JOSHUA 7:2 - PATHIEN LEKHABU THIENGTHO (BSI)

² Chun, Joshua’n Jerikoh khuo a pat in Bethel suohlam Beth-aven kawma Ai khuo achun mi a sawl a, a kawm u ah, “Va chieh unla, gam hun en tiem u,” ti’n a gen a. Chun, mite chuh a va chieh to u a, Ai khuo chuh a va enthau a.

JOSHUA 7:2 ပူးပေါင်းရင်းမြစ်များ

THILSIEMBUL 12:8

Chun, zie nung chun simlam a Bethel suohlam pang achun a kichawn a, thanglam panga Bethel leh suohlam panga Ai kikal achun puon-In a zak a. Zie tak achun maichâm a siem a, Pathien a sam ta a.

THILSIEMBUL 28:19

Zie mun min ding chun Bethel a sa a: a khuo min chu vang a tûngin Luz ahi.

1 LENGTE 12:29

Khat chu Bethel ah a kawih a, a khat zaw chu Dan ah a kawih a.

NEHEMIA 11:31

Chun, Benjamin namte chuh Geba apat in a cheng u a, Mikmas, Aija leh Bethel leh a khawneu haw achun a cheng u a.

THUCHINGTE 20:18

Thupiek ngaihsakte thil guonggalh chuh a lamzang a, chingthei taka thu hilhna chuh zui in galdo in.

THUCHINGTE 24:6

Chingthei taka lemguot na chun galdo thei ding na hi a, thu dawt ding tamna phawt achun zawhna a um sek hi.

ISAI 10:28

Melma sepaihte chun Ai khawpi a lau a, Migron khuo a hawhpai u a! A thuomphuo teu chuh Mikmas ah a nusieh u a!

JEREMIA 49:3

Aw Heshbon, hahpi’n kap inla, Ai chuh a susie zo ta ngâl u a; Rabbah chate haw kap un, saidippuon silh unla, kap unla, a dai sung haw achun taiviel un. Milkom chuh sala puih a um ding ahi ngâla, a thiempute leh a miliente tawh.

HOSEA 4:15

“Israel, nang chun nawhchizuok chîng mah leh chin, Juda vang chuh gilo kihen; Gilgal ah Pathien ho ki’n la, Bethel ale va chieh to diek kiu unla, ‘Lalpa a hin zing bang hin,’ ti’n le kipautiem diek kiu in.

MATTHAI 10:16

“Ngaitiem u! ngeihawn laka belam um guola ka hun sawl na hiu hi, khutichun gûl guola ching a, vakhu guola mi zakdah ding khawih lo in um un.

EPHESI 5:15

Khutichun, mi chinglote banga um lo in, miching te banga um zaw’n, na umdan u ah chun chingthei un.

JOSHUA 12:9

Jerikoh leng khat; Bethel kawma Ai khuo leng, khat;

JOSHUA 18:12

Chun, mâllam panga a gamgiu chuh Jordan apat in ahi; chun, gamgi chuh Jerikoh pang ah mâllam pang ah a chieh to zel a, chun, tumlam panga tâng gam ah a chieh to zel a; chun, gamgi chuh Beth-aven gamthip ah a tâwp hi.

JOSHUA 2:1

Chun, Nun chapa Joshua chun, Shittim giehmun apat chun a gukcha a entha dingin mi nih a sawl a, “Chieh unla, a gam chuh phatak in va enthau inla, a bîk tak in Jerikoh khawpi chuh va enthau in,” a ti a. Amau chuh a chieh u a, nawhchizuok khat Rahab kiti In achun a lut u a, zie zan chun zie chun a giek tau a.

JOSHUA 7:3

Chun, Joshua kawmah a vaikit u a, a kawmah, “Mi chengcheng in va do khel ngai puo’n a; mi sangnih ahim, sangthum ahim sawl inla, Ai khuo chuh do u hen; mi chengcheng va kisukchawl khel ngai puo’n a; khawpi neucha ahi ngâl a,” a tiu a.

1 SAMUEL 13:5

Chun, Philistia mite chu Israel te do dingin a kikhawm khawm tau a; kidona kangtalai singthum, sakawl chung chuthiem sang gup leh sepaih tuisuohgiet panga pîlnel zah hiela tam ahiu a: a hung kuon to u a Beth-aven suohlam a Mikmas ah panmun a khawh tau a.

1 SAMUEL 14:23

Khutichun zie ni chun Lalpa’n Israel te chu a hukdawk a, Bethaven khel lam tung hielin a kido pek tau a.

1 SAMUEL 30:27

Bethel a umte, Simlam Ramoth a umte, Jattir a umte;