JOSHUA 7:25 - PATHIEN LEKHABU THIENGTHO (BSI)

²⁵ Chun, Joshua’n “Bangati a kei uh ei sulungkham na him? Lalpa’n tuni hin nang le hun sulungkham ding ahi,” a ti a, tichun Israel te chengcheng chun amah chuh suongin a sep lum u a; a neih chengcheng u leh a inkuon pihte chuh mei in a hâltum suok tau hi.

JOSHUA 7:25 ပူးပေါင်းရင်းမြစ်များ

THILSIEMBUL 34:30

Chun, Jakob in Simeon leh Levi kawm achun, “Nang un zie gama um haw lak ahin Kanaan haw leh Periz te hawt in nei siem u a, nei sulungkham mah mah ui tawmcha ka hih ziekin ei do dingin hung kikhawm khawm untin, ei that mai ding ahiu hi; tichun sukmangthai a um ding ka hi, kei leh ka inkawte hi tawh,” a ti a.

THILSIEMBUL 38:24

Chun, tha thum vel nung chun mi’n Juda kawm achun, “Na monu Tamar in tangval a kivawppih a; zaucha a pai hi,” ti’n a hilh u a. Juda chun, “Puidawk unla, hâl lum un,” a ti tai.

1 KHANGTHUBU 2:7

Akan chu, Zerah suonte laka khat ahi a, gâllâk thil Pathien kawma lat thiengthosa a gûk zieka, Israel chunga sietna tunsakpa kha ahi.

THUCHINGTE 1:19

Lawkna dinga misuomte lampi chuh zie tawbang chuh ahi a zie ngêi chun a neite hinna chuh a lâkmang sak sek hi.

THUCHINGTE 15:27

Diklo taka lawkna chun amah insung a subuoi sek a, himahleh gawlhgukna deihlote vang chuh lawhting in au.

THIEMPUDANTE 20:14

Mi kuo’n le a nu leh a chanu chuh zi a a neih kawp chun, a thum u a chu thah vek ding ahiu ui; thil tenum tak hih ahiu a, zie tawbang thil chu na lak uh a um loh na ding in amah leh amau nih le meia na hâllup dinguh ahi.

THIEMPUDANTE 20:2

Israel chate kawma ziehi gen dingin a hilh a, “Israel chate lak ahim, gamdang mi na lak u a cheng hilele, a chate Molek pathien hona dinga pie taphawt chuh, mipi chengcheng in suong a sehlup ngêi ngêi ding ahi.

THIEMPUDANTE 21:9

Thiempu chanu chuh nawhchizuoka a kisukminsiet chun, a pa suminsie ahi a; meia hâllup ding ahi.

THIEMPUDANTE 24:14

“Hansie lawhpa chuh giehbuk pawlam ah puidawk inla, a hansie gen za taphawt chun a lu chung ah a khut uh nga chiet u hen la, mipi chengcheng chun suongin sep u hen.

GALATI 5:12

A hun subuoite chuh, amau leh amau kitan bawng leh pha ka sai.

DAN NIHNA 13:10

Suong a na sehlup dinguh ahi, Aigupta gam apat a suok a na tânnau apat hun puidawk Lalpa na Pathien u apat hun puih mang a guot ziekin.

DAN NIHNA 13:11

Khutichun Israel mi chengcheng in he’n tin un, lau intin un, zie tawbang thil phalo himhim chuh na lak u ah kuoma’n hih kit ta puo’n au.

DAN NIHNA 17:5

Zie thil phalo hihpa ahim hihnu ahim chuh na khaw kulh pawlam u ah puidawk unla, suong a na sehlup dinguh ahi.

DAN NIHNA 21:21

Zie tieng chuleh, a khuou a mi chengcheng chun suong a a sehlup dinguh ahi; khutia chuh na lak u a thil phalo na sukbeih dinguh ahi; zie chuh Israel mi chengcheng chun hun heu intin, lau in au.

2 THESSALONIKA 1:6

Pathien in thil dik chuh hih in; nang haw hun thuok sakte chung achun gimtheihna hun tun intin;

HEBRAI 12:15

Pathien hehpihna apat a kiheimang lo dingin kivêng phau un. Na lak uh a kuoma’n, khatna zung bang ahim hung khang dawk a, zie thihna gu a chuh buoina nasatak hun suohdawk sek bang hih hi hiel kiu in.

JOSHUA 6:18

Nanguh vang chuh thil zek lak achun kikiengkawih kêi un, khutilochun thil zek chuh la kha’n lau, chun, Israel te giehmun ah hun chawi un na tin uh, buoina leh lungzînna tun sak kha’n lau.

JOSHUA 7:15

Chun, hiti hi hi’n tin, kuole thil thienglo thil a na la tapoh chuh amah leh a neih chengcheng mei a hâltum suok ding hi’n a: Lalpa thugawlh a bawhsiet ziek in leh, Israel te laka thil gilo ngawlhuoi tak a hih ziekin, a tii, hun ti’n,” a ti a.

1 SAMUEL 14:29

Khutichun Jonathan chun, “Ka pa hin mipite hi a na suklungkham maimai ahi hi uo; en tau u, khuoizu neuchakhat ka vak tep leh ka mit-hah a lamzang deuh zieng hila.