JOSHUA 5:6 - PATHIEN LEKHABU THIENGTHO (BSI)

⁶ Lalpa aw a ngaihthak nawp loh ziek u a mipi haw chengcheng, Aigupta gam apat hung pawt galdo mite na tieng a hih mangthai a a um suok tiengun Israel chate chuh gamthip ah kum sawmli zet a vak a vak u a: Lalpa’n a suonteu haw kawm a bâwngnawi leh khuoizu a luonna gam kipautiem a ei piek uh a na tiem kha, zie gam chuh mu lo dingin Lalpa’n a kawm u ah a kipautiem ahi.

JOSHUA 5:6 ပူးပေါင်းရင်းမြစ်များ

SAM LEHKHABU THE PSALMS 107:4

Khenkhat chuh thalek gamgaw lampi haw achun a vak a vak u a; Mihing umna khuo mawng mawng a mu puou a.

PAWTDAWKNA 3:17

Aigupta gama sukgimtheihna lak apat chun hun puidawk ing ka ting, Kanaan mite, Hit mite, Amor mite, Periz mite, Hiv mite, Jebus mite gam, bâwngnawi leh khuoizu a luong gam achun hun puilut ing ka,” tih ka tiem ta ngâl a.

PAWTDAWKNA 3:8

Tichun, Aigupta pata hukdawk ding leh, zie gam apat a chuh puidawk a, Kanaan mite, Hit mite, Amor mite, Periz mite, Hiv mite, Jebus mite umna gam phatak leh lientak, bâwngnawi leh khuoizu a luong gama chuh puilut dinga hungsuk ka hi tai, a ti a.

JEREMIA 2:2

Chieh inla, Jerusalem zak in kiko inla, Lalpa’n hiti hin a tii, ti’n: “Na khangdawng laia na nunnem zie te; kihuol laia nei hehpih ziete khah ka hezing hi. Gamgaw muntin ale nei zui a, bangmah chin khâk loh na gam haw ale nei zui sek kha.

EZEKIEL 20:15

Thalek akhan le amau haw ka piek gam, bâwngnawi leh khuoizu a luong gam, gam chengcheng laka gam hawihpen, achun puilut puo’ng ka ti’n a kawm u a kihâksielna’n ka khut ka na zak ta a;

EZEKIEL 20:6

Zie ni khan amau chuh Aigupta gam apat a puidawk a, amau dinga ka gam huol, nawitui leh khuoizu a luong gam, gam chengcheng laka gam hawihpen a chuh puilut dingin a kawm u ah kihâksielna’n ka khut ka zaka.

JOEL 3:18

Zie hun tieng chuleh hiti hi hung hi’n tin, tâng sangte chuh nawitui in luong intin; Tang haw achun ganguolte tau un tin, Juda gam luicha chengcheng achun tui luong dim ta’n a. Lalpa Ho-In apat tuinak hung kichikdawk intin; tichun, Shittim luiphaite chuh hihnawm ina.

KISIMNA 14:23

a pileputeu kawma piek dinga ka kipautiem na gam achun mu puou intin, ei musitte chuh khat chale lut hiel puo’n au,

KISIMNA 26:63

Ziehaw hi ahi Jerikoh zawn a, Jordan lui panga, Moab phai a Israel chate Mosi leh Eleazar in a sim hawu chuh ahiu hi.

DAN NIHNA 1:3

Chun, Aigupta a nutsieh nung uh kum sawmli a tin kum a tha sawm leh tha khatna ni khat ni chun Lalpa’n Israel mipite hilh dinga thu a piek chengcheng chuh Mosi’n a kawm u ah a gen ta a;

DAN NIHNA 2:14

Kadesh-barnea I nutsieh u apat Zered lui I kân chan u khah kum sawmthum leh kum giet ahi; zie sung chun Lalpa’n amau a na haksiel guol khan zie khanga galdo thei chengcheng chuh a thi zo vek tau hi.

DAN NIHNA 2:7

“ ‘Lalpa na Pathien u chun na sep taphawt u ah a hun vangsak sek a, zie gamthip za tak hi na hawhpai dân u chuh a he ngâl a; zie kum sawmli sung cheng hin Lalpa chuh na kawm u ah a um a, bangmah na tasam puou kha, ti’n thu pieh,’ ti’n.

DAN NIHNA 8:4

Zie kum sawmli sung hin na silhlechen, hawu chuh na silh chul puou a, na keng hawu le avum puoh a.

HEBRAI 3:11

Ka thupiekte zawp ding le a niel zing tau hi, ka ti a, ka lungnat a ka kihâksiel guol khan, ‘Ka chawlhna achun lut hiel puo’n au!’” ti’n.

JOSHUA 1:6

Hattak leh hangsan takin um in; a suonteu kawma kipautiema piek ka na tiemna gam kha, ziehaw hi luoh sak ding na hi ngâl a.

JOSHUA 24:7

Chun, amau chun Lalpa a vak sam u a, Aigupta mite tawh a kikal u chuh a hun hih thim mup ta a, tuipi achup tum sak a; tichun Aigupta gam a ka thilhih kha na mit ngêi in na muu a; zie nung chun, gamthip a khan sawttak na um u a.

JOSHUA 5:5

Aigupta gam apat a pawt haw kha zek tansa ahiu a: amahvang chuh Aigupta gam apat a a pawt uh a gamthip a lamkal a piengte chengcheng kha zektan loh ahih ziekuh ahi.

JOSHUA 5:7

Tichun a suonteu amau haw thasang a a tundawk chuh Joshua’n a zek uh a tan sak a: lamkal a khah a zek uh tan ahih loh ziek un, zektan loh ana hi zing ngâl u a.