teu guot hi hen la, I Pathien uh lungnat na’n ei taihsan a, zie thu hi sukbeih a hih masang sieh; I khawpi teu a nam dang numei zi a neite a dingin hunbi guot saka, khawpi chenga upate tawh, a vaihawm teu cheng tawh hung khawm u hen, a tiu a.

SAM LEHKHABU THE PSALMS 85:4

Aw ka hukdamnau Pathien, kei uh ei tungding kitin, Ka chung u ah na lungnatna chuh kawih mang in.

PAWTDAWKNA 32:12

Bang zieka Aigupta mite’n, ‘Amau dinga phalo ding leh, tânga thah ding leh, leichung apat a sukmangthai vek dinga a puihdawk ahi,’ a hun tih ding uh? Na lungnatna nasatak hi sudai inla, na mite chunga zie thil phalo hih tunsak dah hâm in.

ISAI 40:2

Jerusalem kawmah thamuonna thu gen unla, a kidonau chuh a kichai ta ngâl a, a gitlohnau chule ngaihdam ahi tai, a thil hihkhelh teu cheng ziekin gawtna bukim in ka gawt ta ngâl a,” ti’n.

ISAI 65:10

Chun, ka mipi kei ei hawlte a ding chun, Sharon phai chuh belam hawn tatna mun hung hi’n tin, Akor guom chuh bâwng hawn giehna mun hung hita’n a.

SUNNA LA 3:53

Hingsan in kawkhuk ah ei khiethau a; suong ei sit khum tau a.

HOSEA 2:15

Chun, zie apat chun a grep huonte chuh a kawmah pie kit ka ting, Akor guom chuh kinepna kawt dingin siem ing ka. Zie tak achun a ngaklak hun lai nite, leh a vanglai nite, Aigupta gama pata a hung pawt ni bang khan ei dâwng ina.

HOSEA 2:17

A kam apat in Baal minte hi sumang ding ka hi a, a min le lam khâk hi ta puo’n a.

JOEL 2:13

Na puon uh hilo in, na lunggil uh bawtthêk un la.” Lalpa na Pathien lam u chuh ngau in. Amah chuh mi lungsiet thei tak leh, lainatna a dim, lungnem leh lungsietna hau; thil phalo hihte gawt ding hilo in, ngaidam dinga kisazo zing ahi ngâl a.

JOEL 2:18

Lalpa’n gam a ngaihsakna chuh a hun sulang kit a, A mipite chungah lungsietna a hau a.

JONA 1:15

Khutichun, Jona chuh a dawm kâng u a, Tuisuohgiet achun a paih tha tau a. Ziephet chun, tui kinawk phul but but lai chuh a hai ta a.

ZEKARIA 6:8

Tichun, vânsâwlchâk chun, “Ngai ah, mâllam zuona chiehte khan mâllam achun ka lungthim a suchawldam ui,” ti’n ei hun kiko khum u a.

KISIMNA 25:8

Israel mi chuh puon-In sung achun a delh lut a, Israel mi chu tawh a nih u chun numei chuh a gil ah a sunlet a. Khutichun Israel chate chung a gawt na chuh a hai ta a.

DAN NIHNA 13:17

Zie hansie lawh sa thil haw chuh khat le na khawih loh dinguh ahi; Lalpa chun a lungnatna nasatak chuh haihsan intin, zahngaihna hun muhsak intin, hun lungsiet intin,

DAN NIHNA 13:18

Lalpa na Pathien uh mitmuh a thilpha hih ding thupiek chengcheng, tu a ka hun piek hi na zawp phawt u chun hun hih pung ding ahi, na pileputeu kawma a kihâksiel bang khan.

JOSHUA 10:27

Chun, hiti hi ahi a, ni tum ding kuon in Joshua’n thu a pie a, thinglek apat chun a lathau a, a kiselguknau kawlpûk akhan a paih lut u a, kawlpûk kawtkhak chuh suong lientak takin a sin u a, tuni tieng hin le a um zing nalai hi.

JOSHUA 7:24

Chun, Joshua leh Israel te chengcheng chun Zerah chapa Akan chuh dangka te, puon te, sana tang te, chapate, a chanute, a bâwngchal te, a sabiltungte, a belamte, a puon-In te leh a neih chengcheng chu tawh a pui u a; Akor guom ah a puito u a.

JOSHUA 8:29

Chun, a lengpa chuh nitâk tiengin thinglek ah a khâi a. Ni tum ding kuon in Joshua’n thu a pie a, tichun a luong chuh thinglek apat a lathau a, khawpi kulh kawtkhak lutna ah a paih u a. A chung achun suong a sieh vum u chuh tuni tieng in a um nalai hi.