JOSHUA 6:17 - PATHIEN LEKHABU THIENGTHO (BSI)

¹⁷ Khawpi leh a sunga thil um chengcheng hih Lalpa kawma piek ahi tai; Rahab nawhchizuoknu leh a In a a kawma um haw cheng vang chuh hing hawih ding ahi, I mi sawlteu kha ana selguk ziekin.

JOSHUA 6:17 ပူးပေါင်းရင်းမြစ်များ

DAN NIHNA 20:17

Hit mite, Amor mite, Kanaan mite, Periz mite, Hiv mite leh Jebus mite haw hi na thah chimit kêi dinguh ahi:

JAKOB 2:25

Khutibang mah in, Rahab, nawhchizuoknu khan le, Israel te laka enthate khah a na lawp a, lampi chuom a a sawl mang lai khan, thilhih ziekin thiem a chang hilo maw?

MIKA 4:13

Aw Zion chanu tho in la, chil in, na ki chuh thik bangin siem ing ka ting, na kengbawm haw chuh sumeng guolin siem ding ka hi ngâla: chun, chi tamtak te chuh khen nêl in na tin, pawngbawlna zieka hauhsakna a neih teu cheng chuh khawvel pumpi Lalpa a ding in lân thiengtho in la.

HEBRAI 11:31

Taksanna ziekin, Rahab nawhchizuoknu khan, enthate khah phatak a a na lawp ziekin, thu a nung lo haw lak ah a mangthai ta puoi.

HEBRAI 6:10

Na nasep u leh, a min zieka hehpihna na latsak sek uh, mithiengthote na zenvielnau, tu tieng a le na hih zing uh chuh hengilh dingin Pathien chuh mi diktatlo a hi puoh ngâl a.

GALATI 3:12

Dan chun taksanna tawh bangmah kimatna a nei puoh ngâl a. “Kuole, Dan in hih dinga a thilphutte hih bukimte chuh hing un au,” a ti zaw ahi.

GALATI 3:10

Dan thilhih a kinga taphawtte chuh, hansie nuoia um ahi “Dan Lehkhabu a kizik chengcheng zawp lo taphawt chuh, hansie nuoia um ahiu hi!” tih zik ahi ngâla.

1 KORINTH 2:7

Himahleh, kei un chuh Pathien chitna thuguk, chitna kisel; I lopina ding u a Pathien in khawvel kisiem ma pek a a guotsa thu chuh ahi, ka phuon zawk sek chuh.

MATTHAI 25:40

Zie tieng chuleh Lalpen chun a kawm u ah, ‘Tihtakzet a ka hilh na hiu hi, Zie ka suohpih neupen te laka khat chunga na hih u chuh, kei chunga hih na hiu hi,’ ti’n hun dâwng ina.

THILSIEMBUL 12:3

Nang hun vangsakte chuh vangsak ing ka ting, hansie hun lawh ta chuh hansie lawh ing ka: chun, nang achun lei a nam cheng hi vangsak in um in au,” a ti a.

1 KORINTH 16:22

Kuo’n le, Lalpa a hehpih loh chun, hansie dawl in um hen. (Anathema) I Lalpau chuh a hung hi! (Maranatha)

EZEKIEL 39:17

Chun, Lalpa Pathien chun hiti hin a tii, “Nang mihing chapa, Vacha tincheng te leh gamsa tin chengte kawmah thugen inla, Hung pungkhawm unla, hung un, sa na nek u a, a thisan na dâwn theih na dingun ning tin apat in hung un! Israel tânga guolvakna lopitak, nanguh a dinga ka bawl kimvel achun hung kikhawm un ti’n.

JEREMIA 46:10

Zie ni chuh ahi, Lalpa sepaihte Lalpa phuba lak ni, a melmate chunga phuba a lâkna ni chuh. Chemzâm in hun that zo in tin, hun zo ding ahi. A thisan u chuh khawp set in dâwn intin, Sepaihte Lalpa chun mâllam a Euphrates lui pang achun tamtak a that lemlum mai hi!

ISAI 34:6

Kithawihna belam leh kel thisan guolin, a chemzâm chuh, a thisan u leh a thauteu chun dim ina. Lalpa’n zie kithawihna chuh Bozrah khawpi ah a lân a, zie chun, Edom gam achun kithahna huoisie tak a umsak ta a.

EZRA 10:8

Ni thum sunga hung lote chuh leng leh a upate lemguot dungzui in a neihlelam chengcheng lâksak hiu in tin, amah le saltâng vaikitte laka pata paih dawk hiding ahi, ti’n thu a phuong u a.

1 SAMUEL 15:6

Chun, Saul chun Ken te kawma chun, “Hung pawt unla, Amalek te lak apat hin kikiengkawih un, dân leh hun that khawm kha kha’ng ka: nangun vang Israel te Aigupta gam apat ahung pawt u khan na na khawtuoh ngâl u a,” a ti a. Khutichun, Ken te chu Amalek te lak apat a pawt tau a.

JOSHUA 7:1

Himahleh Israel chate chun thilzek achun thil a sukhiel tau a; Juda phung a Zerah chapa Zabdi chapa Karmi, zie pa chapa Akan chun thilzek chuh a na la ta a, tichun Israel te chung achun Lalpa a lungna ta a.

JOSHUA 2:22

Tichun, a pawtdawk u a, tâng achun a chieh u a, a delhte hung kileh kit ma cheng chun ni thum sung a va kisel tau a; tichun, a delhte haw chun lam tungtawn in a hawl u a, himahlele a mu zo puou a.

JOSHUA 2:1

Chun, Nun chapa Joshua chun, Shittim giehmun apat chun a gukcha a entha dingin mi nih a sawl a, “Chieh unla, a gam chuh phatak in va enthau inla, a bîk tak in Jerikoh khawpi chuh va enthau in,” a ti a. Amau chuh a chieh u a, nawhchizuok khat Rahab kiti In achun a lut u a, zie zan chun zie chun a giek tau a.

1 SAMUEL 15:3

Amalek te do dingin chieh inla, a thil neih chengcheng uh sit himhim nei lo in nuoichimit suok kêi in; pasal leh numei, nausen leh nawicheplai, bâwngchal leh belam, sangawngsau leh sabiltung that suok kêi in, a tih ahi,” a ti a.

THIEMPUDANTE 27:21

Himahleh, Jubili kum a a pawt kit tieng leh, lo chuh Lalpa chanvo hi’n tin, thiempute chang un au.