JOSHUA 5:5 - PATHIEN LEKHABU THIENGTHO (BSI)

⁵ Aigupta gam apat a pawt haw kha zek tansa ahiu a: amahvang chuh Aigupta gam apat a a pawt uh a gamthip a lamkal a piengte chengcheng kha zektan loh ahih ziekuh ahi.

JOSHUA 5:5 ပူးပေါင်းရင်းမြစ်များ

GALATI 6:15

Siemthak kitna lo chuh, zektan hi bangmah ahi puoh a, zektan loh le bangmah ahi chuom diek puoi.

GALATI 5:6

Krista Isu achun, zektan bangmah a phachuom puoh a, zektan loh le bangmah a phachuom diek puoi; taksanna a, hehpihna nasep vang chuh a phachuom ahi.

1 KORINTH 7:19

Pathien thupiek zawp ngâllo chuh, zektan chuh bangmah ahi puoh a, zektan loh le bangmah ei chuom diek puoi.

ROME 2:26

Zieziekchun, zektan loh mi’n Dan thupiek zawp taleh, amah chuh zektansa banga ngaih hilo ding ahim?

MATTHAI 12:7

‘Chuleh, Kithawihna deih lo in, lungsietna ka deih zawi’ tih hi a na he hita leu chun, mi, a mawh lo chu mawh chansak lo ding hi veu chin,

JOSHUA 5:4

Chun, Joshua’n a zek uh a tan ziek chuh ziehi ahi: Aigupta gam apat a hung pawt haw chengcheng, pasal galdo mite chengcheng kha Aigupta gam apat a a hung pawt nung u khan lamkal ah gamthip a khan a thi zo tau a.

JOSHUA 5:6

Lalpa aw a ngaihthak nawp loh ziek u a mipi haw chengcheng, Aigupta gam apat hung pawt galdo mite na tieng a hih mangthai a a um suok tiengun Israel chate chuh gamthip ah kum sawmli zet a vak a vak u a: Lalpa’n a suonteu haw kawm a bâwngnawi leh khuoizu a luonna gam kipautiem a ei piek uh a na tiem kha, zie gam chuh mu lo dingin Lalpa’n a kawm u ah a kipautiem ahi.