JOSHUA 7:12 - PATHIEN LEKHABU THIENGTHO (BSI)

¹² Zieziekchun a puo Israel chate’n a melmateu a zawh theih loh u kha, thil thienglo ana khawih tâk ziekun ahi melmate masang a a taihsiet uh; thil thienglo chuh na lak u apat a na sukbeih phawt loh u chun na lak u a hin um ta puo’ng ka.

JOSHUA 7:12 ပူးပေါင်းရင်းမြစ်များ

ISAI 59:2

Himahleh, na manlohnau chuh Pathien tawh na kikal u a chuh kie’n, a hun sukkhen na hi zawu a. Bil a a zak lohna dingin na gitlohna teu chun a mai chuh ahun lieh sak ahi.

VAIHAWMTE 2:14

Khutichun, Lalpa chuh Israel chate chung achun a lungna ta a, a melmateu khut achun a pie ta a; tichun a kimvel u a a melmateu khut apat chun a kivêng zo ta puou hi.

KISIMNA 14:45

Khutichun, zie tânggam a um Amalek te leh Kanaan te chuh a hung suk u a, Hormah chan in a hun delh u a, a zo tau hi.

JOSHUA 6:18

Nanguh vang chuh thil zek lak achun kikiengkawih kêi un, khutilochun thil zek chuh la kha’n lau, chun, Israel te giehmun ah hun chawi un na tin uh, buoina leh lungzînna tun sak kha’n lau.

DAN NIHNA 7:26

Na In sung u a thil tenum hun puo lut in, zie thil guola chuh hansiedawl a na kisiem dinguh ahi puoi; ten takzet a na ten dinguh ahi a, na kihdak dinguh ahi, hansie dawl thil ahi ngâla.

HABAKKUK 1:13

Na mit chuh thil gilo etna dingin a thiengtho taluo a, mi gilote thilhih chuh na en thei puoh ngâl a! Zie migilo thephatte chuh bangti’n a na thuok theih ding? Zieziekchun, amau haw sanga phazawte a sukmangthai lai u a chuh bang zieka thip hiet hiet na him?

HOSEA 9:12

A chateu khanlet sak mahleu le, khatchale hin hawih lo in lâkmang sak vek ing ka. Zie mipite hi ka taihsan tieng chu leh, a chunguh a gik na ding e! ti’n.

JEREMIA 23:33

“Zie mipite hi ahim, thiemgau in ahim, thiempute a him in, ‘Lalpa puokgik chuh bang ahim?’ ti a a hun dawt uh leh, hiti hin dâwng un, ‘Nang haw hi Lalpa puokgik chuh na hiu a, hun paih tha ding ka hi! tih hi Lalpa kamsuok ahi.’

JEREMIA 6:8

Ka lunggil in a hun taihsan masang in, Aw Jerusalem, chingthei in. Khutilochun, kuomah chen loh na gam in hun siem khang ka ting, hun suhawm khang ka.”

THUCHINGTE 28:1

Migilo chuh kuomah delh loh in a tai a; himahleh, mi ginum vang chuh sakeibaknei bangin a hangsan ui.

VAIHAWMTE 2:4

Chun, hiti hi a hi a, Lalpa vânsâwlchâk in Israel chate kawma zie thu chuh a va gen phet chun mipite chuh ngeih tak in a kap tau a.

KISIMNA 14:39

Chun, zie thu haw chengcheng chuh Mosi’n Israel te kawma a gen phet chun mipite chuh nasatak in a lungkham tau a.

VAIHAWMTE 16:20

Ziephet chun, amah chun “Samson, Philistia te’n a hun delh u ie,” a vak ti a. Tichun, a ipmu chuh a hung khanglo a; ni dang guol mah khan kitawm dawk ing ka ting, pawt kit zieng ing ka, ti’n a ngaihtuoh a. Himahlele, Lalpa’n a nutsieh ahi tai tih himhim a kihe puoh a.

1 SAMUEL 14:38

Chun, Saul chun, “Nang haw mipite lawiupa cheng chengte, zie hin hung tiem u; tuni hin bang gitlohna ahim I bawl uh tih hetdawk guou in.

SAM LEHKHABU THE PSALMS 44:10

Ei dote lak achun nei taihsiet sak sek a: Ei mu nuom lo haw chun sum chu a ut un a kilak sek u a.

SAM LEHKHABU THE PSALMS 60:10

Aw Pathien, nangmah mawng in nei paih dawk hilo ahim? Aw Pathien, ka Sepaihteu kieng a la na chieh puoh ngâla.

KISIMNA 14:42

Chieh to dah mai un, Lalpa na kawm u ah a um puoh a, na melmateu zawh dingin va kipielut kiu in.

KISIMNA 14:43

Tichun, Amalek te leh Kanaan te chun hun na kido pih un tin; chemzâm in hun that ding ahiu hi. Lalpa chuh na kiheimang san u a; a thu na zuih loh ziekun na kawm u a umlo ding ahi,” a ti a.