JOSHUA 6:9 - PATHIEN LEKHABU THIENGTHO (BSI)

⁹ Chun, kigalthuomhaw chuh pengkun mût thiempute masang achun a chieh u a, a nungdalte chun bawm chuh a zawn u a, thiempute chun chieh kawmin pengkun a mût zel u a.

JOSHUA 6:9 ပူးပေါင်းရင်းမြစ်များ

JOSHUA 6:13

Lalpa thugawlh bawm masang achun belamchal ki pengkun sagih chawi thiempute sagih kha a chieh zel u a, pengkun a mût u a; chuleh, kigalthuom haw chuh a masang u ah a chieh zel u a; a nungdalte chun Lalpa bawm a zawn uh a, thiempute chun a chieh kawm un pengkun a mût zel u a.

ISAI 58:8

“Zie tieng chuleh, na vak chuh zing nino suok bangin hung vak dawk intin, chun, na sukdam na chuh kin takin hung kilang intin. Nang hun hukdam dingin hun umpih zing ka ting, Lalpa lopina chun na masang ah hun veng zing ina.

KISIMNA 10:25

A nunung pên in, Dan namte chuh amau tam dân bang zelin a pawt u a; a lawiupa chuh Ammishaddai chapa Ahiezer ahi.

JOSHUA 6:8

Khutichun Joshua’n thu a piek guol chun, Lalpa thugawlh bawm masanga belamchal ki pengkun sagih chawi thiempu sagih te a chieh zel u a, pengkun a mût u a: Lalpa thugawlh bawm in a zui a.

JOSHUA 6:10

Chun, Joshua’n mipite chuh, “Kiko ding thu ka hun piek masang in kiko kiu unla, pau le pau kiu un,” ti’n thu a pie a.