JOSHUA 7:1 - PATHIEN LEKHABU THIENGTHO (BSI)

¹ Himahleh Israel chate chun thilzek achun thil a sukhiel tau a; Juda phung a Zerah chapa Zabdi chapa Karmi, zie pa chapa Akan chun thilzek chuh a na la ta a, tichun Israel te chung achun Lalpa a lungna ta a.

JOSHUA 7:1 ပူးပေါင်းရင်းမြစ်များ

THILSIEMBUL 34:27

Jakob chapate cheng chun khawpi chuh a va ûmbichilh u a, a suohpihnu a sukbuok ziek un khuo chuh a sim tau a.

2 SAMUEL 24:1

Chun, Israel te chung a chun Lalpa lungnatna chu a hung kuong dawk kit ta a, “Chieh inla, Israel mi leh Juda mite sim vekin,” ti’n David chu a sietna dinguh hih dingin a châwk tho a.

2 LENGTE 5:24

Chun, tânga Elisha chênna a va tun u chun, Gehazi chun a lâksak a, In sung ah a puo lut a. Naaman suokte chu a sawl kit a, a chieh tau a.

1 KHANGTHUBU 21:7

Zie thilhih achun Pathien a kipâk ta puoh a; tichun, Israel chate chu a gawt ta a.

2 KHANGTHUBU 24:18

Tichun a pileputeu Pathien Ho-In chu a kiheisan u a, Asher pathien leh milim te a ho tau a. A gitloh nau ziekin Juda te leh Jerusalem chungah Lalpa lungnatna a hung tung ta a.

EZRA 9:6

Aw ka Pathien, nang lam hung ngat hi ka zakcha a, ka mai hi a san hut hut hi. Aw Pathien, ka. mantheihlohna teu chuh ka lu chung uh chup hiel in a pung a; ka gitloh na teu chule van suhiel in a sang hi.

JOB LEHKHABU THE BOOK OF JOB 35:8

Na nunsietna chun nang tawbang mi mai a suna a, Na diktatna chun mihingte mai siempha’n a.

THUGENPA 9:18

Pilna chuh kidona gâlvante sangin apha zaw a; himahleh, migilo khat inle thilpha tamtak a hihsie thei hi.

DANIEL 9:7

Aw Lalpa, diktatna chuh nanga ahi a, kei hawn vang keimauhaw chung ngêi ah zahchâkna ka kitut tau ahi. Zie chuh Juda mite leh Jerusalem a chêngte leh Israel na nawhzakte, gamla leh naia umte chunga le a dik hi.

THIEMPUDANTE 10:6

Chun, Mosi chun Aron leh a chapate, Eleazar leh Ithamar te kawm achun, “Mithi sûn na hiu ui tih hetna dingin, na sam u chuh subuoh kiu unla, na puonteu le bawtthêk diek kiu in. Khutia chuh na hih u chun, thi ding na hiu a, Lalpa lungnat chuh mipite chunga hin um kha’na. Himahlele, Lalpa kawm apat a mei hung zieka thihna um hi, na suohpih uh Israel inkuon teu sûn vang chuh phal ahi.

JONA 1:7

Chun, kuongpute chun, “Hung tiem u, zie thil phalo, I chung u a hungtung hi kuo ziek ahih I het theihna dingun phunsân hitiu,” ti’n a kiho u a. Tichun, phun a san tau a, a phunsân u chuh Jona chung ah a chu ta a.

JOSHUA 22:16

“Lalpa mipi haw chengcheng in, Israel te Pathien chunga na hihkhelh uh hi bang ahi, tuni hin Lalpa chunga kiphin guo a maichâm siem in Lalpa chuh na kiheisan uh ahim?

JOSHUA 22:18

Ahih leh, tuni a hih Lalpa chuh kiheisan na guot taktak uh ahim? Lalpa chunga na kiphin tâk ziek u hin, Amah chuh zing leh chuh Israel mipi haw chengcheng chungah lungna tei in a.

JOSHUA 22:20

Zerah chapa Akan khan thil zek a khan thil a hihkhiel a Israel mipite chung akhan lungnatna a kie hilo ahim? Akan kha amah hihkhelhna ah amah mai in a mangthai chuom puoh kha, a tiu a puo,” ti’n a gen u a.