JOSHUA 7:24 - PATHIEN LEKHABU THIENGTHO (BSI)

²⁴ Chun, Joshua leh Israel te chengcheng chun Zerah chapa Akan chuh dangka te, puon te, sana tang te, chapate, a chanute, a bâwngchal te, a sabiltungte, a belamte, a puon-In te leh a neih chengcheng chu tawh a pui u a; Akor guom ah a puito u a.

JOSHUA 7:24 ပူးပေါင်းရင်းမြစ်များ

THILSIEMBUL 18:25

Nang hielin khutibang chun mi diktatte chuh migilo banga a umna dingun, mi gilote tawh suklup khawm hiel chuh hih guo sam puo’n na tin; leichung cheng chenga vaihawmpa chun diktak in hih lo ding na him?” a ti a.

JOB LEHKHABU THE BOOK OF JOB 20:15

Amau chun hauhsakna chuh a valh u a, luodawk kit untin, a gil u apat in Pathien in lâkdawk sak in a.

PAWTDAWKNA 20:5

amau haw masanga chuh na kûn ding ahi puoh a, a nau le na sep ding ahi puoi: kei Lalpa na Pathien uh hi Pathien thikthusie, pate gitlohna zieka chate gawt sek, ei hawte chuh suon thumna leh suon lina chana gawt sek leh,

THUCHINGTE 15:27

Diklo taka lawkna chun amah insung a subuoi sek a, himahleh gawlhgukna deihlote vang chuh lawhting in au.

THUGENPA 5:13

Ni nuoia thil phalo tak khat ka muh chuh; mihing in hauhsakna amah sietna dinga a kikawih hi ahi.

ISAI 65:10

Chun, ka mipi kei ei hawlte a ding chun, Sharon phai chuh belam hawn tatna mun hung hi’n tin, Akor guom chuh bâwng hawn giehna mun hung hita’n a.

HOSEA 2:15

Chun, zie apat chun a grep huonte chuh a kawmah pie kit ka ting, Akor guom chuh kinepna kawt dingin siem ing ka. Zie tak achun a ngaklak hun lai nite, leh a vanglai nite, Aigupta gama pata a hung pawt ni bang khan ei dâwng ina.

JOSHUA 15:7

Chun, gamgi chuh Akor guom apat in Debir ah a chieh to zel a; chun, lui simlam a um Adummim a a chieh tohna chung zawn Gilgal lam zuonin mâllam ah a chieh zel a: gamgi chuh En-shemesh luicha achun a chieh zel a, tichun gamgi chuh Enrogel ah a tâwp hi.

JOSHUA 22:20

Zerah chapa Akan khan thil zek a khan thil a hihkhiel a Israel mipite chung akhan lungnatna a kie hilo ahim? Akan kha amah hihkhelhna ah amah mai in a mangthai chuom puoh kha, a tiu a puo,” ti’n a gen u a.

JOSHUA 6:18

Nanguh vang chuh thil zek lak achun kikiengkawih kêi un, khutilochun thil zek chuh la kha’n lau, chun, Israel te giehmun ah hun chawi un na tin uh, buoina leh lungzînna tun sak kha’n lau.

JOSHUA 6:21

Chun, khawpi sunga mi chengcheng, numei leh pasal, a têk a khang leh bâwngchal haw, belam haw, sabiltung haw tawh chemzâm in a that suok kêi u a.

JOSHUA 7:1

Himahleh Israel chate chun thilzek achun thil a sukhiel tau a; Juda phung a Zerah chapa Zabdi chapa Karmi, zie pa chapa Akan chun thilzek chuh a na la ta a, tichun Israel te chung achun Lalpa a lungna ta a.

JOSHUA 7:23

Tichun puon-In sung apat chun a la dawk u a, Joshua leh Israel chate chengcheng kawm achun a hun chawi u a; chun, amau chun Lalpa masangah a kawih u a.

JOSHUA 7:26

Chun, a chung achun suong a tieng vum u a, tuni tiengin a um nalai hi; chun Lalpa’n a lungnatna nasatak chuh a kiheisan ta a, khutichun zie mun min ding chun Akor guom a tiu a, tuni tieng hin Akor guom tih ahi tai.