JOSHUA 6:4 - PATHIEN LEKHABU THIENGTHO (BSI)

⁴ Chun, thiempu sagih in Thugawlh bawm masang lam ah belamchal ki pengkun sagih chawi untin, chun, a ni sagih ni chun khawpi chuh sagih vei kimvel suok un na tin uh, chun, thiempute’n pengkun chuh mût un au.

JOSHUA 6:4 ပူးပေါင်းရင်းမြစ်များ

THUPHUON 16:1

Pathien Lungnatna Belhbu chuh Ho-In sung apat chun aw ngeih tak in, vânsâwlchâk sagihte kawm achun, “Chieh unla, Pathien lungnatna belhbu chuh lei chungah sung thau in,” a tih ka za a.

2 KHANGTHUBU 20:17

Zie kido na hi na do uh ngai puo’n a: pan mun khawh unla, ngak mai un, nang u lam a pang Lalpa hukdam na chu en zing mai u, Juda mite leh Jerusalem mite: lau kiu inla, lung le lungthuoi diek kiu in, zing leh do ding inkuon dawk un, Lalpa chu nang haw lam ah a pang ngâl a,” a ti a.

THUPHUON 8:2

Chun, Pathien ma a vânsâwlchâk sagih ding sekte chuh ka mu a; chun, a kawm u ah pengkun sagih a pieu a.

2 KHANGTHUBU 20:21

Chun, mipite tawh a kiho zawh un, amah chun sepaihte ma a chiehkhawma, Thiengtho kilawmna pakcha ding leh, Lalpa chuh pakchau un, a zahngaihna chu kumkhuo’n um ding ahi ngâla, ti a lasa ding leh Lalpa min pakcha dingin lasa thiemte a guot a.

1 LENGTE 18:43

A suokpa kawmah, “Va chieh to inla, tuisuohgiet lam va entie,” a ti a. Chun, a va chieh a, a vak en a; “Bangmah a um puoi,” a ti a; Chun, amah chun, “Sagih vei chieh kit in,” a ti a.

THIEMPUDANTE 14:16

a khut veilam khutpêk a thau achun a changlam khutzung dieh intin, thau chuh Lalpa masangah sagih vei theh ina.

THUPHUON 15:7

Ganhing lite laka khat chun, vânsâwlchâk sagihte kawm achun, Pathien, kumkhawtuong a hingzingpa lungnatna a dim, belhbu sagih chuh a pie a.

THUPHUON 15:1

Chun, van ah melchikna dang, lopi tak leh mak tak hi ka mu a. Vânsâwlchâk sagih, gawtna sagih chawi hi a um a; zie chuh Pathien lungnat tawpna pên suklatna a hih tâk ziekin, gawtna tawpna pên chuh a hi tai.

THUPHUON 10:3

sakeibaknei kitum bangin ngeih tak in a kiko ta a. Khutia a kiko zawh chun, vangi sagihte chun a hun dâwng tau a.

THUPHUON 8:6

Chun, vânsâwlchâk sagih, pengkun sagih chawite chuh, mût dingin a kiguonggalh tau a.

THUPHUON 5:6

Chun, lalchutphah lailung a ding, Belamno, ganhing lite leh upate um kimvela um chuh ka mu a. Zie Belamno chuh a kithat sa hi leh kilawm tak hin a kilang a. Ki sagih leh mit sagih hi a nei a, ziete chuh Pathien Thagau, khawvel pumpi chunga sawl dawka umte chuh ahiu hi.

THUPHUON 5:1

Chun, lalchutphah a chu pa khut changlam achun lehkhabu a sung leh a paw kizik, tiemtehna sagih a kitiemteh khum chuh ka mu a.

THUPHUON 1:20

Ziehi, ka khut changlama aksi sagih um na muh te leh, sana thaumei kawihna sagihte thuguk chuh ahi. Aksi sagihte chuh, sapchuom haw lawi sagihte vânsâwlchâk ahiu a, thaumei kawihna sagihte chuh, sapchuom haw lawi sagihte chuh ahiu hi.

