JOSHUA 6:27 - PATHIEN LEKHABU THIENGTHO (BSI)

²⁷ Khutichun Lalpa chuh Joshua kawmah a um a; chun, a gam pumpi achun a min a hung thang ta a.

JOSHUA 6:27 ပူးပေါင်းရင်းမြစ်များ

THILSIEMBUL 39:21

Himahlele Lalpa chuh Joseph kawmah a um zel a, a chungah zai a dawh a, suongkul vengpa le a lungsiet sak a.

2 SAMUEL 7:9

Chun, na chiehna tak ah na kawmah ka um zel a, na masang achun na melmate ka hih mangthai zel a; leia mi lopi takte min bang min lopi tak hun putsak ing ka.

1 KHANGTHUBU 14:17

Khutichun, David min chu gamtin ah a hung kithang ta a; Lalpa’n namtin, amah chu a kihchak sak ta a.

ESTHER 9:4

Mordekai chuh leng in a chun thilhih thei tak in a um tai tih leh hung hât deuh deuh ding a hi tih chuh leng gambung tin achun het ahi ta a.

MATTHAI 14:1

Zielai tak chun leng Herod chun Isu chanchin chuh a na za a, a sawntawlawite kawmah,

MATTHAI 18:20

Mi nih ahim, thum ahim ka min a a kikhawpna tak u achun a laku ah ka tel sek hi.” a ti a.

MATTHAI 28:20

Chun, thu ka hun piek chengcheng hi pawm dingin hilh un. Chun, ngaitiem u; Kei, kumkhuo’n, khawvel beih tiengin le na kawm u ah um zing ing ka,” a ti a. Amen.

MATTHAI 4:24

Tichun, Suria gam chengcheng ah a chanchin a thang ta a; tichun mi damlo chengcheng, damlohna leh natna tin cheng thuokte, thitha mat haw, phungzawl vei haw, zeng haw a kawmah a hun pui u a, a na hihdam a.

2 KORINTH 13:14

Lalpa Isu Krista lungsietna te, Pathien hehpihna te leh, Thagau Thiengtho kivawppihna te chuh na bawn uh a chungah um hen. Amen.

DAN NIHNA 31:6

Hattak leh hangsan takin um unla, huphulh kiu inla, amau chule lau hiel kiu in; a hun kitawnpih zing chuh Lalpa na Pathien uh ahi ngâla; hun nusieh ngei puo’n tin, hun thahtham ngei puo’n a,” a ti a.

2 TIMOTHE 4:17

Chanchin Pha kei zieka gen kima a um theihna’n leh, Jentel te chengcheng chun a zak theihna dingun, Lalpa chun ei hum a, ei sukhat zawk ahi a, chun, sakeibaknei kama um kha hukdawk in ka hung um zaw ahi tai.

2 TIMOTHE 4:22

Lalpa chuh na thagau kawmah um ta hen. Pathien hehpihna chuh na bawn u a kawmah um ta hen.

JOSHUA 1:5

Na damsung chengin kuoma’n hun zo thei puo’n a; Mosi kawma ka um bang khan na kawma le um ding ka hi: hun thahtham puo’ng ka ting, hun taihsan puo’ng ka.

JOSHUA 1:9

Thu ka hun pie hilo maw? Hattak leh hangsan takin um in; lau ki’n la, lungkie diek ki’n: Lalpa na Pathien chuh na chiehna tak ah na kawma um zel ding ahi,” ti’n a gen a.

JOSHUA 9:1

Chun, hiti hi ahi a, Israel chate guolzawhna thu chuh Jordan gala leng haw chengcheng tâng gama te, phai gama te, Tuisuohgiet lien tak dung a chêng a Lebanon tienga um chengcheng te: Hit mite, Amor mite, Kanaan mite, Periz mite, Hiv mite, Jebus mite hawn a hun het u chun,

JOSHUA 9:3

Himahleh, Gibeon khuo a um Hiv mite chun Joshua’n Jerikoh khuo leh Ai khuo a a thilhih dân a hun het u chun;

JOSHUA 9:9

Chun, amau chun a kawmah, “Lalpa na Pathien min ziekin na suok te hi gamla tak apat a hung ka hiu a; na minthan ziete, Aigupta gama na thilbawl chengcheng te,

VAIHAWMTE 1:19

Tichun, Lalpa’n Juda mite chuh a panpih a, tânggam haw chuh a la vek u a, phaicham a cheng te vang chun thik kangtalai a neih ziekun a nawhdawk zo puou a.

1 SAMUEL 18:14

Chun, David chu a thilhih ta phawt ah a lawhting mah mah a, a kawma Lalpa a um ziekin.

1 SAMUEL 2:30

Zieziekchun, Lalpa Israel te Pathien chun, “Ken na inkawte leh na pa inkawte chu kumkhuo’n ka masang ah um inlau ka na ti ngut a,” a ti a; himahlele, tuhin Lalpa chun, “Um hiel puo’n lau; ei limbawlte chu limbawl ing ka ting ei musitte chu ka ngaihnepte hiding ahi ngâl u a.