THUPHUON 1:4

Johan chun, Asia gama sapchuom haw lawi sagihte kawm achun: A umlaitak leh um sapa leh hung um kit ding pa kawm apat leh, a lalchutphah masanga Thagau sagih um haw kawm apat leh,

2 LENGTE 5:10

Chun, Elisha chun, “Chieh in la, Jordan lui ah sagih vei va kisil inla, tichun, na phehlevo ngêi pukit in na tin, hung thieng ta’n la,” ti’n mi a sawl a.

KISIMNA 23:1

Balaam chun Balak kawmah, “Zie taka hin maichâm sagih ei bawlsak inla, bâwngchal sagih leh belamchal sagih ei guonsak in,” a ti a.

ZEKARIA 4:6

Chun, amah chun ka kawmah, zie hi Zerubabel kawma Lalpa thu chuh ahi: “Hatna hilo in, thilhih theihna le hi diek lo in, Ka thagau thilhih theih na zawk in la uo! Bangkim hihthei Lalpa chun a tii.

ZEKARIA 4:2

Ka kawmah “Bang na mu?” ti’n ei dawng a. Kei chun ka dâwng a, “Ngaitie, Dangkaguo a kisiem thaumei tunna ka mu a, a sip a a thau kawihna ding kuong tawh. Thaumei sagih a dinga phita kikawih chule ka mu a,

ISAI 27:13

Zie ni chuleh, Asuria leh Aigupta gama nawhdawka umte sap khawm kitna dingin, pengkun lopi tak chuh mût untin, tichun, hung khawm un tin, Jerusalem a Tang Thiengtho achun Lalpa chuh ho ta’n au.

JOB LEHKHABU THE BOOK OF JOB 42:8

Khutichun, tuhin bâwngchal sagih leh belamchal sagih keng in ka suok Job kawm achun chieh unla, nang u a dingin hâlmang kithawihna va siem unla. Khutichun ka suok Job chun hun paucham sak intin, zie chuh a na pawm ing ka ting, na ngawl dân tak u chun hun thuk puo’ng ka. Ka suok Job guolin ka chungchâng thu dik takin na gen puoh ngâl u a,” a ti a.

2 KHANGTHUBU 20:19

Kohath suon leh Korah suon Levi te chuh aw ngeihtak a Lalpa Israel te Pathien pakcha’n a ding u a.

2 KHANGTHUBU 13:12

Pathien chun ka mau pui in ka kawm u ah a um a, chun, Thiempute chu nang haw hun do dinga pengkun mût dinga kisazo san tak ahin aum ui. Aw Israel suonte, Lalpa na pileputeu Pathien chu do hiel kiu; zo lo hiel ding na hi ngâl u a,” a ti a.

THIEMPUDANTE 4:6

Thiempu chun thisan achun a khutzung dieh intin; Mun thiengtho puonzak mai chuh sagih vei a theh ding ahi.

THILSIEMBUL 2:3

Tichun Pathien in ni sagih ni chu vang a pie a, a suthiengtho a: Zie ni a chuh Pathien in a thilsiem chengcheng thu maia a siem leh khuta a siemte chuh a chawlhsan tâk ziekin, zie ni chuh a hih thiengtho ta a.

JOSHUA 6:3

Chun, galdo mite chengcheng hin khawpi hih kimvel in khatvei na chieh kimvel dinguh ahi. Khutibang chun ni gup na bawl dinguh ahi.

JOSHUA 6:5

Chun, hiti hi hi’n tin, belamchal ki a mût git phat u a, pengkun gi na zak tieng u leh, mipi chengcheng ngeih tak in kiko u hen; tichun khawpi kulh chuh chim gui gui intin, mipite chuh amau mazawn chiet ah chun lut to un au,” a ti a.

JOSHUA 6:13

Lalpa thugawlh bawm masang achun belamchal ki pengkun sagih chawi thiempute sagih kha a chieh zel u a, pengkun a mût u a; chuleh, kigalthuom haw chuh a masang u ah a chieh zel u a; a nungdalte chun Lalpa bawm a zawn uh a, thiempute chun a chieh kawm un pengkun a mût zel u a.

2 LENGTE 5:14

Ziephet chun, Naaman chu Jordan lui ah a va chieh a, Pathien mi gen bang chun, Jordan lui ah sagih vei a va kidieh a; tichun, a taksa chu, naupang phehlevo bang mai in a hung um ta a, a hung thieng ta a.